വിജയകരമായനല്ല ബന്ധത്തിന് ഈ കാര്യങ്ങൾ

Love And Romance

lekhaka-Prabhakumar TL

By Prabhakumar Tl

| Updated: Tuesday, June 12, 2018, 17:03 [IST]

ബന്ധങ്ങൾ അഭിവൃദ്ധിപ്പെടുന്നതിന്‌ ആദരവ് അത്യന്താപേക്ഷിതമാണ്. വിജയകരമായ എല്ലാ ബന്ധങ്ങളുടെയും അടിസ്ഥാന ശിലകളിലൊന്നാണ് പരസ്പരമുള്ള ആദരവ്. ആദരവില്ലായ്മ ഒരു വിവാഹജീവിതത്തെ വേഗത്തിൽ ഇല്ലായമ്‌ചെയ്യാം, അതുമല്ലെങ്കിൽ ദമ്പതികളെ സംബന്ധിച്ച് പലപ്പോഴുമത് വേദനാജനകവും, മനഃക്ലേശം നിറഞ്ഞതും, അസന്തുഷ്ടിയുടേതുമായ ജീവിതത്തിലേക്ക് നയിക്കാം. ഈ ആശയം തികച്ചും സാധാരണമാണെന്നിരിക്കെ, വളരെ ശക്തമായി ഇതിനെ പിന്താങ്ങുന്ന എടുത്തുപറയത്തക്ക ഗവേഷണങ്ങൾ നിലകൊള്ളുകയും ചെയ്യുന്നു.

ദമ്പതികളുമായി പ്രവർത്തിക്കുന്ന ഞങ്ങളുടെ സമീപനം പരസ്പര ബഹുമാനത്തിന്റെ പ്രാധാന്യത്തെ എടുത്തുകാണിക്കുന്നു. പരസ്പരമുള്ള ആദരവ് പര്യാപ്തമല്ലാതിരിക്കുന്ന സമയംതന്നെ, ഒരു ബന്ധത്തിന് അഭിവൃദ്ധിപ്പെടേണ്ടതും അത്യന്താപേക്ഷിതമാണ് (ദമ്പതിമാർക്കും, മറ്റ് ജീവിതപങ്കാളികൾക്കും ആദരവോടുകൂടി പരസ്പരം പെരുമാറാൻ കഴിയും, എങ്കിലും വള ൽ പ്രശ്‌നങ്ങളെ പരിഹരിക്കുവാൻ ദമ്പതികൾക്ക് കഴിയുകയില്ല. അങ്ങനെ ഞങ്ങളുടെ തെറാപ്പിസ്റ്റുകൾ ആദരവ് പുനഃസ്ഥാപിക്കുവാൻ ദമ്പതികളോടൊപ്പം പ്രവർത്തിക്കുകയും അവർ വിഷമിച്ചുകൊണ്ടിരിക്കുന്ന മറ്റ് പ്രശ്‌നങ്ങളെ കണ്ടെത്താൻ ശ്രമിക്കുകയും ചെയ്യുന്നു.

ആദരവ്ഃ

പരസ്പരമുള്ള ആദരവ് എന്നതുകൊണ്ട് നാം എന്താണ് അർത്ഥമാക്കുന്നത്? പരസ്പരമുള്ള ആദരവ് വളരെ ലളിതമായ ഒരു കാഴ്ചപ്പാടാണ്. പരിഗണനയും വിനയവും കലർന്ന രീതിയിൽ നിങ്ങളുടെ ജീവിതപങ്കാളിയോട് പെരുമാറുന്നു എന്നാണ് ഇതിനർത്ഥം. പരുഷവും അനാദരവോടുകൂടിയതുമായ രീതികളിൽ പരസ്പരം പെരുമാറുന്നത് ഒഴിവാക്കുന്നു എന്നും ഇത് അർത്ഥമാക്കുന്നു. ഉദാഹരണത്തിന്, ജീവിതപങ്കാളിയെ തെറിവിളിക്കുവാനോ, അപമാനിക്കുവാനോ, അല്ലെങ്കിൽ നിന്ദിക്കുവാനോ നിങ്ങൾ ശ്രമിക്കുന്നില്ല. പരിഹാസ്യമായി നിങ്ങൾ സംസാരിക്കുന്നില്ല എന്നതും പങ്കാളിയെ അവഗണിക്കുകയോ ഒഴിവാക്കുകയോ ചെയ്യുന്നില്ല എന്നും ഇത് അർത്ഥമാക്കുന്നു.

