താരനകറ്റാന്‍ സിംപിള്‍ വഴികള്‍

1. ആപ്പിള്‍ സൈഡര്‍ വിനാഗര്‍

ആപ്പിള്‍ സൈഡര്‍ വിനാഗറിന്‍െറ അസിഡിന്‍െറ തലയോടിന്‍െറ പി.എച്ച് മൂല്ല്യം വ്യത്യാസപ്പെടുത്തും. ഇതു വഴി താരന് വളരാന്‍ ബുദ്ധിമുട്ടുള്ള അവസ്ഥ ഉണ്ടാകും.

2.ബേക്കിംഗ് സോഡ

നനച്ച കൈയില്‍ ബേക്കിംഗ് സോഡ എടുത്ത ശേഷം തിരുമി തലയോടില്‍ തേച്ച് പിടിപ്പിക്കുക. ഇത് കഴുകി കളയാന്‍ ഷാംപൂ ഉപയോഗിക്കരുത്. താരന് കാരണക്കാരനായ പൂപ്പലിനെ ഇത് ഇല്ലാതാക്കും.

3. വെളിച്ചെണ്ണ

മൂന്ന് മുതല്‍ അഞ്ച് ടീസ്പൂണ്‍ വരെ വെളിച്ചെണ്ണ രാത്രി കിടക്കും മുമ്പ് തലയോടില്‍ നന്നായി തേച്ചുപിടിപ്പിക്കുക. പിറ്റേ ദിവസം ചെറിയ രീതിയില്‍ ഷാംപൂ ഉപയോഗിച്ച് കഴുകി കളയുക.

4. നാരങ്ങ

രണ്ട് ടേബിള്‍ സ്പൂണ്‍ നാരങ്ങാനീര് തലയോടില്‍ തേച്ച് പിടിപ്പിച്ച ശേഷം തല നനക്കുക. തുടര്‍ന്ന് ഒരു ടീസ്പൂണ്‍ നാരങ്ങാനീര് ഒരു കപ്പ് വെള്ളത്തില്‍ ചേര്‍ത്ത് ഇളക്കുക. തല ഷാംപൂ ഉപയോഗിച്ച് കഴുകിയ ശേഷം ഈ മിശ്രിതം പുരട്ടുക. നാരങ്ങയുടെ അസിഡിറ്റി തലയോടിന്‍െറ പി.എച്ച് മൂല്ല്യം സന്തുലിതപ്പെടുത്താന്‍ സഹായിക്കും. ഇതുവഴി താരനെ അകറ്റാം.

5. വെളുത്തുള്ളി

താരന് കാരണക്കാരനായ രോഗാണുവിനെ തടയാന്‍ വെളുത്തുള്ളിക്ക് നല്ല കഴിവാണ്. ചതച്ച വെളുത്തുള്ളിയും തേനുമായി കലര്‍ത്തിയ ശേഷം തലയില്‍ തേക്കുക. തുടര്‍ന്ന് കഴുകി കളയുക.