Just In
- 41 min ago വിവാഹ ജീവിതത്തില് എന്നും സന്തോഷവും സമാധാനവും വേണോ, എങ്കില് 1-1-1-1 വിവാഹ നിയമം പിന്തുടരൂ
- 1 hr ago ഒരു പ്രായത്തിന് ശേഷം അടിവയറ്റില് വേദന കൂടുതല്: പതിയേ ക്യാന്സര് വളരുന്നു?
- 2 hrs ago നിഗൂഢമായ ജീവിതങ്ങള്! ലോകം ഇന്നും അറിയാത്ത കാശി നഗരത്തിന്റെ ചില രഹസ്യങ്ങള്
- 2 hrs ago പേടിയില്ലാത്തവള്, പെണ്സിംഹം; രാഷ്ട്രീയത്തില് കങ്കണ റണൗട്ട് വിളങ്ങുമോ? ജാതകം പറയുന്നത് ഇതാണ്
Don't Miss
- Travel അവധിക്കാലത്തെ ഒറ്റദിവസം മതി; കറങ്ങിവരാൻ ഇഷ്ടംപോലെ സ്ഥലങ്ങൾ.. ചതുരംഗപ്പാറ , റിപ്പിൾസ്, ആനയിറങ്കൽ...
- Automobiles അടിച്ചു ഫിറ്റായി ആഡംബര വാഹനങ്ങൾ! പിടിച്ച് അകത്തിട്ട് ഒഡീഷ പൊലീസ്, വൈറൽ വീഡിയോ കാണാം
- News 238 തിരഞ്ഞെടുപ്പിൽ തോറ്റുതൊപ്പിയിട്ടു; റെക്കോർഡും കിട്ടി; ഈ തിരഞ്ഞെടുപ്പിലും പത്മരാജൻ മത്സരിക്കും
- Finance വർഷാവസാനത്തെ അവസാന വ്യാപാരം, പച്ചയിൽ തുടർന്ന് സൂചികകൾ, ഇടിവ് നേരിട്ട് ഐഡിഎഫ്സി ഫസ്റ്റ് ബാങ്ക്, കാരണം ഇതാണ്
- Movies കല്യാണത്തിനായി മതം മാറി, വീട്ടില് പ്രശ്നമായി; പ്രണയ കഥ പറഞ്ഞ് നിഷാനയും ഭര്ത്താവും
- Sports IPL 2024: ആരും തളരരുത്, ഡ്രസിങ് റൂമില് ഹാര്ദിക്കിന്റെ പ്രസംഗം; വീഡിയോ വൈറല്
- Technology സർവ്വവും എഐ മയം; വാട്സ്ആപ്പിലും എഐ ഫീച്ചറുകൾ എത്തുന്നു, ചാറ്റ്ബോട്ടും ഇമേജ് എഡിറ്ററും ഉടൻ എത്തും
ഗര്ഭകാല സ്ട്രെസില് നിന്നു മോചനം നേടൂ
ഒരു സമയത്ത് പല കാര്യങ്ങൾ ചെയ്യാൻ പുരുഷന്മാരേക്കാൾ സ്ത്രീകൾക്ക് കഴിയുമെന്നുള്ളത് പൊതുവായ ഒരു മിഥ്യാ ധാരണയാണ്. വേണമെങ്കിൽ ആണിനും അങ്ങനെ കാര്യങ്ങൾ കൈകാര്യം ചെയ്യാൻ സാധിക്കും. എന്നാൽ നമ്മുടെ ചുറ്റുപാടും- വേണ്ട, നമ്മുടെ വീടുകൾ ശ്രദ്ധിച്ചാലും മതി- ഈ മൾട്ടി ടാസ്കിങ് എബിലിറ്റി കൂടുതലും കാണുന്നത് നമ്മുടെ അമ്മ-ഭാര്യ-സഹോദരിമാരിൽ തന്നെയല്ലേ...! പല കാര്യങ്ങൾ ചെയ്യുമ്പോഴുള്ള സ്ട്രെസും പലയിരട്ടിയാണ്. ഇനി നമുക്ക് അങ്ങനെയുള്ള സ്ട്രെസ് അനുഭവിക്കുന്ന ഗർഭിണികളായ സ്ത്രീകളുടെ കാര്യമെടുത്താലോ...?
