ബീജസങ്കലനം നടക്കും മുന്‍പ് ബീജത്തെ നശിപ്പിക്കും യോനീസ്രവം

എന്താണ് സെര്‍വ്വിക്കല്‍ മ്യൂക്കസ്

സെര്‍വിക്സിലാണ് സെര്‍വിക്കല്‍ മ്യൂകസ് ഉല്‍പാദിപ്പിയ്ക്കപ്പെടുന്നത്. ഇതിന് സഹായിക്കുന്നതും അനുകൂല ഘടകങ്ങള്‍ ഒരുക്കിക്കൊടുക്കുന്നതും നിരവധി ഹോര്‍മോണുകളാണ്. ഗര്‍ഭധാരണത്തിന് അനുകൂലമായ സാഹചര്യം ഒരുക്കിക്കൊടുക്കുകയാണ് ഇതു ചെയ്യുന്നത്. അതിലൂടെ ഗര്‍ഭാശയമുഖത്തെത്തുന്ന ബീജത്തിന് എളുപ്പത്തില്‍ തന്നെ ബീജസങ്കലനം നടത്തുന്നതിനും ഗര്‍ഭധാരണത്തിന് സഹായിക്കുകയും ചെയ്യുന്നു.

സെര്‍വ്വിക്കല്‍ മ്യൂക്കസ് ഹോസ്റ്റിലിറ്റി

സ്ത്രീ ശരീരത്തിലെ സെര്‍വ്വിക്കല്‍ മ്യൂക്കസ് ബീജങ്ങള്‍ക്ക് എളുപ്പത്തില്‍ അണ്ഡവുമായി ചേരാനുള്ള സാഹചര്യം ഒരുക്കുന്നു. ഓവുലേഷന്റെ അടുത്ത സമയത്താണ് ഇത്തരത്തില്‍ ഗര്‍ഭധാരണത്തിന് അനുകൂല സാഹചര്യം ഉണ്ടാവുന്നത്. എന്നാല്‍ ഇതല്ലാതെ ആരോഗ്യത്തിന് വെല്ലുവിളിയും ഗര്‍ഭധാരണത്തെ ഇല്ലാതാക്കുന്നതിനും വേണ്ടി പലപ്പോഴും സെര്‍വ്വിക്കല്‍ മ്യൂക്കസ് കാരണമാകുന്നുണ്ട്. ഇതിന് പറയ.ുന്ന അവസ്ഥയാണ് സെര്‍വിക്കല്‍ മ്യൂകസ് ഹോസ്റ്റിലിറ്റി എന്ന് പറയുന്നത്. വന്ധ്യതയ്ക്കുള്ള കാരണത്തില്‍ 3-83 ശതമാനം വരെ ഇതിന് റോള്‍ ഉണ്ട് എന്നാണ് പറയുന്നത്. ഗര്‍ഭധാരണത്തിന് സഹായിക്കുന്ന മ്യൂക്കസ് തന്നെ ബീജത്തെ ഇല്ലാതാക്കുന്ന അവസ്ഥയാണ് ഇത്.

മ്യൂകസ് ഹോസ്റ്റിലിറ്റിയ്ക്ക് കാരണം

എന്നാല്‍ എന്താണ് ഇത്തരത്തില്‍ മ്യൂക്കസ് ഹോസ്റ്റിലിറ്റിക്ക് കാരണം എന്നുള്ളത് നമുക്ക് നോക്കാം. ഹോര്‍മോണുകളാണ് സെര്‍വിക്കല്‍ മ്യൂകസിനു കാരണമാകുന്നത്. ഹോര്‍മോണ്‍ അസന്തുലിതാവസ്ഥ സംഭവിക്കുമ്പോഴാണ് ഇത്തരം അവസ്ഥകള്‍ വര്‍ദ്ധിക്കുന്നത്. അതുകൊണ്ട് തന്നെ ഈ സമയത്ത് കൂടുതല്‍ കട്ടിയുള്ള, കൂടുതല്‍ പശിമയുള്ള തരം സ്രവം ഉല്‍പാദിപ്പിയ്ക്കപ്പെടും. അല്ലെങ്കില്‍ വല്ലാതെ ഉണങ്ങിയ വിധത്തിലായിരിക്കും ഇത് ഉണ്ടാവുന്നത്. ഇതു രണ്ടും ബീജങ്ങളെ നശിപ്പിയ്ക്കുന്നു. ചിലപ്പോള്‍ മ്യൂകസിന് അസിഡിറ്റി വര്‍ദ്ധിയ്ക്കകയും ചെയ്യും. ഇതിനും കാരണം ഹോര്‍മോണ്‍ അസന്തുലിതാവസ്ഥ തന്നെയാണ്. ഇതും ബീജത്തെ ഇല്ലാതാക്കും. വജൈനല്‍ ഭാഗത്തെ പിഎച്ച് വര്‍ദ്ധിയ്ക്കാനും അണുബാധകള്‍ക്കുമെല്ലാം പലപ്പോഴും ഈ അവസ്ഥ കാരണമാകുന്നുണ്ട്.

ഇന്‍ഫ്ളമേറ്ററി കോശങ്ങള്‍ ഒരു കാരണം

ഇന്‍ഫ്ളമേറ്ററി കോശങ്ങള്‍ നമ്മുടെ ശരീരത്തില്‍ ഉണ്ട്. ഇവ ചിലപ്പോള്‍ സെര്‍വിക്സിലോ വജൈനയിലോ ഉണ്ടാവുന്നതിനുള്ള സാധ്യതയുണ്ട്. ഇവ ബീജങ്ങളെ കൊന്നൊടുക്കുകയും ചെയ്യുന്നുണ്ട്. ഇതു പോലെ ആന്റിസ്പേം ആന്റിബോഡികളും നമ്മുടെ ശരീരത്തില്‍ ഉണ്ട്. ഇവ ശരീരത്തിന്റെ പ്രതിരോധ സിസ്റ്റത്തിന്റെ ഭാഗമായി രൂപം കൊള്ളുന്നവയാണ്. ഇത്തരത്തിലുള്ള ആന്റിബോഡികളും പലപ്പോഴും ബീജത്തെ ആക്രമിയ്ക്കുകയും നശിപ്പിയ്ക്കുകയും ചെയ്യും. എന്താണ് സെര്‍വ്വിക്കല്‍ മ്യൂക്കസ് രീതി എന്ന് നമുക്ക് നോക്കാവുന്നതാണ്. ഇതനുസരിച്ച് അനാവശ്യമായ ഗര്‍ഭധാരണം നമുക്ക് ഒഴിവാക്കാവുന്നതാണ്.

സെര്‍വ്വിക്കല്‍ മ്യൂക്കസും ഗര്‍ഭവും

സെര്‍വ്വിക്കല്‍ മ്യൂക്കസ് രീതിയും ഗര്‍ഭധാരണവും തമ്മില്‍ അടുത്ത ബന്ധമാണ് ഉള്ളത്. സുരക്ഷിതമായ ലൈംഗിക ബന്ധത്തിലേര്‍പ്പെടുന്നതിനോ അനാവശ്യമായ ഗര്‍ഭധാരണം ഒഴിവാക്കുന്നതിനോ ഏറ്റവും നല്ല ദിവസങ്ങള്‍ കണക്കാക്കാന്‍ നിങ്ങളെ സഹായിക്കുന്നതിന് ഓവുലേഷന്‍ സമയത്ത് മ്യൂക്കസിലുണ്ടാവുന്ന മാറ്റങ്ങളാണ്. ഫെര്‍ട്ടിലിറ്റി അല്ലെങ്കില്‍ ഗര്‍ഭനിരോധനത്തിനായി നിങ്ങളുടെ സെര്‍വിക്കല്‍ മ്യൂക്കസ് ട്രാക്കുചെയ്യുന്നത് പാര്‍ശ്വഫലങ്ങള്‍ ഇല്ലാത്തതാണ്.

സെര്‍വ്വിക്കല്‍ മ്യൂക്കസും ഗര്‍ഭവും

സെര്‍വിക്കല്‍ മ്യൂക്കസ് രീതി ഏറ്റവും സുരക്ഷിതമായ രീതിയാണ്. അതായത് അടിസ്ഥാന ശരീര താപനില ട്രാക്കുചെയ്യുന്നതിലൂടെയാണ് ഇത് മനസ്സിലാക്കാന്‍ സാധിക്കുന്നത്. അതിന് വേണ്ടി നിങ്ങളുടെ മൂത്രത്തിലെ ഹോര്‍മോണ്‍ അളവ് അളക്കാന്‍ നിങ്ങള്‍ക്ക് ഒരു ഇലക്ട്രോണിക് ഫെര്‍ട്ടിലിറ്റി മോണിറ്റര്‍ ഉപയോഗിക്കാം, ഇത് നിങ്ങളുടെ ഓവുലേഷന്‍ ദിവസങ്ങളെക്കുറിച്ച് പറയുന്നു. ഇതില്‍ യാതൊരു വിധത്തിലുള്ള പാര്‍ശ്വഫലങ്ങളും ഇല്ല എന്നത് തന്നെയാണ് ഏറ്റവും മികച്ച കാര്യം.

ശ്രദ്ധിക്കേണ്ടത്

ജനന നിയന്ത്രണത്തിനായി സെര്‍വിക്കല്‍ മ്യൂക്കസ് രീതി ഉപയോഗിക്കുന്നത് നേരിട്ടുള്ള അപകടങ്ങളൊന്നും ഉണ്ടാക്കുന്നില്ല. പക്ഷേ ഇത് ലൈംഗികരോഗങ്ങളില്‍ നിന്ന് സംരക്ഷണം നല്‍കുന്നില്ല. കൂടാതെ, സെര്‍വിക്കല്‍ മ്യൂക്കസ് രീതി ഉപയോഗിച്ച് ആസൂത്രിതമല്ലാത്ത ഗര്‍ഭധാരണത്തിനുള്ള സാധ്യത മറ്റ് ജനന നിയന്ത്രണ രീതികളേക്കാള്‍ അല്‍പം കൂടുതലാണ്. അതുകൊണ്ട് തന്നെ പൂര്‍ണമായും ഇതിനെ ആശ്രയിക്കാന്‍ സാധിക്കുകയില്ല എന്നുളളതാണ് സത്യം.