പ്രസവസമയത്ത് കുഞ്ഞ് അനുഭവിക്കുന്നത്

ഇളം ചൂട്

അമ്മയുടെ ഗര്‍ഭപാത്രത്തിനകത്ത് ഇളം ചൂടേറ്റ് കിടക്കുമ്പോള്‍ പിന്നീട് ലേബര്‍റൂമിന്റെ തണുപ്പിലേക്ക് വരുമ്പോള്‍ ആരായാലും ആദ്യം ഒന്നമ്പരക്കും. കുഞ്ഞിന്റെ അവസ്ഥയും ഏറെക്കുറേ ഇങ്ങനെ തന്നെയായിരിക്കും.

വേദന

മണിക്കൂറുകളോളമായിരിക്കും അമ്മമാര്‍ക്കം പ്രസവ വേദന അനുഭവിക്കേണ്ടി വരുന്നത്. എന്നാല്‍ ഇതേ അവസ്ഥ തന്നെയായിരിക്കും കുഞ്ഞിനും അനുഭവിക്കേണ്ടി വരുന്നത്. കാരണം ഗര്‍ഭപാത്രത്തില്‍ നിന്ന് ഇടുങ്ങിയ ഇടത്തിലൂടെ പുറത്തേക്ക് വരാന്‍ കുഞ്ഞ് അല്‍പം വേദന സഹിക്കേണ്ടി വരുന്നു.

കാണുന്നതും കേള്‍ക്കുന്നതും

കുഞ്ഞ് ജനിച്ച് നിമിഷങ്ങള്‍ക്കകം തന്നെ ശബ്ദങ്ങള്‍ കേള്‍ക്കാനും കണ്ണ് തുറക്കാനും കഴിയുന്നു. അതു കൊണ്ട് തന്നെ ചുറ്റും നടക്കുന്നതെല്ലാം കുഞ്ഞിന് അറിയാന്‍ കഴിയുന്നു.

കുഞ്ഞിന്റെ ആരോഗ്യം

കുഞ്ഞ് ജനിച്ച് ഉടന്‍ തന്നെ കുഞ്ഞിനെ കുളിപ്പിച്ച് വൃത്തിയാക്കിയാണ് അമ്മയുടെ അരികില്‍ കൊടുക്കുന്നത്. എന്നാല്‍ ഇതിനു മുന്‍പായി കുഞ്ഞിനെ കുലുക്കുന്നതും വായിലും മൂക്കിലും കയറിയ ദ്രവങ്ങള്‍ എടുത്തു കളയുന്നതും എല്ലാം സാധാരണയാണ്.

കുഞ്ഞ് പുറത്ത് വന്ന ശേഷം

കുഞ്ഞ് പുറത്ത് വന്ന ശേഷം വൃത്തിയാക്കി ആദ്യത്തെ പാല്‍ നല്‍കുന്നതിനായി അമ്മക്ക് കുഞ്ഞിനെ നല്‍കുന്നു. പിന്നീട് അമ്മയായിരിക്കും കുഞ്ഞിന്റെ ലോകവും.