കുട്ടികളുടെ തൂക്കം വര്‍ദ്ധിപ്പിയ്ക്കും ഭക്ഷണങ്ങള്‍

കാര്‍ബോഹൈഡ്രേറ്റ്

കാര്‍ബോഹൈഡ്രേറ്റ് കൂടുതലടങ്ങിയ ഭക്ഷണങ്ങള്‍ കുട്ടികളില്‍ തൂക്കം വര്‍ദ്ധിയ്ക്കാന്‍ നല്ലതാണ്. ചോറ്, ഉരുളക്കിഴങ്ങ് എന്നിവ ഇതില്‍ ഉള്‍പ്പെടുത്താം.

ചോളം

പുഴുങ്ങിയ ചോളത്തില്‍ ബട്ടര്‍ ചേര്‍ത്തു കൊടുക്കുന്നതും കുട്ടികളുടെ തൂക്കം വര്‍ദ്ധിയ്ക്കാന്‍ സഹായിക്കും.

നെയ്യ്

നെയ്യ് കുട്ടികള്‍ക്കു നല്‍കാവുന്ന മറ്റൊരു ഭക്ഷണമാണ്. ഇത് തൂക്കം വര്‍്ദ്ധിയ്ക്കാനും ശരീരത്തിന് രോഗപ്രതിരോധശേഷി നേടാനുമെല്ലാം ഉപകരിയ്ക്കും.

പ്രോട്ടീന്‍

പ്രോട്ടീന്‍ സമ്പുഷ്ടമായ ഭക്ഷണങ്ങളാണ് മറ്റൊന്ന്. ചിക്കന്‍, മുട്ട, മുളപ്പിച്ച ധാന്യങ്ങള്‍ എ്ന്നിവയെല്ലാം ഇതില്‍ ഉള്‍പ്പെടും.

ബട്ടര്‍

ബട്ടര്‍, ക്രീം, മേപ്പിള്‍ സിറപ്പ് തുടങ്ങിയ കലോറിയടങ്ങിയ ഭക്ഷണങ്ങള്‍ കുട്ടികളില്‍ തൂക്കം വര്‍ദ്ധിയ്ക്കാന്‍ സഹായിക്കും.

കലോറി

കുട്ടികള്‍ക്കു ഭക്ഷണം തയ്യാറാക്കുമ്പോള്‍ കലോറി കൂടുതലുള്ള എന്തെങ്കിലും കൂടി ചേര്‍ക്കുക. ഉദാഹരണമായി ദോശയുണ്ടാക്കുമ്പോള്‍ നെയ്യു ചേര്‍ക്കാം. ബ്രെഡ് ടോസ്റ്റ് തയ്യാറാക്കുമ്പോള്‍ മുട്ട ഉള്ളില്‍ വയ്ക്കാം. ഇതെല്ലാം കുട്ടികളുടെ തൂക്കം വര്‍ദ്ധിപ്പിയ്ക്കാന്‍ സഹായിക്കും.

കൊഴുപ്പുള്ള പാല്‍

പാല്‍ നല്‍കുമ്പോള്‍ കൊഴുപ്പുള്ള പാല്‍ നല്‍കാം. സ്‌നാക്‌സായി തൂക്കം വര്‍ദ്ധിപ്പിയ്ക്കുന്ന ഗ്രനോല ബാര്‍, ബട്ടര്‍ കുക്കീസ് എന്നിവ നല്‍കാം.

നട്‌സ്

ബദാം, കശുവണ്ടിപ്പരിപ്പ് പോലുള്ള നട്‌സ് കുട്ടികള്‍ക്ക് ആരോഗ്യകരവും അതേ സമയം തൂക്കം കൂട്ടാന്‍ ഉപകരിയ്ക്കുന്നതുമാണ്. ഇവ നല്‍കാം.