ആര്‍ക്കും സമ്പന്നനാകാം, വിജയം നേടാം; രാവിലെ എഴുന്നേറ്റയുടന്‍ ഈ മന്ത്രം ചൊല്ലൂ

ആദ്യ ഘട്ടം

ഈ ഘട്ടങ്ങള്‍ പരിശീലിക്കുന്നതിന് നിങ്ങള്‍ അതിരാവിലെ എഴുന്നേല്‍ക്കേണ്ടതുണ്ട്. കുറഞ്ഞത് 5 മണിക്കെങ്കിലും എഴുന്നേല്‍ക്കുക. ഉണര്‍ന്നതിനുശേഷം, കട്ടിലില്‍ ചമ്രം പടിഞ്ഞ് ഇരുന്ന് നിങ്ങള്‍ ആരാധിക്കുന്ന ദൈവത്തിന്റെ നാമം ചൊല്ലി നിങ്ങളുടെ കണ്ണുകള്‍ അടച്ച് അഞ്ചു മിനിറ്റ് ധ്യാനിക്കുക. ദൈവങ്ങളെ പ്രസാദിപ്പിക്കാനും നന്ദി പറയാനും നിങ്ങള്‍ക്ക് ചില മന്ത്രങ്ങള്‍ ഉരുവിടാം. 'ഓം നമശിവായ' പോലെ ലളിതമായ മന്ത്രങ്ങള്‍ മതിയാകും.

രണ്ടാം ഘട്ടം

നിങ്ങളുടെ രണ്ട് കൈപ്പത്തികളും പരസ്പരം അടുപ്പിച്ചുവയ്ക്കുക. ഇങ്ങനെ ചെയ്യുമ്പോള്‍ നിങ്ങളുടെ രണ്ട് കൈകളിലെയും രണ്ട് വരകള്‍ ചേര്‍ന്ന് ചന്ദ്രന്റെ ആകൃതി ഉണ്ടാക്കുന്നത് നിങ്ങള്‍ കാണും. ഇനി നിങ്ങളുടെ കൈകള്‍ മുകളില്‍ നിന്ന് താഴേക്കായി 3 മേഖലയായി തിരിച്ച് ഒരോ ഭാഗവും നോക്കി ഓരോ മന്ത്രം ചൊല്ലുക.

ഭാഗം 1 : കൈവിരലുകള്‍ ചേരുന്ന ആദ്യഭാഗം കാണുമ്പോള്‍ ഈ മന്ത്രം ചൊല്ലുക.

'കരാഗ്രേ വാസ്‌തേ ലക്ഷ്മി'

ഭാഗം 2

ഈ പ്രദേശം കൈയ്യുടെ മധ്യഭാഗത്താണ്. എല്ലാ മനുഷ്യരുടെയും കൈയ്യുടെ ഈ ഭാഗത്ത് സരസ്വതി ദേവി കുടികൊള്ളുന്നുവെന്ന് പറയപ്പെടുന്നു. ഇവിടെ നോക്കി സരസ്വതി ദേവിയുടെ ചിത്രം സങ്കല്‍പ്പിച്ച് ഈ മന്ത്രം ചൊല്ലുക.

'കര്‍മധ്യേ സരസ്വതി'

ഭാഗം 3

ഈ പ്രദേശം നിങ്ങളുടെ കൈകളുടെ താഴത്തെ ഭാഗത്താണ്. എല്ലാ മനുഷ്യരിലും ഈ ഭാഗത്ത് മഹാവിഷ്ണു കുടികൊള്ളുന്നുവെന്ന് പറയപ്പെടുന്നു. ആ ഭാഗം നോക്കി അവിടെ വിഷ്ണുവിന്റെ രൂപമോ കൃഷ്ണന്റെ ചിത്രമോ സങ്കല്‍പ്പിച്ച് ഈ മന്ത്രം ചൊല്ലുക.

