ഒരു പ്രസവത്തിന് ശേഷം അടുത്ത ഗർഭം എപ്പോള്‍

പ്രത്യുത്പാദന ശേഷി എപ്പോൾ?

പ്രസവ ശേഷം സ്ത്രീകളിൽ പ്രത്യുത്പാദന ശേഷി എപ്പോൾ തിരിച്ച് വരും എന്നുള്ളത് അറിഞ്ഞിരിക്കേണ്ടതാണ്. നിങ്ങൾ സാധാരണ പ്രസവമാണെങ്കിലും സിസേറിയൻ വഴി പ്രസവിച്ചാലും പ്രസവശേഷം ആദ്യ ആഴ്ചകളിൽ തന്നെ ഫെർട്ടിലിറ്റി മടങ്ങിവരാം. എങ്കിലും അണ്ഡോത്പാദന കാലഘട്ടം സ്ത്രീകളിൽ വളരെ വ്യത്യസ്തമായി അനുഭവപ്പെടാവുന്നതാണ്. ആദ്യത്തെ പ്രസവാനന്തരമുണ്ടാവുന്ന ആർത്തവം അണ്ഡോത്പാദനമില്ലാതെ സംഭവിക്കാം. എങ്കിലും ആർത്തവം സംഭവിക്കുന്നുണ്ട്. അതിന് ശേഷം സ്ത്രീകളിൽ സാധാരണ അവസ്ഥയിൽ ആറ് ആഴ്ചക്ക് ശേഷം അണ്ഡോത്പാദനം സംഭവിക്കുന്നുണ്ട്. ഈ സമയത്ത് ബന്ധപ്പെട്ടാൽ അത് വീണ്ടുമൊരു ഗർഭധാരണത്തിലേക്ക് നിങ്ങളെ എത്തിക്കുന്നു.

പ്രസവ ശേഷം എപ്പോൾ?

പ്രസവ ശേഷം എപ്പോൾ നിങ്ങൾക്ക് വീണ്ടും ഗർഭം ധരിക്കാനുള്ള സാധ്യത എന്നുള്ളത് പലർക്കും അറിയില്ല. നിങ്ങൾ ആര്‍ത്തവത്തിൽ എത്തിയില്ലെങ്കിൽ പോലപം ഡെലിവറി കഴിഞ്ഞ് മൂന്നാഴ്ച മുമ്പേ തന്നെ നിങ്ങൾക്ക് ഗർഭം ധരിക്കുന്നതിനുള്ള സാധ്യതയുണ്ട്. പ്രസവശേഷം അഞ്ച് മുതൽ ആറ് ആഴ്ച വരെ നിങ്ങളുടെ ആർത്തവം സാധാരണമാണെങ്കിലും, ഗർഭിണിയാകാനുള്ള നിങ്ങളുടെ കഴിവ് പലപ്പോഴും നിങ്ങളുടെ നവജാതശിശുവിന് എത്ര തവണ മുലയൂട്ടുന്നു എന്നതിനെ ആശ്രയിച്ചിരിക്കും. കാരണം ഇവരിൽ ഗർഭധാരണത്തിനുള്ള സാധ്യത കുറവെങ്കിലും അൽപം ശ്രദ്ധിക്കേണ്ടതാണ്. പ്രിക്വേഷൻസ് എടുക്കുന്നത് എന്തുകൊണ്ടും നല്ലതാണ്.

