2022 ഡിസംബര്‍ മാസത്തിലെ പ്രധാന ദിനങ്ങളും ആഘോഷങ്ങളും

1 ഡിസംബര്‍ - ലോക എയ്ഡ്‌സ് ദിനം

എച്ച്.ഐ.വി അണുബാധ മൂലമുണ്ടാകുന്ന എയ്ഡ്സിനെക്കുറിച്ച് അവബോധം വളര്‍ത്തുക എന്ന ലക്ഷ്യത്തോടെ എല്ലാ വര്‍ഷവും ഡിസംബര്‍ 1ന് ലോക എയ്ഡ്സ് ദിനം ആചരിക്കുന്നു. ലോകാരോഗ്യ സംഘടന നടത്തുന്ന പതിനൊന്ന് ആരോഗ്യ സംബന്ധിയായ കാമ്പെയ്നുകളില്‍ ഒന്നാണ് ലോക എയ്ഡ്സ് ദിനം.

2 ഡിസംബര്‍ - അടിമത്ത നിരോധന ദിനം

മനുഷ്യക്കടത്തിനും മനുഷ്യനെ ചൂഷണം ചെയ്യുന്നതിനും എതിരെ അവബോധം വളര്‍ത്തുന്നതിനായി എല്ലാ വര്‍ഷവും ഡിസംബര്‍ 2ന് ലോകമെമ്പാടുമുള്ള രാജ്യങ്ങള്‍ അടിമത്തം നിര്‍ത്തലാക്കുന്നതിനുള്ള അന്താരാഷ്ട്ര ദിനമായി ആചരിക്കുന്നു. 1986-ല്‍ യുഎന്‍ ജനറല്‍ അസംബ്ലിയാണ് ഇത് ആദ്യമായി ആചരിച്ചത്.

4 ഡിസംബര്‍ - നേവി ദിനം

എല്ലാ വര്‍ഷവും ഡിസംബര്‍ 4ന് ഇന്ത്യയില്‍ നേവി ദിനം ആചരിക്കുന്നു. രാജ്യത്തിന്റെ സുരക്ഷയില്‍ നാവികസേന വഹിക്കുന്ന പങ്കിനെയും പ്രാധാന്യത്തെയും കുറിച്ച് ഈ ദിവസം ഓര്‍മ്മപ്പെടുത്തുന്നു. 1971ലെ ഇന്ത്യ-പാകിസ്ഥാന്‍ യുദ്ധത്തില്‍ വീരമൃത്യു വരിച്ച നാവികസേനാംഗങ്ങളുടെ സ്മരണയ്ക്കായി കൂടിയാണ് ഈ ദിനം ആചരിക്കുന്നത്.

5 ഡിസംബര്‍ - ലോക മണ്ണ് ദിനം

മണ്ണിന്റെ പ്രാധാന്യവും അതിന്റെ ഗുണമേന്മ നശിക്കുന്നത് തടയാന്‍ എന്തുചെയ്യാനാകുമെന്നതിലേക്ക് ആളുകളുടെ ശ്രദ്ധ കൊണ്ടുവരുന്നതിനുമായി എല്ലാ വര്‍ഷവും ഡിസംബര്‍ 5ന് ലോക മണ്ണ് ദിനമായി ആചരിക്കുന്നു.

7 ഡിസംബര്‍ - സായുധ സേന പതാക ദിനം

ഇന്ത്യന്‍ സായുധ സേനയുടെ പതാക ദിനം 1949 മുതല്‍ വര്‍ഷം തോറും ഡിസംബര്‍ 7 ന് ആചരിക്കുന്നു. ഇത് ഇന്ത്യന്‍ സായുധ സേനയുടെ ക്ഷേമത്തിനായി രാജ്യത്തിന്റെ വിവിധ ഭാഗങ്ങളില്‍ നിന്നുള്ള ഫണ്ട് ശേഖരണത്തിനായും സമര്‍പ്പിക്കുന്നു.

9 ഡിസംബര്‍ - അന്താരാഷ്ട്ര അഴിമതി വിരുദ്ധ ദിനം

അഴിമതിക്കെതിരെ പൊതുജനങ്ങളെ ബോധവല്‍ക്കരിക്കുന്നതിനായി, എല്ലാ വര്‍ഷവും ഡിസംബര്‍ 9 ന് അന്താരാഷ്ട്ര അഴിമതി വിരുദ്ധ ദിനം ആചരിക്കുന്നു. 2003 ഒക്ടോബര്‍ 31 ന് അഴിമതിക്കെതിരായ ഐക്യരാഷ്ട്ര കണ്‍വെന്‍ഷന്‍ പാസാക്കി. അതിനുശേഷം എല്ലാ വര്‍ഷവും ലോകം അന്താരാഷ്ട്ര വിരുദ്ധ ദിനം ആചരിക്കുന്നു.

10 ഡിസംബര്‍ - മനുഷ്യാവകാശ ദിനം

മനുഷ്യാവകാശങ്ങള്‍ പ്രോത്സാഹിപ്പിക്കുന്നതിനും അവയെക്കുറിച്ച് ജനങ്ങളെ ബോധവാന്മാരാക്കുന്നതിനുമായി എല്ലാ വര്‍ഷവും ഡിസംബര്‍ 10 ന് മനുഷ്യാവകാശ ദിനമായി ആചരിക്കുന്നു. സര്‍ക്കാര്‍, സര്‍ക്കാരിതര സംഘടനകള്‍ ഈ ദിനാഘോഷത്തില്‍ വിവിധ പരിപാടികള്‍ സംഘടിപ്പിക്കുന്നു.