'കര്‍മൂലേ തു ഗോവിന്ദം'

'പ്രഭാതേ കര്‍ ദര്‍ശനം'

മൂന്ന് ആരാധനാമൂര്‍ത്തികള്‍

വിജയത്തിനായി നിങ്ങളെ സഹായിക്കുന്ന മൂന്ന് ആരാധനാമൂര്‍ത്തികളുണ്ട്. പണത്തിന് ലക്ഷ്മി, ബുദ്ധിക്ക് സരസ്വതി, പ്രശസ്തിക്കും സര്‍വ്വ ആരോഗ്യത്തിനും മഹാവിഷ്ണു. ഈ 3 ദൈവങ്ങളും ഓരോ വ്യക്തിയുടെയും കൈകളില്‍ വസിക്കുന്നുണ്ട്. നമ്മുടെ കൈകളില്‍ അവയെ സജീവമാക്കേണ്ടതുണ്ട്. ഒറ്റയടിക്ക് ഈ മന്ത്രം ചൊല്ലിയാല്‍ നമുക്ക് അവയെ സജീവമാക്കാം. ഈ മന്ത്രം 11 അല്ലെങ്കില്‍ 21 തവണ ചൊല്ലുക.

മൂന്നാം ഘട്ടം

കട്ടിലില്‍ ഇരുന്നുകൊണ്ടുതന്നെ നിങ്ങളുടെ കൈകൊണ്ട് നിലത്ത് തൊട്ട് നിങ്ങളുടെ നെറ്റിയില്‍ തൊട്ട് വണങ്ങുക. ഭൂമീദേവിയില്‍ നിന്ന് അനുഗ്രഹം വാങ്ങുക. ഇത് ചെയ്തതിന് ശേഷം മാത്രമേ നിങ്ങളുടെ കാലുകള്‍ രാവിലെ ആദ്യം നിലത്ത് വയ്ക്കാന്‍ കഴിയൂ. നിങ്ങളുടെ കാലുകള്‍ നിലത്ത് വയ്ക്കുന്നതിന് മുമ്പ്, ആ സമയത്ത് നിങ്ങളുടെ മൂക്ക് കൂടി കണക്കിലെടുക്കു. ഏത് നാസാരന്ധമാണ് കൂടുതല്‍ തെളിച്ചമെന്ന് നോക്കുക. ഓരോ മൂക്കും അടച്ച് ശ്വസിച്ച് നോക്കുന്നതിലൂടെ ഇത് നിങ്ങള്‍ക്ക് മനസിലാക്കാം. ഏത് മൂക്കാണോ കൂടുതല്‍ വ്യക്തം ആ വശത്തെ കാല്‍ വേണം ആദ്യം നിലത്തു വയ്ക്കാന്‍. ഉദാഹരണത്തിന് ഇടത് നാസാരന്ധം വലതുഭാഗത്ത് നിന്ന് കൂടുതല്‍ സ്വതന്ത്രമായി ശ്വസിക്കുന്നുണ്ടെങ്കില്‍, ആദ്യം നിങ്ങളുടെ ഇടത് കാല്‍ നിലത്ത് വയ്ക്കുക.

ഇവ ശീലിക്കുക

ശാസ്ത്രങ്ങളിലും പുരാണങ്ങളിലും വിജയത്തിനും സമ്പത്തിനും വേണ്ടി ഈ നടപടികളെല്ലാം പരാമര്‍ശിച്ചിട്ടുണ്ട്. ഈ ഘട്ടങ്ങള്‍ ദിവസവും പിന്തുടരുകയാണെങ്കില്‍ ഒറ്റരാത്രികൊണ്ട് നിങ്ങളുടെ വിധി മാറ്റാന്‍ കഴിയും. ദിവസവും രാവിലെ ഈ മൂന്ന് കാര്യങ്ങള്‍ പരിശീലിക്കുക. പണം, ഭാഗ്യം, വിജയം, അവസരങ്ങള്‍ എന്നിവ നിങ്ങളെ ആകര്‍ഷിച്ചെത്തും.