ചുരുക്കത്തിൽ, നിങ്ങളുടെ പങ്കാളിയുടെ അഭിപ്രായങ്ങളെയും, ആഗ്രഹങ്ങളെയും, മൂല്യങ്ങളെയും ഗൗരവമായ രീതിയിൽ പരിഗണനയ്ക്കുവാൻവേണ്ടും വിലയുള്ളതായി നിങ്ങൾ കാണുന്നു എന്നാണ് പരസ്പരമുള്ള ആദരവ് അർത്ഥമാക്കുന്നത്. ഇത് വളരെ ലളിതമായി തോന്നുന്ന സമയംതന്നെ ജീവിതപങ്കാളിയെ ആദരവോടുകൂടി കാണുവാൻ സ്ഥിരമായ പ്രയത്‌നം ആവശ്യമാണ്.

ആദരവ് എന്നത് നിഷേധ പെരുമാറ്റത്തിന്റെ അഭാവമല്ല, എന്നാൽ അനുകൂലമായ പെരുമാറ്റത്തിന്റെ സാന്നിദ്ധ്യമാണ്. വിശേഷിച്ചും, നിങ്ങൾ നിങ്ങളുടെ ജീവിതപങ്കാളിയെ ആദരവോടുകൂടി കാണുകയാണെങ്കിൽ, അവന്റെ/അവളുടെ അഭിപ്രായത്തെ പരിഗണിക്കുക; ജീവിതപങ്കാളിയെ ബാധിക്കുന്ന തീരുമാനങ്ങളെടുക്കുമ്പോൾ കൂടിയാലോചിക്കുക; പങ്കാളിയുടെ ജീവിതത്തിൽ (ജോലി, ദൈനംദിന പ്രവർത്തനങ്ങൾ, താല്പര്യങ്ങൾ) സജീവമായ താല്പര്യമെടുക്കുക; നിങ്ങൾ ഇരുവരെയും, അല്ലെങ്കിൽ കുടുംബത്തെ ബാധിക്കുന്ന പ്രധാനപ്പെട്ട പ്രശ്‌നങ്ങളെക്കുറിച്ച് പങ്കാളിയുമായിചേർന്ന് തീരുമാനങ്ങളെടുക്കുകയോ വിട്ടുവീഴ്ചകൾക്ക് തയ്യാറാവുകയോ ചെയ്യുക തുടങ്ങിയ കാര്യങ്ങൾ നിങ്ങൾ ചെയ്യുന്നു. അതുമാത്രമല്ല കാര്യങ്ങളെങ്കിലും, ആദരവോടുകൂടിയ വിവാഹത്തിന്റെയോ ബന്ധത്തിന്റെയോ സാരം ഇവ ഉൾക്കൊള്ളുന്നു.

വിവാഹജീവിതത്തിൽ ആദരവ്

ആദരവിനെ സ്ഥാപിച്ചെടുക്കുക, നഷ്ടപ്പെടുത്തുകഃ ഒരു ബന്ധത്തിൽ അല്ലെങ്കിൽ വിവാഹജീവിതത്തിൽ ആദരവിനെ എങ്ങനെയാണ് സ്ഥാപിച്ചെടുക്കുന്നത്? നിങ്ങളുടെ പങ്കാളിയുടെ വികാരങ്ങളെയും അഭിപ്രായങ്ങളെയും സ്ഥിരമായി പരിഗണിക്കുകയും വിലകല്പിക്കുകയും ചെയ്യുമ്പോഴും; പെരുമാറപ്പെടണമെന്ന് നിങ്ങൾ ആഗ്രഹിക്കുന്ന രീതികളിൽ നിങ്ങളുടെ പങ്കാളിയോട് സ്ഥിരമായി പെരുമാറുകയും സംസാരിക്കുകയും ചെയ്യുമ്പോഴും; പങ്കാളിയോട് സ്ഥിരമായി വിട്ടുവീഴ്ച ചെയ്യുകയും കൂടിയാലോചന നടത്തുകയും ചെയ്യുമ്പോൾ, ആദരവ് സ്ഥാപിക്കപ്പെടുന്നു.