ആദ്യ പ്രസവം കുറച്ച് കൂടി സങ്കീർണമായ മാനസിക വ്യാപാരം നടക്കുന്ന സമയമാണ്. അമ്മയാകുന്നതിന്റെ സന്തോഷവും കുഞ്ഞിന്റെ ആരോഗ്യത്തെ കുറിച്ചുള്ള ആശങ്കകളും അതും കഴിഞ്ഞ് കുട്ടിയുടെ പഠിത്തവും കല്യാണവും വരെ ചില ഗർഭിണികളുടെ ചിന്താവിഷയങ്ങളാണ്. ചിലപ്പോള് അധികാവുന്ന അവസ്ഥയിൽ ഇത്തരം ചിന്തകൾ ഗർഭിണികളെ ശാരീരികമായും മാനസികമായും കീഴ്പ്പെടുത്തിയേക്കാം. ഇനി ഇത്തരത്തിലുള്ളവർ കാണിക്കുന്ന ലക്ഷണങ്ങൾ പരിശോധിക്കാം.
ഉറക്കമില്ലായ്മ
ഇടയ്കിടയ്ക്കുള്ള തലവേദന
ഒന്നിനോടും താല്പര്യമില്ലായ്മ
പെട്ടന്നുള്ള വൈകാരികമായ മാറ്റം
ആത്മവിശ്വാസ കുറവ്
ഇത്തരത്തിലുള്ള ലക്ഷണങ്ങൾ നിങ്ങളിൽ ഉണ്ടെങ്കിൽ മനസ്സിന് എത്രയും വേഗം വിശ്രമം നൽകാനുള്ള സമയമായി എന്നാണ് അർത്ഥം. അതിനു വേണ്ട ചില പൊടി കൈകൾ എന്താണെന്ന് നോക്കാം.
ഇഷ്ടമുള്ളത് മാത്രം ചെയ്യാം
വീട്ടിലോ പുറത്തോ ഭാരിച്ച ധാരാളം ഉത്തരവാദിത്വം നിങ്ങൾക്കുണ്ടെങ്കിൽ അത് ഓരോന്നായി കുറച്ച് കൊണ്ട് വരണം. ആ സമയം വിശ്രമിക്കാനും താല്പര്യമുള്ള പുസ്തകങ്ങൾ വായിക്കാനും സംഗീതം കേൾക്കാനുമായി വിനിയോഗിക്കാം. സന്തോഷമുള്ള കാര്യങ്ങൾക്ക് മാത്രം ചെവി കൊടുത്താൽ അത് നിങ്ങൾക്ക് മാത്രമല്ല കുട്ടിക്കും ധാരാളം പ്രയോജനം ചെയ്യും.
മെഡിറ്റേഷൻ
എല്ലാ ദിവസവും അര മണിക്കൂർ മെഡിറ്റേഷൻ ചെയ്യുന്നത് ഹൃദയത്തിനും രക്ത സമ്മർദ്ദത്തിനും നല്ലതാണ്. ഇരുട്ടുള്ള ഒരു മുറിയിൽ മറ്റ് ബഹളങ്ങൾ ഒന്നുമില്ലാത്ത സമയത്ത് ചെയ്യുന്നതാണ് ഏറ്റവും നല്ലത്. നല്ല പോലെ മെഡിറ്റേഷൻ ചെയുന്ന ഗർഭിണികൾക്ക് പ്രസവ സംബന്ധിയായ പ്രശ്നങ്ങളിൽ 90 % വരെ കുറവുണ്ടാകുമെന്ന് പഠനങ്ങൾ പറയുന്നുണ്ട്.
