വേദനയില്ലാതെ 2 മിനിട്ടില്‍ അനാവശ്യരോമം പോവും

മഞ്ഞളും കടലമാവും

മഞ്ഞള്‍ സൗന്ദര്യസംരക്ഷണത്തിന്റെ അവസാന വാക്കാണ് എപ്പോഴും. മഞ്ഞള്‍ കടലമാവിനൊപ്പം ചേരുമ്പോള്‍ എന്തൊക്കെ മാറ്റങ്ങളാണ് സൗന്ദര്യത്തിന്റെ കാര്യത്തില്‍ ഉണ്ടാവുക എന്ന് നോക്കാം.

തയ്യാറാക്കുന്ന വിധം

ഒരു ടീസ്പൂണ്‍ കടലമാവും ഒരു നുള്ള് മഞ്ഞള്‍പ്പൊടിയും അല്‍പം പാലില്‍ ചേര്‍ത്ത് കുഴയ്ക്കാം. ഇത് പേസ്റ്റ് രൂപത്തില്‍ അയ ശേഷം മുഖത്ത് തേച്ച് പിടിപ്പിക്കാം.

ഉപയോഗിക്കേണ്ട വിധം

നല്ലതു പോലെ പേസ്റ്റ് രൂപത്തിലായ മിശ്രിതം മേല്‍ച്ചുണ്ടില്‍ തേച്ച് പിടിപ്പിക്കാം. ഇത് ഒരാഴ്ച തുടര്‍ന്നാല്‍ മേല്‍ച്ചുണ്ടിലെ രോമം പതുക്കെ പതുക്കെ കൊഴിഞ്ഞ് പോവാന്‍ തുടങ്ങും.

നാരങ്ങയും പഞ്ചസാരയും

മറ്റൊരു പ്രകൃതി ദത്ത പരിഹാരമാണ് നാരങ്ങയും പഞ്ചസാരയും. സൗന്ദര്യസംരക്ഷണത്തിന് നാരങ്ങ നീര് ഒരു അവിഭാജ്യ ഘടകമാണ്. എങ്ങനെ ഈ മിശ്രിതം മുഖരോമത്തിനെ ഇല്ലാതാക്കും എന്ന് നോക്കാം.

ഉപയോഗിക്കേണ്ട വിധം

ഒരു സ്പൂണ്‍ പഞ്ചസാരയും പകുതി നാരങ്ങയുടെ നീരും മിക്‌സ് ചെയ്ത് മുഖത്ത് തേച്ച് പിടിപ്പിക്കാം. പഞ്ചസാര നല്ലതു പോലെ ഉരുകി കഴിഞ്ഞതിനു ശേഷം മാത്രമേ മുഖത്ത് തേയ്ക്കാന്‍ പാടുള്ളൂ. ഇത് തുടര്‍ച്ചയായി ചെയ്താല്‍ മുഖത്തെ രോമം എന്നന്നേക്കുമായി കൊഴിഞ്ഞ് പോവും.

പാലും മഞ്ഞളും

മഞ്ഞള്‍ തന്നെയാണ് രോമം കൊഴിയ്ക്കുന്ന കാര്യത്തില്‍ മുന്നില്‍. പാലും മഞ്ഞളും ആരോഗ്യത്തിന് മാത്രമല്ല സൗന്ദര്യസംരക്ഷണത്തിനും ഇത് ഉത്തമമാണ്.

ഉപയോഗിക്കുന്നതെങ്ങനെ?

മഞ്ഞളില്‍ അല്‍പം പാല്‍ മിക്‌സ് ചെയ്ത് മുഖത്ത് നല്ലതു പോലെ തേച്ച് പിടിപ്പിക്കുക. കക്ഷത്തിലെ അമിത രോമവളര്‍ച്ചയെ ഇല്ലാതാക്കാനും പാലും മഞ്ഞളും ചേര്‍ന്ന മിശ്രിതം സഹായിക്കുന്നു.