വിവാഹജീവിതത്തിൽ ആദരവ് എങ്ങനെ നഷ്ടപ്പെടുന്നു? ദൈനംദിനമുള്ള മനഃക്ലേശങ്ങളും ആയാസങ്ങളും കാരണമായി ആദരവ് സാവധാനം തേഞ്ഞുമാഞ്ഞുപോകാം. സ്വന്തം പ്രശ്‌നങ്ങൾ കാരണമായി നിങ്ങളോ നിങ്ങളുടെ പങ്കാളിയോ ക്ലേശിക്കുകയോ വിഷമിക്കുകയോ ചെയ്യുകയാണെങ്കിൽ, നിങ്ങൾക്ക് ശുണ്ഠിയും നിഷേധവുമൊക്കെ ഉണ്ടാകുകയും, നിങ്ങളുടെ നിരാശകളെ പങ്കാളിയുടെമേൽ പ്രയോഗിക്കുകയും ചെയ്യും. പങ്കാളികൾ വർദ്ധിതമായ രീതിയിൽ പരസ്പരം വിപരീതവും അനാദരവോടുകൂടിയവരും ആയിത്തീരുന്നതിനുള്ള ഒരു വിഷമവൃത്തത്തെ ഇത് ആരംഭിക്കും.

അതുപോലെതന്നെ, വൈരുദ്ധ്യങ്ങളെയും വ്യത്യാസങ്ങളെയും കൈകാര്യം ചെയ്യുന്നതിനോ പരിഹരിക്കുന്നതിനോ ഉള്ള കഴിവില്ലായ്മ ദേഷ്യത്തിലേയ്ക്കും നിരാശയിലേയ്ക്കും നയിക്കുകയും, വിപരീതമോ കുറ്റപ്പെടുത്തുന്നതോ ആയ രീതിയിൽ അവ പ്രകടിപ്പിക്കപ്പെടുകയാണെങ്കിൽ, പ്രതികൂലമായ പരസ്പര പ്രവർത്തനങ്ങളുടെ അതേ വിഷമവൃത്തം സൃഷ്ടിക്കപ്പെടുകയും, ആദരവിന്റെ ഇല്ലായ്മയിലേക്ക് നയിക്കുകയും ചെയ്യും. വിവാഹജീവിതത്തിലോ ഏതെങ്കിലും ബന്ധത്തിലോ ആദരവ് ഇല്ലായ്മചെയ്യപ്പെടുന്ന ഏതാനും ചില കാരണങ്ങളാണ് ഇവ.

ആദരവിനെ പരിപാലിക്കുകയും പിന്താങ്ങുകയും ചെയ്യുകഃ

ഒരു ബന്ധത്തിനിടയിൽ ആദരവിനെ നിലനിറുത്തുന്നതിന് പ്രയ്ത്‌നം ആവശ്യമാണ്. നാമെല്ലാവരും മനുഷ്യരാണ്, ആരെങ്കിലും നിഷേധാത്മകമായും, പരിഗണനയില്ലാതെയും, അനാദരവോടുകൂടിയും നമ്മോട് പെരുമാറുകയാണെങ്കിൽ, അതേപോലെ തിരികെ പെരുമാറുവാൻ നാം നിർബന്ധിതരാകുന്നു.

അനാദരവിന്റെ ഈ രീതി സ്വയം പോറ്റപ്പെടുന്നു. പങ്കാളി എത്രത്തോളം പരുഷവും പരിഗണനയില്ലാത്തതുമാണോ, മറ്റേ പങ്കാളി അതേ രീതിയിൽത്തന്നെ പെരുമാറും എന്നുള്ളതിന്റെ സംഭാവ്യതയും അത്രത്തോളംതന്നെ കൂടുതലായിരിക്കും. ഭൂരിഭാഗം ഇടപെടലുകളും അപഹാസ്യാത്മകവും, കുറ്റപ്പെടുത്തുന്ന തരത്തിലുള്ളതും, വിമർശനാത്മകവും, നിന്ദാസൂചകവുമായ പെരുമാറ്റത്തിലായിരിക്കുന്നിടത്തോളം അനാദരവിന് വളരുവാൻ കഴിയും. എങ്കിലും, ആദരവില്ലായ്മ എല്ലായ്‌പ്പോഴും പ്രകടമായിരിക്കണമെന്നില്ല. പങ്കാളിയെ അവഗണിക്കുക, ഉദാസീനമായി പ്രതികരിക്കുക എന്നിങ്ങനെ അത്രത്തോളംതന്നെ മോശമായ രീതികളിൽ പങ്കാളികൾക്കോ ജീവിതപങ്കാളികൾക്കോ അവരുടെ അനാദരവിനെ സമർത്ഥമായി പ്രകടിപ്പിക്കുവാനാകും.