മാറ്റം ഉൾക്കൊള്ളാം
ചില സ്ത്രീകൾക്ക് ഗർഭാവസ്ഥയിൽ ശാരീരിക ഭാരം കൂടുന്നത് വലിയ ആശങ്കയ്ക് കാരണമാകുന്നുണ്ട്. പ്രസവത്തിനു ശേഷം തന്റെ ശരീരം പഴയ പോലെ ആകുമോ അതോ അമിതവണ്ണമുണ്ടാകുമോ എന്നൊക്കെ അളവിലധികം ചിന്തിച്ച് കൂട്ടും. അനാവശ്യമായ ഈ ചിന്ത നിങ്ങളെ മാനസികമായി തളർത്തുകയേ ഉള്ളൂ. ഗർഭാവസ്ഥയിൽ സ്വാഭാവികമായി ഉണ്ടാകുന്ന മാറ്റം അംഗീകരിക്കാനായി ശീലിക്കണം.
ഒമേഗ മാജിക്
ഒമേഗ 3 എന്ന ഫാറ്റി ആസിഡുള്ള ഭക്ഷണം നിങ്ങൾക്കുള്ള നല്ലൊരു പ്രതിവിധിയാണ്. ഡോക്ടറോട് ചോദിച്ച് ആ ഭക്ഷണ സാധനങ്ങൾ മനസ്സിലാക്കി കഴിച്ച് തുടങ്ങിയാൽ സ്ട്രെസ്സിനു കാര്യമായ കുറവുണ്ടാക്കും. കൂടാതെ ഉറക്കമില്ലായ്മക്കും ആത്മവിശ്വാസ കുറവിനുമുള്ള നല്ലൊരു പരിഹാരമാണ് ഒമേഗ 3.
സംസാരിക്കാം അടുപ്പമുള്ളവരോട്
ഭർത്താവിനോടോ വീട്ടുകാരോടോ സുഹൃത്തുക്കളോടോ തുറന്ന് സംസാരിക്കുന്നത് മാനസിക ആരോഗ്യത്തിനു നല്ലതാണ്. നിങ്ങളുടെ മനസ്സിലുള്ള സംശയങ്ങൾക്കും ആശങ്കകൾക്കും കുറവുണ്ടാക്കാൻ നല്ലൊരു സംഭാഷണത്തിന് സാധിക്കും.
ഉറക്കം നല്ലതിന്
പൊതുവെ ഗർഭിണികൾക്ക് നല്ല ഉറക്ക ക്ഷീണമുണ്ടാവാറുണ്ട്. അന്നേരം മറ്റ് കാര്യങ്ങളിൽ ശ്രദ്ധിക്കുന്നത് പകരം ഉറങ്ങാൻ തന്നെ ശ്രമിക്കുക. സ്ട്രെസ് ഹോർമോണുകളെ കുറയ്ക്കാനും നല്ല ഊർജ്ജം പകരാനും ഇടയ്ക്കിടെയുള്ള ഉറക്കം നല്ലതാണ്.
കുട്ടിയെ സുഹൃത്താക്കാം
23 ആഴ്ച പ്രായമുള്ള ഗർഭാവാസ്ഥയിലുള്ള കുട്ടിക്ക് നമ്മുടെ സംസാരം കേൾക്കാനാകും. ഇടയ്ക്കിടെ കുട്ടിയോട് സംസാരിക്കുന്നത് നിങ്ങളുടെ മാനസിക ആരോഗ്യത്തെ വലിയ രീതിയിലാണ് സഹായിക്കുക. വയറിനകത്തുള്ള കുഞ്ഞിന്റെ ചലനം ശ്രദ്ധിച്ച് നിങ്ങളുടെ നല്ല ചിന്തകളും സ്വപ്നങ്ങളുമൊക്കെ പങ്ക് വയ്ക്കൂ, നല്ലൊരു മാതൃത്വത്തിനായി കാത്തിരിക്കൂ..