മുലയൂട്ടലും പ്രത്യുത്പാദന ശേഷിയും

മുലയൂട്ടൽ സ്വാഭാവിക ഗർഭനിരോധന മാർഗ്ഗമാണ്. നിങ്ങൾ മുലയൂട്ടൽ മാത്രമാണെങ്കിൽ, അണ്ഡോത്പാദനത്തിന് കാരണമാകുന്ന ല്യൂട്ടിനൈസിംഗ് ഹോർമോണിന്റെ ഉത്പാദനം കുറയുന്നു. അതിനാൽ പതിവായി മുലയൂട്ടൽ ഡെലിവറി കഴിഞ്ഞ് ആദ്യത്തെ ആറ് ആഴ്ച മുതൽ ആറുമാസം വരെയുള്ള ആർത്തവം വൈകിപ്പിക്കുന്നതിനുള്ള സാധ്യതയുണ്ട്. എന്നാൽ പല സ്ത്രീകളും രക്തസ്രാവം അല്ലെങ്കിൽ സ്പോട്ടിംങ് ഈ കാലയളവിൽ അനുഭവപ്പെടുന്നുണ്ട്. എന്നാൽ പിന്നീട് ഇത് പ്രസവശേഷം 2-3 ആഴ്ചകൾക്കുള്ളിൽ ഇല്ലാതാവുന്നുണ്ട്. എങ്കിലും അൽപ കാലങ്ങള്‍ക്ക് ശേഷം ക്രമരഹിതമായ ആർത്തവം അനുഭവപ്പെടുന്നതിനുള്ള സാധ്യതയുണ്ട്.

എത്ര സമയം കാത്തിരിക്കണം?

നിങ്ങളിൽ ആദ്യ പ്രസവം കഴിഞ്ഞ് എത്ര കാലം കഴിഞ്ഞ് വേണം അടുത്ത ഗർഭത്തിന് കാത്തിരിക്കേണ്ടത് എന്ന് പലർക്കും അറിയുകയില്ല. ഇത് പലപ്പോഴും പെട്ടെന്ന് തന്നെ നിങ്ങളുടെ അടുത്ത ഗര്‍ഭധാരണത്തിന് ശരീരത്തെ സജ്ജമാക്കിയേക്കാം. കുഞ്ഞിന് രണ്ടോ മൂന്നോ വയസ്സാവുന്നത് വരെയെങ്കിലും അടുത്ത ഗർഭധാരണം മാറ്റി വെക്കേണ്ടതാണ്. എന്നാൽ 35 വയസ്സിന് ശേഷമാണ് ആദ്യത്തെ ഗർഭധാരണം സംഭവിച്ചത് എന്നുണ്ടെങ്കിൽ അടുത്ത ഗർഭധാരണം ഉടനേ തന്നെ ആയാലും അതിൽ തെറ്റില്ല എന്നുള്ളതാണ് സത്യം.

ഉടനെ ഗർഭധാരണമെങ്കിൽ അപകടം

ഒരു പ്രസവത്തിന് ശേഷം ഉടനേ അടുത്ത ഗര്‍ഭധാരണം നടന്നു എന്നുണ്ടെങ്കിൽ അതിൽ എന്തൊക്കെ പ്രശ്നങ്ങൾ ഉണ്ടാക്കുന്നുണ്ട് എന്ന് നോക്കാം. പലപ്പോഴും ഗർഭപാത്രത്തിന് ഉടനേ തന്നെ മറ്റൊരു ഗർഭത്തെ താങ്ങുന്നതിന് സാധിക്കുന്നില്ല, ഇത് പലപ്പോഴും മാസം തികയാതെയുള്ള പ്രസവത്തിന് കാരണമാകുന്നുണ്ട്. ഇത് കൂടാതെ അനീമിയ, പ്ലാസന്‍റൽ അബ്രപ്ഷൻ, കുഞ്ഞിന്‍റെ ഭാരക്കുറവ്, പ്രീക്ലാംസിയ എന്നീ അവസ്ഥകളിലേക്ക് എത്തുന്നുണ്ട്. ഇതെല്ലാം അൽപം ശ്രദ്ധിക്കേണ്ടതാണ്. ഉടനേയുള്ള ഗർഭധാരണത്തില്‍ ഇതെല്ലാം പലപ്പോഴും വെല്ലുവിളികൾ ഉയർത്തുന്നതാണ്.