ഈ ലക്ഷണങ്ങള്‍ കുട്ടികളിലെങ്കില്‍ ഗുരുതരം

ചുവന്ന തടിപ്പ്

കുട്ടികളുടെ ശരീരത്തില്‍ ചുവന്ന നിറത്തില്‍ തടിപ്പ് കാണപ്പെടുകയാണെങ്കില്‍ അല്‍പം ശ്രദ്ധിക്കാം. ചര്‍മ്മത്തിലോ മുഖത്തോ എവിടെയെങ്കിലും ഇത്തരത്തില്‍ ചുവന്ന രീതിയില്‍ തടിപ്പുണ്ടെങ്കില്‍ ഒന്ന് ശ്രദ്ധിക്കുന്നത് നല്ലതാണ്. ഇതിനെത്തുടര്‍ന്ന് കുഞ്ഞ് അസാധാരണമായി കരയുകയാണെങ്കില്‍ ഉടന്‍ തന്നെ ഡോക്ടറെ സമീപിക്കണം.

ചുവന്ന വരകള്‍

ചുവന്ന വരകള്‍ കുഞ്ഞിന്റെ ശരീരത്തില്‍ കാണപ്പെടുകയാണെങ്കിലും ശ്രദ്ധിക്കണം. പ്രത്യേകിച്ച് കഴുത്ത്, കക്ഷം, മുട്ടുകള്‍, കാല്‍ മുട്ട് എന്നീ ഭാഗങ്ങളില്‍ ചുവന്ന് തടിച്ച വരകള്‍ കാണുകയാണെങ്കിലും ഡോക്ടറെ കാണാന്‍ മടിക്കേണ്ടതില്ല.

രക്തവര്‍ണമായ മുഖം

മുഖം പതിവിലും അധികമായി രക്തവര്‍ണമായി കാണപ്പെടുകയാണെങ്കില്‍ അത് കുഞ്ഞിന്റെ ആരോഗ്യ സ്ഥിതി ശരിയല്ല എന്നതിന്റെ സൂചനയാണ്. എന്നാല്‍ മുഖം രക്ത നിറമാണെങ്കിലും വായ വിളറിയ നിറത്തോട് കൂടിയാണെങ്കില്‍ വൈദ്യസഹായം ഉടന്‍ തേടേണ്ടത് അത്യാവശ്യമാണ്.

സ്‌ട്രോബെറി നിറമുള്ള നാവ്

സ്‌ട്രോബെറി നിറം കുഞ്ഞിന്റെ നാവിനുണ്ടെങ്കില്‍ ശ്രദ്ധിക്കുക. ഇത് ഈ രോഗാവസ്ഥയുടെ ആദ്യ ലക്ഷണങ്ങളിലൊന്നാണ്. മാത്രമല്ല നാവില്‍ ഏതെങ്കിലും തരത്തിലുള്ള മുകുളങ്ങള്‍ കൂടി ഉണ്ടെങ്കില്‍ വൈദ്യസഹായം തേടേണ്ടത് അത്യാവശ്യമാണ്.

ഉയര്‍ന്ന പനി

പനിയാണ് മറ്റൊരു ലക്ഷണം. ഏതൊരു രോഗത്തിന്റേയും ആദ്യ ലക്ഷണം എന്ന് പറയുന്നത് പനിയാണ്. പ്രത്യേകിച്ച് കുഞ്ഞുങ്ങളില്‍. പനിയുടെ തോത് നോക്കി രോഗനിര്‍ണയം നടത്താന്‍ കഴിയും.

തൊണ്ട വേദന

തൊണ്ട വേദനയാണ് മറ്റൊരു ലക്ഷണം. തൊണ്ട വേദന കൊണ്ട് കുഞ്ഞ് ബുദ്ധിമുട്ടുമ്പോള്‍ വെറും തൊണ്ട വേദനയെന്ന് പറഞ്ഞ് അതിനെ തള്ളിക്കളയരുത്. മുകളില്‍ പറഞ്ഞ ലക്ഷണങ്ങളോടൊപ്പം തൊണ്ട വേദന കൂടിയുണ്ടെങ്കില്‍ കുഞ്ഞിനെ ഉടന്‍ തന്നെ ഡോക്ടറുടെ അടുത്ത് കൊണ്ട് പോവണം.