ഐ പില്‍ കഴിച്ച ശേഷം വീണ്ടും സെക്‌സെങ്കില്‍...

സെക്‌സിനു ശേഷം

സെക്‌സിനു ശേഷം 72 മണിക്കൂറുകള്‍ക്കുള്ളില്‍ ഇത് കഴിയ്ക്കുന്നതാണ് ഗുണം ലഭിയ്ക്കാന്‍ ഏറെ നല്ലത്. 120 മണിക്കൂറുകള്‍ വരെ ഉപയോഗിയ്ക്കാമെന്നു പറയുമെങ്കിലും ഗുണഫലം കുറയും.

ഹോര്‍മോണ്‍

സ്ത്രീ ശരീരത്തിലെ ഹോര്‍മോണ്‍ പ്രവര്‍ത്തനങ്ങളെ സ്വാധീനിച്ച് അണ്ഡോല്‍പാദനം വൈകിപ്പിയ്ക്കുകയോ തടസപ്പെടുത്തുകയോയാണ് ഐ പില്‍ ചെയ്യുന്നത്. അണ്ഡോല്‍പാദനം നടന്നു കഴിഞ്ഞാല്‍ ഇത് ബീജസംയോഗത്തെ തടയുന്നു.

ഒരു ഐ പില്‍ കഴിച്ച ശേഷം

ഒരു ഐ പില്‍ കഴിച്ച ശേഷം രണ്ടാമതും 32 മണിക്കൂര്‍ ശേഷം സെക്‌സ് നടന്നാല്‍ ഈ ഗുളിക ഫലം ചെയ്തുവെന്നു വരില്ല. 24 മണിക്കൂര്‍ മുതല്‍ 32 മണിക്കൂര്‍ വരെയാണ് ഇതിന്റെ ഫലപ്രാപ്തി. ഇതിനു ശേഷം സെക്‌സ് നടന്നാല്‍ ആദ്യത്തെ ഐ പില്‍ ഗുണം ലഭിച്ചുവെന്നു വരില്ല.

അടിക്കടി

ഇത് അടിക്കടി ഉപയോഗിയ്ക്കുന്നതു നല്ലതല്ല. ഇതില്‍ കൂടിയ ഡോസ് ഹോര്‍മോണാണ് അടങ്ങിയിരിയ്ക്കുന്നത്. ഇതുകൊണ്ടുതന്നെ ശരീരത്തില്‍ മറ്റു പ്രശ്‌നങ്ങള്‍ കൂടുതല്‍ ഇവ ഉപയോഗിയ്ക്കുന്നതുകൊണ്ടുണ്ടായേക്കാം.

അണ്ഡോല്‍പാദനം വൈകിപ്പിയ്ക്കുകയാണെങ്കിലും

ഐ പിഎല്‍ അണ്ഡോല്‍പാദനം വൈകിപ്പിയ്ക്കുകയാണെങ്കിലും ചിലപ്പോള്‍ ബീജങ്ങള്‍ ഇതില്‍ കൂടുതല്‍ സമയം ശരീരത്തില്‍ ജീവനോടെയുണ്ടാകും. ഈ സമയത്തിനുള്ളില്‍ ഗുളികയുടെ ഫലം പൂര്‍ത്തിയാകുകയും അതുകൊണ്ട് അണ്ഡോല്‍പാദനം നടക്കുകയാണെങ്കിലും ആ സമയത്തും ബീജങ്ങള്‍ ജിവനോടെയുണ്ടാകുകയുമാണെങ്കില്‍ ഗര്‍ഭധാരണ സാധ്യത തടയാനാകില്ല. ഐ പില്‍ മറ്റേതു ഗര്‍ഭനിരോധന ഉപാധികള്‍ പോലെയും പൂര്‍ണമായും ഫലപ്രദമെന്നു പറയാനാകില്ലെന്നര്‍ത്ഥം.

അണ്ഡവും ബീജവുമായി സംയോഗം

അണ്ഡവും ബീജവുമായി സംയോഗം നടന്ന് അത് ഗര്‍ഭാശയഭിത്തിയില്‍ പറ്റിപ്പിടിച്ചു കഴിഞ്ഞുവെങ്കില്‍ പിന്നെ ഗര്‍ഭധാരണം തടയാന്‍ ഐ പില്ലിനാകില്ല.

ബ്രെസ്റ്റ് ക്യാന്‍സറുള്ളര്‍

ബ്രെസ്റ്റ് ക്യാന്‍സറുള്ളര്‍, കുടുംബത്തില്‍ ബ്രെസ്റ്റ് ക്യാന്‍സര്‍ ചരിത്രമുണ്ടെങ്കില്‍ ഐ പിഎല്‍ ഉപയോഗിയ്ക്കരുത്. ഇതുപോലെ കൊളസ്‌ട്രോളുള്ളവര്‍, ഹൃദ്രോഗികള്‍, ബിപിയുള്ളവര്‍, അപസ്മാരം, പിത്താശയരോഗം, രക്തം കട്ട പിടിയ്ക്കുന്ന രോഗം എന്നിവയുള്ളവരും വിഷാദരോഗികളും ഇതു കഴിയ്ക്കരുത്. ഇതുപോലെ ചില പ്രത്യേക ആന്റിബയോട്ടിക്‌സ് കഴിയ്ക്കുന്നവരും ഐ പില്‍ ഒഴിവാക്കുന്നതാണ് നല്ലത്.

ഗര്‍ഭധാരണം

ഗര്‍ഭധാരണം സംഭവിച്ച ശേഷം ഇതു കഴിച്ചാല്‍ പ്രയോജനമുണ്ടാകില്ല. ഇതുപോലെ പില്‍സ് കഴി്ച ശേഷം രണ്ടു മണിക്കൂറിനുള്ളില്‍ ഛര്‍ദിച്ചു പോയാലും ഗുണമുണ്ടാകില്ല.

കോപ്പര്‍ ടി

ഐപില്ലിനു പകരം കോപ്പര്‍ ടി നിക്ഷേപിയ്ക്കാം. അപ്രതീക്ഷിതമായുണ്ടാകുന്ന സെക്‌സിനു ശേഷം അഞ്ചുദിവസങ്ങള്‍ക്കുള്ളില്‍ കോപ്പര്‍ ടി നിക്ഷേപിച്ചാലും ഗര്‍ഭനിരോധം നടപ്പാകും.

രോഗങ്ങള്‍

ഐ പില്ലിന് സെക്‌സിലൂടെയുണ്ടാകുന്ന രോഗങ്ങള്‍ തടയാന്‍ സഹായകമല്ലെന്ന കാര്യം കൂടി ഓര്‍ത്തിരിയ്ക്കുക.കോണ്ടംസാണ് ഇതിനു ഗുണകരം.