ആദരവിനെ പുനഃസ്ഥാപിക്കുന്നതിനുള്ള നടപടികൾഃ അനാദരവോടുകൂടി പരസ്പരം പെരുമാറുന്ന മാതൃകയിൽ ജോഡികൾ ഒരിക്കൽ വീണുകഴിഞ്ഞാൽ, അതിനെ മാറ്റുക എന്നത് പലപ്പോഴും പ്രയാസമാണ്. പങ്കാളികളോ ജീവിതപങ്കാളികളോ പരസ്പരം ദേഷ്യത്തിലും പകയിലുമാണെങ്കിൽ, മറ്റേ ആൾ മാറുന്നതുവരെ യാതൊരു മാറ്റത്തിനും അവൻ/അല്ലെങ്കിൽ അവൾ ആഗ്രഹിക്കാത്ത തരത്തിലുള്ള ഒരു അകൽച്ച ഉടലെടുക്കാം. അതുപോലെതന്നെ, ഒരു വ്യക്തി കാര്യങ്ങളെ മാറ്റുവാനായി നല്ല വിശ്വാസത്തിലുള്ള പ്രയത്‌നം കൈക്കൊള്ളുകയാണെങ്കിൽ, അത് ശ്രദ്ധിക്കപ്പെടാതെ പോകുകയും, ചിലപ്പോൾ തള്ളിക്കളയപ്പെടുകയും ചെയ്യാം.

ആദരവിനെ പുനഃസ്ഥാപിയ്ക്കുന്നതിനുവേണ്ടി രണ്ട് അടിസ്ഥാന നടപടികൾ ഞങ്ങൾ തയ്യാറാക്കിയിരിക്കുന്നുഃ (1) സ്വന്തം പെരുമാറ്റത്തെ മാറ്റുവാൻവേണ്ടിമാത്രം പ്രവർത്തിക്കുക; (2) നിങ്ങളുടെ പങ്കാളിയുടെ പെരുമാറ്റത്തെ നിയന്ത്രിക്കാൻ ശ്രമിക്കരുത്.

പ്രത്യേകിച്ചും, നിങ്ങളുടെ ബന്ധത്തിൽ നിലകൊള്ളുന്ന പിരിമുറുക്കത്തിന്റെ അളവിൽ, നിങ്ങൾക്കോ നിങ്ങളുടെ പങ്കാളിയ്‌ക്കോ ഫലപ്രദമായ രീതിയിൽ പരസ്പരം സ്വാധീനിക്കാൻ കഴിയുകയില്ല എന്നത് മനസ്സിലാക്കുവാൻ ഞങ്ങൾ നിങ്ങളോടൊപ്പം പ്രവർത്തിക്കുന്നു. പകരം, നിങ്ങളുടെ സ്വന്തം പെരുമാറ്റത്തിൽ ശ്രദ്ധ കേന്ദ്രീകരിക്കുവാൻ രണ്ടുപേരെയും ഞങ്ങൾ പ്രോത്സാഹിപ്പിക്കുന്നുഃ സുവർണ്ണ നിയമങ്ങളെ പിന്തുടർന്ന് എങ്ങനെ പങ്കാളിയെ കാണുവാനാണോ നിങ്ങൾ ആഗ്രഹിക്കുന്നത്, അങ്ങനെ പങ്കാളിയെ കാണുക.

പങ്കാളിയുടെ പെരുമാറ്റത്തെ ശരിയാക്കുവാനുള്ള പ്രേരണ വളരെ വലുതായിരിക്കും, എന്നാൽ ഈ ഘട്ടത്തിൽ അത് പ്രവർത്തിക്കുകയില്ല. വലിയൊരളവ് ആദരവ് സ്ഥാപിച്ചെടുത്തശേഷം, കൂടുതൽ ഫലപ്രദമായ രീതിയിൽ എങ്ങനെ ആശയവിനിമയം ചെയ്യാമെന്നും, അഭ്യർത്ഥനകൾ നടത്താമെന്നും, പ്രശ്‌നങ്ങളെ പരിഹരിക്കാമെന്നും, വ്യത്യാസങ്ങളെ സ്വീകരിക്കണമെന്നും ജോഡികൾക്ക് പ്രവർത്തിക്കാൻ തുടങ്ങാം.

