പിതൃപക്ഷത്തില്‍ ഈ വാസ്തു പരിഹാരമെങ്കില്‍ സമ്പത്തും ഐശ്വര്യവും കൂടെവരും

ഈ ദിശയില്‍ പൂര്‍വ്വികരുടെ ചിത്രം വയ്ക്കുക

മിക്ക വീടുകളിലും സ്മരണയ്ക്കായി പൂര്‍വികരുടെ ചിത്രം വയ്ക്കാറുണ്ട്. ഇത് ഒരു നല്ല കാര്യമാണ്. എന്നാല്‍ ഇത്തരം ചിത്രം വീട്ടില്‍ തെറ്റായ ദിശയില്‍ സ്ഥാപിച്ചാല്‍, വീടിനും അവിടെ താമസിക്കുന്നവര്‍ക്കും അതിന്റെ ദോഷഫലം വരും. വാസ്തു പ്രകാരം, പൂര്‍വ്വികരുടെ ഫോട്ടോ വയ്ക്കാന്‍ ഏറ്റവും അനുകൂലമായ സ്ഥലം തെക്ക് ദിശയാണ്. ഇതുകൂടാതെ, വരുമ്പോഴും പോകുമ്പോഴും നിങ്ങളുടെ കണ്ണുകള്‍ ചിത്രത്തിലേക്ക് വീഴുന്ന സ്ഥലങ്ങളില്‍ പൂര്‍വ്വികരുടെ ചിത്രം വയ്ക്കരുത് എന്നതും ഓര്‍മിക്കേണ്ടതാണ്.

ഈ സ്ഥലങ്ങളില്‍ പൂര്‍വ്വികരുടെ ചിത്രങ്ങള്‍ വയ്ക്കരുത്

വീട്ടില്‍ തെറ്റായ ദിശയില്‍ വയ്ക്കുന്ന പൂര്‍വ്വികരുടെ ചിത്രം വാസ്തു ദോഷങ്ങള്‍ സൃഷ്ടിക്കുന്നു. പൂര്‍വ്വികര്‍ക്കൊപ്പം ദേവന്മാരും കോപിക്കുന്നു. തല്‍ഫലമായി, വീട്ടിലുള്ളവരുടെ ജീവിതത്തില്‍ അഭിപ്രായവ്യത്യാസമുണ്ടാകുകയും സന്തോഷവും ഐശ്വര്യവും അകലുകുകയും ചെയ്യുന്നു. നിങ്ങളുടെ കിടപ്പുമുറിയിലോ ആരാധനാലയത്തിലോ അടുക്കളയിലോ ഒരിക്കലും പൂര്‍വ്വികരുടെ ചിത്രങ്ങള്‍ സൂക്ഷിക്കാന്‍ പാടില്ല. ഈ സ്ഥലങ്ങളില്‍ പൂര്‍വ്വികരുടെ ഫോട്ടോ വയ്ക്കുന്നത് വാസ്തു ശാസ്ത്രപ്രകാരം നിഷിധമാണ്.

പിതൃ പക്ഷത്തില്‍ ദിവസവും ഇത് ചെയ്യുക

പിതൃ പക്ഷത്തില്‍ വീടിന്റെ പ്രധാന വാതില്‍ ദിവസവും വെള്ളം കൊണ്ട് കഴുകുകയും വെളുത്ത പൂക്കള്‍ ഇടുകയും വേണം. വാസ്തു ശാസ്ത്ര പ്രകാരം പൂര്‍വ്വികരെ പ്രീതിപ്പെടുത്താന്‍ വീടിന്റെ പ്രധാന വാതില്‍ എപ്പോഴും വൃത്തിയായി സൂക്ഷിക്കുക. കൂടാതെ, വൈകുന്നേരം തെക്ക് ദിശയില്‍ വിളക്ക് കത്തിക്കണം. ഇങ്ങനെ ചെയ്താല്‍ പൂര്‍വികരുടെ അനുഗ്രഹം ലഭിക്കും. ശ്രാദ്ധപക്ഷ വേളയില്‍ ഏതെങ്കിലും പശുവോ മറ്റോ നിങ്ങളുടെ വീട്ടുവാതില്‍ക്കല്‍ വന്നാല്‍, എന്തെങ്കിലും കഴിക്കാന്‍ കൊടുക്കണം.

പിതൃ പക്ഷത്തില്‍ ഇവ ചെയ്യരുത്

പിതൃപക്ഷ സമയത്ത് മുടി മുറിക്കാന്‍ പാടില്ല. അങ്ങനെ ചെയ്യുന്നത് നിഷിദ്ധമായി കണക്കാക്കപ്പെടുന്നു. വീട്ടില്‍ പുതിയ ജോലികളോ മംഗളകരമായ കാര്യങ്ങളോ ഒന്നും ഈ സമയത്ത് സംഘടിപ്പിക്കരുത്. അങ്ങനെ ചെയ്യുന്നതിലൂടെ പൂര്‍വ്വികര്‍ കോപിക്കും.

പൂര്‍വ്വികരെ സന്തോഷിപ്പിക്കാന്‍

പിതൃ പക്ഷത്തില്‍ പൂര്‍വ്വികരെ പ്രീതിപ്പെടുത്താന്‍ ബ്രാഹ്‌മണര്‍ക്ക് ഭക്ഷണം നല്‍കണം. പൂര്‍ണമായും സാത്വികവും മതപരവുമായ കാഴ്ചപ്പാടുകളുള്ള ബ്രാഹ്‌മണര്‍ക്ക് മാത്രമേ ഭക്ഷണം നല്‍കാവൂ. പിതൃപക്ഷത്തില്‍ മൃഗങ്ങള്‍ക്കും പക്ഷികള്‍ക്കും ഭക്ഷണവും വെള്ളവും നല്‍കുന്നത് പ്രത്യേക ഗുണങ്ങള്‍ നല്‍കുന്നതായിരിക്കും.

വിളക്ക് കത്തിക്കുക

വാസ്തു ശാസ്ത്ര പ്രകാരം തെക്ക് ദിക്കിനെ പൂര്‍വികരുടെ ദിശ എന്ന് പറയുന്നു. അതുകൊണ്ട് ദിവസവും വൈകുന്നേരം വിളക്ക് കത്തിക്കുക. ഇത് പിതൃദോഷം അകറ്റും.