കുട്ടിയുടെ ആരോഗ്യം; ഒരു മുട്ട ഒരു ദിവസം

മുട്ടയെന്നാല്‍ കൊഴുപ്പല്ല

മുട്ട എന്നാല്‍ കൊഴുപ്പാണ് എന്ന് വിചാരിക്കുന്നവരാണ് മിക്കവരും. എന്നാല്‍ മുട്ട കഴിക്കുന്നത് വളരെ നല്ലതാണ്. ശരിയായ രീതിയില്‍ ആണ് കുട്ടികള്‍ക്ക് കൊടുക്കുന്നതെങ്കില്‍ ഗുണങ്ങളുടെ കലവറയാണ് മുട്ട.

വൈറ്റമിന്‍ ധാരാളം

വൈറ്റമിന്‍ എ, ബി, റൈബോഫഌബിന്‍, കാത്സ്യം, മഗ്നീഷ്യം തുടങ്ങിവ കൊണ്ട് സമ്പുഷ്ടമാണ് മുട്ട. ഇത് കുഞ്ഞിന്റെ വളര്‍ച്ചാ ഘട്ടങ്ങളില്‍ വളരെയധികം സഹായിക്കുന്നു.

നിത്യവും ഉള്‍പ്പെടുത്തേണ്ടത്

കുട്ടികളുടെ ആരോഗ്യത്തില്‍ നിത്യവും ഉള്‍പ്പെടുത്താവുന്ന ഒന്നാണ് മുട്ട. എല്ലുകളുടേയും മാംസ പേശികളുടേയും വികാസത്തിന് വളരെയധികം മുട്ട സഹായിക്കുന്നു.

മുട്ടയെല്ലാം

എന്നാല്‍ മുട്ടയെന്ന് പറയുമ്പോള്‍ പ്രധാനമായും നമ്മള്‍ കഴിക്കുന്നത് കോഴിമുട്ടയാണ്. എന്നാല്‍ കാടമുട്ടയും കുട്ടികള്‍ക്ക് നല്‍കാവുന്നതാണ്.

കാഴ്ച ശക്തി വര്‍ദ്ധിപ്പിക്കാന്‍

പതിമൂന്ന് അവശ്യ ജീവകങ്ങള്‍ മുട്ടയില്‍ അടങ്ങിയിട്ടുണ്ട്. ഇതില്‍ 186 മില്ലിഗ്രാം കൊഴുപ്പാണ് അടങ്ങിയിട്ടുള്ളത്. ഇതാകട്ടെ എല്ലിനും പല്ലിനും കണ്ണിനും എല്ലാം വളരെ നല്ലതാണ്.

മുട്ടയുടെ മഞ്ഞ

കുട്ടികള്‍ക്ക് മുട്ടയുടെ മഞ്ഞ നിര്‍ബന്ധമായും കൊടുത്തിരിക്കണം. ഇതാണ് കുട്ടികളുടെ വളര്‍ച്ചയെ സഹായിക്കുന്നതും.

കുട്ടികള്‍ക്ക് കാടമുട്ട

കോഴിമുട്ടയേക്കാള്‍ കുട്ടികളുടെ വളര്‍ച്ചയെ സ്വാധീനിക്കുന്നത് കാടമുട്ടയാണ്. ഇതിന് കോഴിമുട്ടയേക്കാള്‍ ഗുണവും കൂടുതലാണ്. മാത്രമല്ല ഇതിലടങ്ങിയിരിക്കുന്ന കൊഴുപ്പാകട്ടെ നല്ല കൊഴുപ്പാണ്.

ഏഴ് വയസ്സിനു മുകളിലുള്ള കുട്ടികള്‍ക്ക്

ഒരു വയസ്സു മുതല്‍ മൂന്ന് വയസ്സു വരെയുള്ള കുട്ടികള്‍ത്ത് മൂന്ന് കാടമുട്ട വരെ നല്‍കാം. ഏഴ് വയസ്സിനു മുകളിലുള്ള കുട്ടികളാണെങ്കില്‍ അഞ്ച് കാടമുട്ട വരെ നല്‍കാവുന്നതാണ്.