11 ഡിസംബര്‍ - അന്താരാഷ്ട്ര പര്‍വത ദിനം

സുസ്ഥിരമായ രീതിയില്‍ പര്‍വതങ്ങളുടെ വികസനം പ്രോത്സാഹിപ്പിക്കുന്നതിനായി ഐക്യരാഷ്ട്ര പൊതുസഭ ഡിസംബര്‍ 11 പര്‍വത ദിനമായി ആചരിക്കുന്നു. പര്‍വത പരിസരങ്ങളില്‍ വസിക്കുന്ന ആളുകളെ കുറിച്ചും അവരുടെ പൈതൃകം സംരക്ഷിക്കാന്‍ പര്‍വതങ്ങള്‍ എങ്ങനെ വികസിപ്പിക്കണം എന്നതിനെക്കുറിച്ചും അവബോധം വളര്‍ത്താനും ഈ ദിനം ലക്ഷ്യമിടുന്നു.

14 ഡിസംബര്‍ - ദേശീയ ഊര്‍ജ സംരക്ഷണ ദിനം

ഊര്‍ജ സംരക്ഷണത്തെക്കുറിച്ച് അവബോധം സൃഷ്ടിക്കുന്നതിനായി ഡിസംബര്‍ 14 ദേശീയ ഊര്‍ജ്ജ സംരക്ഷണ ദിനമായി ആചരിക്കുന്നു. ബ്യൂറോ ഓഫ് എനര്‍ജി എഫിഷ്യന്‍സിയാണ് ഇതിന് മുന്‍കൈ എടുക്കുന്നത്. ഈ ദിനാചരണത്തിന്റെ ഭാഗമായി ഊര്‍ജ്ജ സംരക്ഷണത്തിനുള്ള അവാര്‍ഡുകളും നല്‍കപ്പെടുന്നു.

18 ഡിസംബര്‍ - ന്യൂനപക്ഷ അവകാശ ദിനം

ന്യൂനപക്ഷങ്ങളുടെ അവകാശങ്ങള്‍ സംരക്ഷിക്കുന്നതിനും അവകാശങ്ങളെക്കുറിച്ച് അവരെ ബോധവാന്മാരാക്കുന്നതിനുമായി, ഇന്ത്യയില്‍ എല്ലാ വര്‍ഷവും ഡിസംബര്‍ 18 ന് ന്യൂനപക്ഷ അവകാശ ദിനം ആചരിക്കുന്നു.

22 ഡിസംബര്‍ - ദേശീയ ഗണിത ദിനം

ഇന്ത്യയിലെ ഏറ്റവും വലിയ ഗണിതശാസ്ത്രജ്ഞരില്‍ ഒരാളായ ശ്രീനിവാസ രാമാനുജന്റെ ജന്മദിനമാണ് ദേശീയ ഗണിതശാസ്ത്ര ദിനമായി ആചരിക്കുന്നത്. 2012 മുതല്‍ എല്ലാ വര്‍ഷവും ഡിസംബര്‍ 22ന് ഈ ദിവസം ആചരിച്ചുവരുന്നു.

23 ഡിസംബര്‍ - കിസാന്‍ ദിവസ്

ദേശീയ കര്‍ഷക ദിനം അല്ലെങ്കില്‍ കിസാന്‍ ദിവസ് എല്ലാ വര്‍ഷവും ഡിസംബര്‍ 23 ന് ആഘോഷിക്കുന്നു, ഇത് കര്‍ഷക നേതാവും ഇന്ത്യയുടെ അഞ്ചാമത്തെ പ്രധാനമന്ത്രിയുമായ ചൗധരി ചരണ്‍ സിങ്ങിന്റെ ജന്മദിനമാണ്.

25 ഡിസംബര്‍ - ക്രിസ്മസ്

യേശുക്രിസ്തുവിന്റെ ജനനത്തെ അനുസ്മരിക്കുന്ന ക്രിസ്ത്യാനികളുടെ ഒരു പ്രധാന ഉത്സവമാണ് ക്രിസ്മസ്. എല്ലാ വര്‍ഷവും ഡിസംബര്‍ 25 ന് ക്രിസ്മസ് ആഘോഷിക്കുന്നു. ലോകമെമ്പാടുമുള്ള കോടിക്കണക്കിന് ആളുകള്‍ ക്രിസ്മസ് ആഘോഷിക്കുന്നു.

31 ഡിസംബര്‍ - പുതുവത്സര രാവ്

എല്ലാ വര്‍ഷവും ഡിസംബര്‍ 31 സായാഹ്നം പുതുവത്സര രാവ് ആയി ആഘോഷിക്കുന്നു. ഇത് ഒരു വര്‍ഷത്തിന്റെ അവസാന ദിനമാണ്. പാര്‍ട്ടികളും ഭക്ഷണവും പടക്കങ്ങളുമായി ആളുകള്‍ പുതുവത്സരാഘോഷം ആരംഭിക്കുന്നു.