ഗര്‍ഭകാലഛര്‍ദിയെങ്കില്‍ കുഞ്ഞിന് ആരോഗ്യം,ബുദ്ധി

ഗര്‍ഭകാലത്ത്

ഗര്‍ഭകാലത്ത് ധാരാളം ഹോര്‍മോണ്‍ മാറ്റങ്ങള്‍ സ്ത്രീ ശരീരത്തില്‍ നടക്കുന്നുണ്ട്. ഇതിലൊന്നാണ് എച്ചിസിജി ഹോര്‍മോണ്‍ വര്‍ദ്ധിയ്ക്കുന്നത്. ഹ്യുമണ്‍ കോറിയോണിക് ഗൊണോഡോട്രോഫിന്‍ എന്ന ഹോര്‍മോണാണ് എച്ച്‌സിജി ഹോര്‍മോണ്‍ എന്ന് അറിയപ്പെടുന്നത്. പ്ലാസന്റ ഉല്‍പാദനം നടക്കുമ്പോഴാണ് ഇത് കൂടുതലാകുന്നത്. ഗര്‍ഭധാരണത്തിന്റെ ആദ്യമാസങ്ങളില്‍ ഇതിന്റെ അളവു ക്രമേണ ഉയര്‍ന്നു കൊണ്ടിരിയ്ക്കും. 14-15 മാസങ്ങള്‍ വരെ ഇതുണ്ടാകും. അതായത് കുഞ്ഞിന്റെ കാര്യത്തില്‍ ഉറപ്പാകുന്നതു വരെ.

കുഞ്ഞ്

കുഞ്ഞ് ആരോഗ്യകരമായി വയറ്റില്‍ നിലയുറപ്പിയ്ക്കുന്നതു വരെ. ആദ്യ മൂന്നു മാസത്തിനു ശേഷം അബോര്‍ഷന്‍ സാധ്യത കുറയുന്നുവെന്നതാണ് വാസ്തവം. ഇതുവെ എച്ച്‌സിജി ഹോര്‍മോണ്‍ തോത് കുഞ്ഞിനു താങ്ങായി നില നില്‍ക്കുന്നു. ഇതാണ് ആദ്യമാസങ്ങളില്‍ മനംപിരട്ടലിനും ഛര്‍ദ്ദിയ്ക്കും കാരണമാകുന്നതും. പിന്നീട് ഇതു കുറയുന്നു. ഇതോടെ മോണിംഗ് സിക്‌നസും കുറയുന്നു.

മോണിഗ് സിക്‌സസ്

ഇത്തരം മോണിഗ് സിക്‌സസ് ഗര്‍ഭകാലത്ത് പല തരത്തിലും പ്രയോജനം ചെയ്യുന്ന ഒന്നാണ്. ഇത് ശരീരത്തിലെ ടോക്‌സിനുകളും വേസ്റ്റുമെല്ലാം പുറംതള്ളുന്നതിനുള്ള സ്വാഭാവിക വഴിയാണ്. ഇതു വഴി അമ്മയുടേയും കുഞ്ഞിന്റേയും ആരോഗ്യം ഉറപ്പു വരുത്തുകയും ചെയ്യുന്നു.

ചില പ്രത്യേക ഭക്ഷണങ്ങള്‍

ചില പ്രത്യേക ഭക്ഷണങ്ങള്‍ കഴിയ്ക്കുമ്പോള്‍ ഇതുണ്ടാകും. ചിലപ്പോള്‍ ഇത്തരം ഭക്ഷണങ്ങള്‍ അമ്മയുടേയും കുഞ്ഞിേെന്റയും ആരോഗ്യത്തിന് ദോഷം വരുത്തുന്ന തരവുമാകും. ഇതും ഇതിലൂടെ പുറന്തള്ളിപ്പോകും.

ആദ്യ മാസങ്ങളില്‍

ആദ്യ മാസങ്ങളില്‍ അമ്മയുടെ ശരീരത്തിന്റെ പ്രതിരോധ ശേഷി പൊതുവേ കുറവാകും. ഇത് യൂട്രസില്‍ ഇംപ്ലാന്റേഷന്‍ അഥവാ ഭ്രൂണ രൂപീകരണം നടക്കുന്നതിനായി കൂടുതല്‍ പോഷകങ്ങള്‍ ഉപയോഗിയ്ക്കപ്പെടുന്നതു കൊണ്ടാണ്. ഈ സമയത്തു ശരീരത്തിലെ ദോഷകരമായ വസ്തുക്കള്‍ പുറന്തുള്ളുന്നിന്, അതായത് പ്രതിരോധ ശേഷി കുറഞ്ഞ അമ്മയേയും കുഞ്ഞിനേയും സംരക്ഷിയ്ക്കുന്നതിന് ശരീരം അനുവര്‍ത്തിയ്ക്കുന്ന സ്വാഭാവിക രീതിയാണ് ഇത്തരം ഛര്‍ദി. ഇതിലൂടെ ശരീരത്തി്‌ന് രോഗമുണ്ടാക്കാന്‍ സാധ്യതയുള്ളവ പുറന്തള്ളപ്പെടുന്നു.

