ജീവിതവിജയത്തിനു പിന്നില്‍ ഇവരുടെ പ്രണയം

ജയറാം- പാര്‍വ്വതി

മലയാള സിനിമയിലെ മാതൃകാ ദമ്പതികള്‍ എന്നാണ് ജയറാമും പാര്‍വ്വതിയും അറിയപ്പെടുന്നത്. വര്‍ഷങ്ങള്‍ നീണ്ട പ്രണത്തിനു ശേഷം നിരവധി പ്രതിബന്ധങ്ങള്‍ തരണം ചെയ്താണ് പാര്‍വ്വതിയും ജയറാമും വിവാഹിതരായത്.

ബിജു മേനോന്‍- സംയുക്താ വര്‍മ്മ

സിനിമാ ലോകം കണ്ട മികച്ച ദമ്പതികളിലൊന്നാണ് ബിജു മേനോനും സംയുക്താ വര്‍മ്മയും. സംയുക്ത സിനിമാ രംഗത്ത് തിളങ്ങി നിന്ന സമയത്താണ് ബിജുമേനോനുമായുള്ള വിവാഹം. വിവാഹ ശേഷം സംയുക്ത അഭിനയത്തിനോട് താല്‍ക്കാലികമായി വിടപറഞ്ഞു.

ആഷിഖ് അബു-റിമ കല്ലിങ്കല്‍

ആഷിഖ് അബു എന്ന സംവിധായകനു ചേര്‍ന്ന ഭാര്യയാണ് റിമ കല്ലിങ്കല്‍. പ്രണയത്തിലും വിവാഹത്തിലും ഇവര്‍ വളരെ വ്യത്യസ്തത പുലര്‍ത്തിയിരുന്നതും മാധ്യമ പ്രാധാന്യം ലഭിച്ച വാര്‍ത്തയായിരുന്നു.

ഐ വി ശശി- സീമ

സീമയും സംവിധായകന്‍ ഐ വി ശശിയും നിരവധി സിനിമകളില്‍ ഒരുമിച്ചു പ്രവര്‍ത്തിച്ചിട്ടുണ്ട്. ഇപ്പോള്‍ മലയാള സിനിമാ ലോകത്തെ ഏറ്റവും പഴക്കം ചെന്ന മാതൃകാ ദമ്പതികളാണ് ഇവര്‍.

ഇന്ദ്രജിത്- പൂര്‍ണിമ

മലയാള സിനിമയുടെ മാറുന്ന മുഖമാണ് ഇന്ദ്രജിത്. സീരിയലുകളിലൂടെ പ്രേക്ഷകരുടെ മനം കവര്‍ന്ന പിന്നീട് ബിഗ് സ്‌ക്രീനിലേക്ക് എത്തിയ നടിയാണ് പൂര്‍ണിമ. ഇന്ദ്രജിതുമായുള്ള പ്രണയവിവാഹത്തിനു ശേഷവും മിനിസ്‌ക്രീനിലും തന്റെ സാന്നിധ്യമറിയിച്ചിട്ടുണ്ട് പൂര്‍ണിമ.

സുരേഷ്- മേനക

സുരേഷ്‌കുമാര്‍ എന്ന നിര്‍മ്മാതാവിന്റെ പല സിനിമകളിലും നായികയായിട്ടുണ്ട് മേനക. ആ ബന്ധം അവസാനിച്ചത് പ്രണയവിവാഹത്തിലായിരുന്നു.

ഷാജി കൈലാസ്- ആനി

ആനി സിനിമാ ലോകത്ത് തിളങ്ങി നിന്ന സമയത്താണ് സംവിധായകന്‍ ഷാജി കൈലാസുമായുള്ള വിവാഹം നടന്നത്. വിവാഹത്തോടെ സിനിമാ ലോകത്ത് നിന്നും ആനി വിട്ടു നിന്നെങ്കിലും ഇപ്പോള്‍ വീണ്ടും ടെലിവിഷനിലൂടെ പ്രേക്ഷഖര്‍ക്കു മുന്നിലെത്തിയിരിക്കുകയാണ്.

ബാബുരാജ്- വാണി വിശ്വനാഥ്

സംവിധായകനായും നടനായും അറിയപ്പെടുന്ന വ്യക്തിയാണ് ബാബുരാജ്. ബാബുരാജും പ്രണയവിവാഹത്തോടെയാണ് ജീവിതം തുടങ്ങിയത്. അതും നമ്മുടെ മലയാളത്തിന്റെ തന്നെ ആക്ഷന്‍ താരം വാണിവിശ്വനാഥിനെ.

അജിത്- ശാലിനി

മലയാളിയായിരുന്ന ശാലിനിയെ തമിഴകത്തിന്റെ തല അജിത്ത് വിവാഹം കഴിച്ചതും ദീര്‍ഘനാള്‍ നിന്നിരുന്ന പ്രണയത്തിന്റെ അവസാനമായിരുന്നു.

ജോമോന്‍-ആന്‍ അഗസ്റ്റിന്‍

ക്യാമറാമാന്‍ ജോമോന്‍ വിവാഹം കഴിച്ചത് മലയാളികളുടെ സ്വന്തം എല്‍സമ്മയായിരുന്ന ആന്‍ അഗസ്റ്റിനെയായിരുന്നു. എന്നാല്‍ വിവാഹത്തിനു ശേഷവും ബിഗ് സ്‌ക്രീനില്‍ തിളങ്ങി നില്‍ക്കുന്ന താരമാണ് ആന്‍.

ജോണ്‍- ധന്യ മേരി വര്‍ഗ്ഗീസ്

ധന്യ മേരി വര്‍ഗീസിനെ അഭിനേതാവായ ജോണ്‍ വിവാഹം കഴിച്ചതും പ്രണയിച്ചായിരുന്നു. വിവാഹത്തോടെ ധന്യയും അഭിനയ രംഗത്തു നിന്നും പിന്‍വാങ്ങി.

വിജയ്- അമല പോള്‍

തമിഴ് സംവിധായകന്‍ വിജയ് മലയാളത്തിന്റെ പ്രിയതാരം അമലയെ വിവാഹം കഴിച്ചത് പ്രണയിച്ചായിരുന്നു. വിവാഹ ശേഷവും അമല സിനിമാ രംഗത്ത് തന്നെ തുടരുന്നുണ്ട്.