ആര്‍ത്തവാടിസ്ഥാനത്തില്‍ ഗര്‍ഭധാരണ സാധ്യതാ തീയതി

28 ദിവസമുള്ള ആര്‍ത്തവ ചക്രം

28 ദിവസമുള്ള ആര്‍ത്തവ ചക്രം ഉദാഹരണമായെടുക്കാം. ഇവിടെ കൊടുത്തിരിയ്ക്കുന്ന ചാര്‍ട്ടും ഇതിനെ അടിസ്ഥാനമാക്കിയാണ്. ഇതനുസരിച്ച് സാധ്യത, സാധ്യതയുണ്ടാകാം, ഇല്ല എന്നിവങ്ങനെ മൂന്നായി തരം തിരിച്ചിരിയ്ക്കുന്നു. ഇതെക്കുറിച്ചറിയൂ.

28 ദിവസമെങ്കില്‍ തന്നെയും

28 ദിവസമുള്ള ആര്‍ത്തവ ചക്രത്തില്‍, അല്ലെങ്കില്‍ 28-30 വരെയുള്ള ചക്രത്തില്‍ 11-21 വരെയാണ് സാധ്യത. 28 ദിവസമെങ്കില്‍ 12-16 സാധ്യ എന്നു പറയാം. ആര്‍ത്തവ ചക്ര നീളം കുറയുന്നതും കൂടുന്നതുമനുസരിച്ച് ഇതില്‍ വ്യത്യാസം വരാം. അണ്ഡം 24-48 മണിക്കൂറുകള്‍ വരെ മാത്രമേ ജീവനോടെ ഇരിയ്ക്കൂ. ഈ സമയത്ത് ബീജ സംയോഗം നടന്നാല്‍ ഫലം പ്രതീക്ഷിയ്ക്കാം.28 ദിവസമെങ്കില്‍ തന്നെയും ഒന്നോ രണ്ടോ ദിവസം വ്യത്യാസവുമുണ്ടാകാം.

17-28

28 ദിവസത്തെ ആര്‍ത്തവ ചക്രത്തില്‍ 17-28 ദിവസം വരെ സാധ്യയില്ലെന്നു തന്നെ പറയാം. കാരണം അണ്ഡോല്‍പാദനം നടന്നാല്‍ അണ്ഡത്തിന്റെ ആയുസു കഴിയുന്നതു തന്നെ കാരണം. ആര്‍ത്തവ ചക്രത്തില്‍ വരുന്ന ദൈര്‍ഘ്യ വ്യത്യാസമനുസരിച്ച് ഇത്തരം ദിവസങ്ങളുടെ കാര്യത്തിലും വ്യതിയാനം വരാം. മുന്നോട്ടോ പിന്നോട്ടോ എന്ന രീതിയില്‍.

1 മുതല്‍ 11 വരെയുള്ള ദിവസങ്ങളില്‍

1 മുതല്‍ 11 വരെയുള്ള ദിവസങ്ങളില്‍ ഗര്‍ഭധാരണ സാധ്യതയുണ്ടാകാം. അതായത് 1 എന്നത് ആര്‍ത്തവത്തിന്റെ ഒന്നാം ദിനമായെടുക്കാം. ആര്‍ത്തവ ദിനങ്ങളില്‍ ഗര്‍ഭധാരണ സാധ്യത കുറവെങ്കിലും ഇതു പൂര്‍ണമായും ഇല്ല എന്നു പറയാനാകില്ല. സുരക്ഷിത ബന്ധം എന്നത് ഈ സമയത്തു പ്രായോഗികമല്ലെന്നര്‍ത്ഥം. ഗര്‍ഭനിരോധനോപാധികള്‍ ഗര്‍ഭധാരണം പ്ലാന്‍ ചെയ്യാത്തവര്‍ക്ക് അത്യാവശ്യം.

കൃത്യമായി ആര്‍ത്തവം

കൃത്യമായി ആര്‍ത്തവം വരുന്ന സ്ത്രീകളിലാണ് ഇത് കൃത്യമായി പറയാനാകുക. ചിലരില്‍ ആര്‍ത്തവ ക്രമക്കേടുകളും ഓവുലേഷന്‍ ക്രമക്കേടുകളുമെല്ലാം സാധാരണയാണ്. ഇതിനു കാരണം ഹോര്‍മോണ്‍ വ്യതിയാനങ്ങളുമാണ്. ഇതിനാല്‍ തന്നെ ആര്‍ത്തവ ക്രമക്കേടുകളെങ്കില്‍, കൃത്യമായ ആര്‍ത്തവ ചക്രമില്ലെങ്കില്‍ ഇത്തരം ദിവസങ്ങളുടെ കണക്കു കൂട്ടലിലും വ്യത്യാസം വന്നേക്കാം.

ചില സ്ത്രീകളില്‍

ചില സ്ത്രീകളില്‍ ആര്‍ത്തവം വന്നാലും ഓവുലേഷന്‍ വന്നില്ലെന്നിരിയ്ക്കാം. ഇത്തരം ഘട്ടങ്ങളില്‍ ഇത്തരം കണക്കുകൂട്ടലുകളില്‍ പ്രസക്തിയുമില്ല. എന്നാല്‍ കൃത്യമായി ആര്‍ത്തവ ചക്രമുള്ളവരില്‍ ഒരു പരിധി വരെ ഇതു ശരി തന്നെയാണ്. ഉദാഹരണത്തിന് ഇന്ന്, അതായത് 29 ഒക്ടോബര്‍ 2019ന് ആര്‍ത്തവം തുടങ്ങിയെങ്കില്‍, 28 ദിവസമുള്ള ആര്‍ത്തവ ചക്രമെങ്കില്‍ 9 നവംബര്‍ 2019 - 15 നവംബര്‍ 2019 ഫെര്‍ട്ടൈല്‍ ദിവസങ്ങളായി എടുക്കാം. അതായത് ഗര്‍ഭധാരണം നടക്കാന്‍ ഏറ്റവും കൂടുതല്‍ സാധ്യതയുള്ള ദിവസം. ഓവുലേഷന്‍ കലണ്ടര്‍ എന്നാണ് ഇതറിയപ്പെടുന്നത്. ഈ കലണ്ടര്‍ കൃത്യമായ ഗര്‍ഭധാരണ സാധ്യത വിലയിരുത്തുവാന്‍ സഹായിക്കുന്ന ഒന്നാണ്.