Click it and Unblock the Notifications
Latest Updates
-
Rashiphalam: ഇന്ന് തെളിയുന്ന ഭാഗ്യ രാശിക്കാര്, നിങ്ങളുടെ ഇന്നത്തെ സമ്പൂര്ണഫലം ഇതാണ് -
മീനത്തില് ഭാഗ്യം തെളിയുന്നവര്: ഇനി അടുത്ത 30 നാള് ഈ നക്ഷത്രക്കാര്ക്കുള്ളത്, ധനവും, കരിയറും സുരക്ഷിതം -
ഭക്ഷണത്തില് ഉപ്പ് കൂടുതലോ? അറിയണം കിഡ്നിയെ ബാധിക്കുന്നതെങ്ങനെയെന്ന് -
30 വര്ഷത്തിനിപ്പുറം ശനിയും ചൊവ്വയും ചേരുന്നു: ശത്രു മുട്ടുമടക്കും, ധനം നിറഞ്ഞ് കുമിയും, ഭാഗ്യം ഏത് കോണിലും -
തടി കുറയ്ക്കാന് രാവിലെ ഈ ശീലങ്ങള് മാത്രം മതി: മറക്കാതെ ചെയ്യണം ഇതെല്ലാം -
കരള് എന്നെന്നും സുരക്ഷിതമായിരിക്കുന്നതിനും വിഷമുക്തമാക്കുന്നതിനും കഴിക്കണം ഈ ഭക്ഷണങ്ങള് -
മീനം 1 പുലരുന്നത് തന്നെ രാജയോഗത്തോടെ: അശ്വതി - രേവതി വരെ 27 നാളിനും മീനമാസം സമ്പൂര്ണ നാള്ഫലം -
5 ദിനങ്ങള്ക്കുള്ളില് സൂര്യനെത്തുന്നു മീനത്തില്: പക്ഷേ ഈ രാശിക്കാര് അല്പം കരുതിയിരിക്കണം, നിര്ണായകം -
Rashiphalam: ