വസ്ത്രങ്ങളില്‍ മൂത്രം മണക്കുന്നുവോ?

വസ്ത്രങ്ങള്‍ ശ്രദ്ധിക്കുക

വസ്ത്രങ്ങള്‍ ധരിക്കുമ്പോള്‍ കൂടുതല്‍ ശ്രദ്ധിക്കണം. നനഞ്ഞ അടിവസ്ത്രങ്ങളോ ഇറുകിയ വസ്ത്രങ്ങളോ ധരിക്കാതിരിക്കുക. കോട്ടണ്‍ അടിവസ്ത്രങ്ങളും, വസ്ത്രങ്ങളും ധരിക്കുന്നതും സഹായകരമാകും. മാത്രമല്ല ധരിക്കുന്ന വസ്ത്രങ്ങള്‍ വൃത്തിയുള്ളതായിരിക്കണം.

നാരങ്ങാ വെള്ളം കുടിക്കാം

ധാരാളം നാരങ്ങാ വെള്ളം കുടിക്കാന്‍ ശ്രദ്ധിക്കുക. ഇത് ശരീരത്തിലെ ടോക്‌സിനെ പുറന്തള്ളുന്നു. മാത്രമല്ല നാരങ്ങ നീരിട്ട് വസ്ത്രം കഴുകാനും ശ്രദ്ധിക്കുക. ഇത് മൂത്രത്തിന്റെ മണത്തെ ശരീരത്തില്‍ നിന്നും വസ്ത്രത്തില്‍ നിന്നും ഇല്ലാതാക്കുന്നു.

വ്യക്തിശുചിത്വം

എല്ലാത്തിനും ഉപരിയായി വ്യക്തി ശുചിത്വം വേണം. ഇതില്ലാത്ത പക്ഷം മൂത്രത്തിന്റെ ദുര്‍ഗന്ധം നിങ്ങളെ ചുറ്റിപ്പറ്റി നില്‍ക്കും. മാത്രമല്ല അണുബാധ പോലുള്ള പ്രശ്‌നങ്ങള്‍ക്ക് ഇത് കാരണമാകും.

ആപ്പിള്‍ സിഡാര്‍ വിനീഗര്‍

ആപ്പിള്‍ സിഡാര്‍ വിനീഗര്‍ കുളിക്കുന്ന വെള്ളത്തിലൊഴിച്ച് കുളിച്ച് നോക്കൂ. ഇത് മൂത്രത്തിന്റെ ദുര്‍ഗന്ധം ശരീരത്തില്‍ നിന്നും ഇല്ലാതാക്കുന്നു.

നിര്‍ജ്ജലീകരണത്തിന് തടയിടുക

പലപ്പോഴും മൂത്രത്തിന് ദുര്‍ഗന്ധം അനുഭവപ്പെടുന്നത് നിര്‍ജ്ജലീകരണം കൊണ്ടാണ്. എന്നാല്‍ ധാരാളം വെള്ളം കുടിക്കാന്‍ ശ്രദ്ധിക്കുക. ഇത് മൂത്രത്തിന്റെ അസഹനീയ ദുര്‍ഗന്ധത്തെ ഇല്ലാതാക്കുന്നു.

മോരും വെള്ളം കുടിക്കാം

ദിവസവും മോരും വെള്ളം കുടിച്ച് നോക്കൂ. ഇത് ശരീരത്തിനകത്ത് നിന്ന് തന്നെ നല്ല രീതിയില്‍ പ്രവര്‍ത്തിക്കും. മാത്രമല്ല അണുബാധ പോലുള്ള പ്രശ്‌നങ്ങളെ പരിഹരിക്കുകയും ചെയ്യുന്നു. രാവിലെ മൂത്രത്തിന് ദുര്‍ഗന്ധം അനുഭവപ്പെടുന്നുവെങ്കില്‍ ദിവസം രണ്ട് തവണ മോരുവെള്ളം കുടിക്കുന്നത് ഫലം നല്കും.

ക്രാന്‍ബെറി ജ്യൂസ്

രാവിലത്തെ മൂത്രത്തില്‍ ദുര്‍ഗന്ധം അനുഭവപ്പെടുന്നത് തടയാന്‍ മികച്ച മാര്‍ഗ്ഗമാണ് ക്രാന്‍െബെറി ജ്യൂസ് കുടിക്കുന്നത്. അഥവാ ജ്യൂസ് ലഭ്യമല്ലെങ്കില്‍ ക്രാന്‍ബെറി കഴിച്ചാലും മതി.