ഗര്‍ഭകാലത്ത്

ഗര്‍ഭകാലത്ത് ശരീരത്തില്‍ ഹോര്‍മോണ്‍ ഉല്‍പാദനം വര്‍ദ്ധിയ്ക്കുന്നതിന്റെ തെളിവു കൂടിയാണ് ഇത്തരം ഛര്‍ദിയും മനംപുരട്ടലുമെല്ലാം. ഗര്‍ഭകാലത്ത് സ്ത്രീ ശരീരത്തിലെ ഈസ്ട്രജന്‍, പ്രൊജസ്‌ട്രോണ്‍ ഹോര്‍മോണുകള്‍ വര്‍ദ്ധിയ്ക്കുന്നു. ഇത് കുഞ്ഞിന്റെ വളര്‍ച്ച ആരോഗ്യകരമായ രീതിയില്‍ നടക്കുന്നുവെന്നതിന്റെ സൂചന കൂടിയാണ്.

അബോര്‍ഷന്‍ സാധ്യത

ഗര്‍ഭകാലത്ത് മോണിംഗ് സിക്‌നസുണ്ടാകുന്ന സ്ത്രീകളില്‍ അബോര്‍ഷന്‍ സാധ്യത ഏതാണ്ട് 50 ശതമാനം കുറയുമെന്നാണു പഠനങ്ങള്‍ പറയുന്നത്. 25 വയസില്‍ താഴെയുള്ള സ്ത്രീകള്‍ക്ക് ഈ സമയത്ത് മോണിംഗ് സിക്‌നസുണ്ടാകുന്നത് അബോര്‍ഷന്‍ സാധ്യത നാലു മടങ്ങു കുറയ്ക്കുമെന്നും പഠനങ്ങള്‍ പറയുന്നു. 35 വയസിനു മേല്‍ പ്രായമുള്ള സ്ത്രീകളിലെ മോണിംഗ് സിക്‌നസ് അബോര്‍ഷന്‍ സാധ്യത 12 മടങ്ങോളം കുറയ്ക്കും. ഇതിന്റെ സമയ പരിധിയും പഠനങ്ങളില്‍ പെടുത്തിയിരുന്നു

പ്രായം ചെന്ന ഗര്‍ഭിണികളില്‍

പ്രായം ചെന്ന ഗര്‍ഭിണികളില്‍ മോണിംഗ് സിക്‌നസ് ദൈര്‍ഘ്യം കൂടുതലെങ്കില്‍, അതായത് ഗര്‍ഭത്തിന്റെ ഏതാണ് മുഴുവന്‍ സമയവും മോണിംഗ് സിക്‌നസെങ്കില്‍ ഇത് അബോഷന്‍ സാധ്യത 20 ശതമാനം മാത്രമാണെന്നതാണു പഠനങ്ങള്‍ പറയുന്നത്. ചുരുക്കിപ്പറഞ്ഞാല്‍ മോണിംഗ് സിക്‌നസ് ഉള്ള സ്ത്രീകളില്‍ അബോര്‍ഷന്‍ സാധ്യത കുറവാണെന്നു വേണം, പറയാന്‍.

പ്ലാസന്റയുടെ ശരിയായ വളര്‍ച്ച

പ്ലാസന്റയുടെ ശരിയായ വളര്‍ച്ച സൂചിപ്പിയ്ക്കുന്നതാണ് ഗര്‍ഭകാല മനം പിരട്ടലും ഛര്‍ദിയും. അതായത് പ്ലാസന്റല്‍ വളര്‍ച്ചയ്ക്കുള്ള ഹോര്‍മോണ്‍ തോതു വര്‍ദ്ധിയ്ക്കുന്നതിന്റെ ഫലമെന്നു വേണം, പറയാന്‍. പ്ലാസന്റയിലൂടെയാണ് കുഞ്ഞിന് ആവശ്യമായ എല്ലാ പോഷകങ്ങളും ലഭിയ്ക്കുന്നതും. മോണിംഗ് സിക്‌നസിലൂടെ പ്ലാസന്റയുടെ ആരോഗ്യവും ഇതു വഴി കുഞ്ഞിന്റെ ആരോഗ്യവും തൃപ്തികരമാണെന്ന സൂചന ലഭിയ്ക്കുന്നു.

കുട്ടികള്‍ക്ക്

ഗര്‍ഭകാലത്ത് ഛര്‍ദിയും മനംപിരട്ടലുമുള്ള അമ്മമാരുടെ കുട്ടികള്‍ക്ക് ഐക്യു കൂടുതലാണെന്നും പഠനങ്ങള്‍ പറയുന്നുണ്ട്. ഇതിനെപ്പറ്റി കൂടുതല്‍ പഠനങ്ങള്‍ നടന്നു വരുന്നേയുള്ളൂവെങ്കിലും ഇത് ശരീരത്തിന് ദോഷകരമായ ഭക്ഷണങ്ങള്‍, വസ്തുക്കള്‍ എല്ലാം തന്നെ ഛര്‍ദിയിലൂടെ പുറന്തള്ളിപ്പോകുന്നുവെന്നതിന്റെ കാരണമായാണ് കണക്കാക്കപ്പെടുന്നത്. ഇത് കുഞ്ഞിന്റെ തലച്ചോറിനെ ദോഷകരമായി ബാധിയ്ക്കുന്ന ഘടകങ്ങളില്‍ നിന്നും സംരക്ഷണം നല്‍കുകയും ചെയ്യുന്നു.