ഗര്‍ഭ സമയത്തുണ്ടാകുന്ന സ്തന മാറ്റം

4 വരെയുളള ആഴ്ചകളില്‍

ഗര്‍ഭധാരണം നടന്ന് 4 വരെയുളള ആഴ്ചകളില്‍ മുലപ്പാലുല്‍പാദനത്തിനായുള്ള ചെറിയ കുഴലുകള്‍ അഥവാ മില്‍ക് ഡക്ടുകള്‍ രൂപം കൊള്ളുന്നു. ഗര്‍ഭധാരണം നടന്ന് 4 വരെയുളള ആഴ്ചകളില്‍ മുലപ്പാലുല്‍പാദനത്തിനായുള്ള ചെറിയ കുഴലുകള്‍ അഥവാ മില്‍ക് ഡക്ടുകള്‍ രൂപം കൊള്ളുന്നു. മൂന്നാമത്തെ ആഴ്ച മുതല്‍ മാറിടങ്ങള്‍ കൂടുതല്‍ മൃദുവാകുന്നു. ഇതു ഗര്‍ഭധാരണം നടക്കുന്നതിന്റെ പ്രകടമായ ലക്ഷണം കൂടിയാണ്. നിപ്പിളിനു ചുററും സെന്‍സിററീവിറ്റി അനുഭവപ്പെടും

5-8, 9-12

5-8 വരെയുളള ആഴ്ചകളില്‍ പ്ലാസന്റല്‍ ലാക്ടോജനുകള്‍ എന്ന ഹോര്‍മോണുകള്‍ പ്രവര്‍ത്തനം തുടങ്ങും. മാറിടങ്ങള്‍ക്കു വളര്‍ച്ചയും മാറിടങ്ങള്‍ നിറഞ്ഞതായ തോന്നലുമുണ്ടാകും. നിപ്പിളിനു ചുറ്റുമുള്ള ഭാഗം പിഗ്മെന്റേഷന്‍ കാരണം കൂടുതല്‍ ഇരുണ്ടതാകും.ഇത് കുഞ്ഞിന് സ്തനങ്ങള്‍ പെട്ടെന്നു തിരിച്ചറിയാനുള്ള പ്രകൃതിദത്ത വഴി കൂടിയാണ്. 9-12 ആഴ്ചകളില്‍ ഏരിയോളയ്ക്കു ചുറ്റുമുള്ള ഭാഗം ഏറെ കറുത്ത നിറത്തിലാകും.പന്ത്രണ്ട് ആഴ്ചകളില്‍ നിപ്പിള്‍ ഉള്ളിലേയ്ക്കു വലിയാനും സാധ്യതയുണ്ട്.

13-20

13-20 വരെയുള്ള ആഴ്ചകളില്‍ ഏരിയോള നല്ല രീതിയില്‍ ദൃശ്യമാകും. കൊളസ്ട്രം പുറപ്പെടും. പതിനെട്ടാമത്തെ ആഴ്ചയില്‍ കൊഴുപ്പ് മാറിടത്തില്‍ അടിഞ്ഞു കൂടുന്നു. ചിലരില്‍ സ്തനങ്ങളില്‍ മുഴ പോലെയും കാണപ്പെടാറുണ്ട്. 20-ാമത്തെ ആഴ്ച മുതല്‍ മാറിടത്തിന്റെ താഴ്ഭാഗത്ത് പ്രത്യേകിച്ചും സ്‌ട്രെച്ച്മാര്‍ക്‌സ് രൂപപ്പെടും.

21-28

21-28 വരെയുള്ള ആഴ്ചകളില്‍ മാറിടത്തിന് വലിപ്പം വര്‍ദ്ധിയ്ക്കുന്നത് ഏതാണ്ടു പൂര്‍ണമാകും. കൊളസ്ട്രം പുറത്തേയ്ക്കു വന്നു തുടങ്ങും. 27 ആഴ്ചകള്‍ പ്രായമാകുമ്പോഴേയ്ക്കും പാലുല്‍പാദത്തിന് ശരീരം എല്ലാ തരത്തിലും സജ്ജമായിക്കഴിയും. നിപ്പിളിനു ചുറ്റും പിഗ്മെന്റേഷന്‍ കൂടുതല്‍ വ്യക്തമാകും.

29-36

29-33 വരെയുള്ള ആഴ്ചകളില്‍ വിയര്‍പ്പു കാരണമുണ്ടാകുന്ന സ്വെറ്റ് റാഷുകള്‍ കൂടുതല്‍ കണ്ടു തുടങ്ങും. 33-36 വരെയുളള ആഴ്ചകളില്‍മാറിടങ്ങള്‍, പ്രത്യേകിച്ചും നിപ്പിളുകള്‍ കൂടുതല്‍ പ്രത്യക്ഷമാകും. പ്രൊജസ്‌ട്രോണ്‍ ഹോര്‍മോണാണ് ഇതിനു കാരണം. ഗര്‍ഭകാലത്തെ സ്തന വളര്‍ച്ച 36-ാമത്തെ ആഴ്ചയില്‍ പൂര്‍ണമാകും.