തിളങ്ങും വെളുപ്പിന് തൈരും തേനും ഒരാഴ്ച

വരണ്ട മുഖത്തിനുള്ള പ്രതിവിധി

വരണ്ട മുഖത്തിനുള്ള നല്ലൊരു പ്രതിവിധിയാണ് തൈരും തേനും കലര്‍ന്ന മിശ്രിതം. ഇവ ചര്‍മകോശങ്ങള്‍ക്കുള്ളിലേയ്ക്കിറങ്ങി ചര്‍മകോശങ്ങള്‍ക്ക് ഈര്‍പ്പം നല്‍കുന്നു.

ബ്ലീച്ചിംഗ് ഇഫക്ട്

ലാക്ടിക് ആസിഡ് സമ്പുഷ്ടമായ ഒന്നാണ് തൈര്. ഇത് ബ്ലീച്ചിംഗ് ഇഫക്ട് നല്‍കുന്ന ഒന്നു കൂടിയാണ്. ഇതുകൊണ്ടുതന്നെ ചര്‍മത്തിന് നിറം വര്‍ദ്ധിയ്ക്കും. തേനും ചര്‍മത്തിന് നിറം നല്‍കുന്ന ഒന്നാണ്.

പാടുകളില്ലാത്ത ചര്‍മം

ഈ മിശ്രിതത്തില്‍ ധാരാളം സിങ്ക് അടങ്ങിയിട്ടുണ്ട്. ഇത് പാടുകളില്ലാത്ത ചര്‍മം നല്‍കാന്‍ സഹായകമാകുന്നു. ചര്‍മത്തിലെ മുറിപ്പാടുകളകറ്റാനും തടിപ്പും ചുവപ്പുമെല്ലാം മാറ്റാനും ഇത് ഏറെ നല്ലതാണ്.

മുഖക്കുരു

ഇവ രണ്ടും ബാക്ടീരിയകളെ കൊന്നൊടുക്കാന്‍ ഏറെ നല്ലതാണ്. ഇതുകൊണ്ടുതന്നെ മുഖക്കുരു വരുന്നതു തടയാനും മുഖക്കുരു മാറ്റാനും മുഖക്കുരു പാടുകള്‍ മാറ്റാനുമെല്ലാം ഇത് ഏറെ നല്ലതാണ്.

കണ്‍തടത്തിലെ കറുപ്പകറ്റാന്‍

കണ്‍തടത്തിലെ കറുപ്പകറ്റാന്‍ തേനും തൈരും കലര്‍ന്ന മിശ്രിതം ഏറെ നല്ലതാണ്. അത് അടുപ്പിച്ചു ചെയ്യുന്നത് യാതൊരു പാര്‍ശ്വഫലങ്ങളില്ലാത്ത ഗുണം നല്‍കും.

ചുളിവുകള്‍

ഇത് ചര്‍മത്തിലെ കൊളാജന്‍ ഉല്‍പാദനം വര്‍ദ്ധിപ്പിയ്ക്കും. ഇത് ചര്‍മകോശങ്ങള്‍ അയയുന്നതു തടയും. ഇതുവഴി മുഖചര്‍മം അയയുന്നതും ചുളിവുകള്‍ വീഴുന്നതും തടയും. പ്രായക്കുറവു തോന്നിപ്പിയ്ക്കാനുള്ള നല്ലൊരു മിശ്രിതമാണ് തൈരും തേനുമെന്നര്‍ത്ഥം.

സണ്‍ബേണ്‍, സണ്‍ ടാന്‍

സണ്‍ബേണ്‍, സണ്‍ ടാന്‍ എന്നിവ അകറ്റാനുള്ള നല്ലൊരു മിശ്രിതം കൂടിയാണ് തൈരും തേനും. ഇവയുള്ള ഭാഗത്ത് ഇത് പുരട്ടി അല്‍പം കഴിയുമ്പോള്‍ കഴുകിക്കളയും.

തിളക്കം

മുഖചര്‍മത്തിനു തിളക്കം നല്‍കാനുള്ള നല്ലൊരു വിദ്യയാണിത്. പ്രത്യേകിച്ചു വരണ്ട ചര്‍മമുള്ളവര്‍ക്ക്. ചര്‍മത്തിന് തിളക്കവും മൃദുത്വവും നല്‍കാന്‍ ഏറെ നല്ലതാണിത്.

2 ടേബിള്‍സ്പൂണ്‍ തൈരില്‍

2 ടേബിള്‍സ്പൂണ്‍ തൈരില്‍ ഒരു ടേബിള്‍ സ്പൂണ്‍ തേന്‍ കലര്‍ത്തി പുരട്ടിയാല്‍ മതിയാകും. ഇത് അര മണിക്കൂര്‍ കഴിയുമ്പോള്‍ കഴുകിക്കളയാം.