ആദരവോടുകൂടിയ ബന്ധത്തെ സൃഷ്ടിക്കുകഃ ചികിത്സയുടെ ആരംഭഘട്ടത്തിന്റെ ഒട്ടുമുക്കാലും കൂടുതൽ സമാധാനപരമായ ബന്ധത്തെ ദമ്പതികൾ സൃഷ്ടിക്കുകയോ പുനഃസ്ഥാപിക്കുകയോ ചെയ്യുന്ന കാര്യത്തിൽ സഹായിക്കുന്നതിനായി കേന്ദ്രീകരിക്കും. കൂടുതൽ ആദരണീയമായ പരിതഃസ്ഥിതിയോ അന്തരീക്ഷമോ ഒരിക്കൽ സ്ഥാപിക്കപ്പെട്ടുകഴിഞ്ഞാൽ, വിഷമകരമായ പ്രശ്‌നങ്ങളെ തിരിച്ചറിയുന്നതിനും, ദേഷ്യമോ അനാദരവോ ഉണ്ടാകാതെ ഈ പ്രശ്‌നങ്ങളെക്കുറിച്ച് സംസാരിക്കുവാനുള്ള മാർഗ്ഗങ്ങളെ കണ്ടെത്തുവാനും ശ്രദ്ധ കേന്ദ്രീകരിക്കുവാൻ ചികിത്സാരീതി ആരംഭിക്കും. പ്രയാസകരമായ പ്രശ്‌നങ്ങളെയും വ്യത്യാസങ്ങളെയും ഫലപ്രദമായ രീതിയിൽ അഭിമുഖീകരിക്കുവാൻ ആദരവോടുകൂടിയ ബന്ധം സൃഷ്ടിക്കേണ്ടത് ആവശ്യമാണ്. അങ്ങനെ പരസ്പരമുള്ള ആദരവിനെ പുനഃസ്ഥാപിക്കുകയാണ് ചികിത്സയിലെ നിർണ്ണായകമായ ചുവടുവയ്പ്.
വ്യത്യാസങ്ങളെ സഹിക്കുകയും വിലമതിക്കുകയും ചെയ്യുകഃ ചികിത്സയുടെ അവസാനഘട്ടം, ജോഡികൾ വ്യത്യാസങ്ങളെ മനസ്സിലാക്കുകയും, അംഗീകരിക്കുകയും, വിലമതിക്കുകയും ചെയ്യുന്നതുമായി ബന്ധപ്പെട്ട പ്രവർത്തനത്തെ ഉൾക്കൊള്ളുന്നു. അളുകൾ അവരിൽനിന്നും വ്യത്യസ്തരായ ആളുകളെ വിവാഹം കഴിക്കുകയോ അവരിൽ ഉൾപ്പെടുകയോ ചെയ്യുകയും, തുടർന്ന് അവരുടെ ബന്ധത്തിന്റെയോ വിവാഹജീവിതത്തിന്റെയോ ബാക്കികാലം മുഴുവൻ പങ്കാളിയെ മാറ്റുന്നതിനുവേണ്ടി ശ്രമിച്ചുകൊണ്ടിരിക്കുകയും ചെയ്യും എന്നത് ചികിത്സകരുടെ ഇടയിൽ ഇപ്പോൾ ഒരു പ്രയോഗമായി മാറിയിരിക്കുന്നു.
വ്യത്യാസങ്ങളെ അംഗീകരിക്കാൻ പഠിക്കുക എന്നത് ആദരവോടുകൂടിയ ബന്ധത്തെ പരിപാലിക്കുന്നതിന്റെയും പുനഃസ്ഥാപിക്കുന്നതിന്റെയും ഒരു ഭാഗമാണ്. പങ്കാളികൾ തങ്ങളുടെ പങ്കാളിയോ ജീവിതപങ്കാളിയോ വ്യത്യസ്തമായിരിക്കുന്ന രീതികളെ; അവ മൂല്യങ്ങളായാലും, അഭിലാഷങ്ങളായാലും, പ്രകൃതമായാലും; അവയെ അംഗീകരിക്കേണ്ടിയിരിക്കുന്നു. നിങ്ങളുടെ പങ്കാളി നിങ്ങളിൽനിന്നും വ്യത്യസ്തമായിരിക്കുന്നു എന്നതിനെ സഹിക്കുകയും അംഗീകരിക്കുകയും (വിലമതിക്കുകപോലും) ചെയ്യുന്നത് ആദരവോടുകൂടിയ ബന്ധത്തെ പരിപാലിക്കുന്നതിന്റെ മുഖ്യ ഘടകമാണ്.

ഈ സഹിഷ്ണുതയെ നേടുവാൻ ദമ്പതികളെ സഹായിക്കുന്നത് പരസ്പരമുള്ള കഴിവുകളെ തിരിച്ചറിയുന്നതുമായും, ആ വ്യത്യാസങ്ങൾക്ക് ബന്ധത്തെ ഭീഷണിപ്പെടുത്തുന്നതുമായി ഒന്നുമില്ല എന്നും, എന്നാൽ വാസ്തവത്തിൽ അതിനെ ബലപ്പെടുത്തുകയാണ് ചെയ്യുന്നതെന്നും മനസ്സിലാക്കുന്നതുമായി ബന്ധപ്പെട്ട പ്രവർത്തനത്തെ ഉൾക്കൊള്ളാം.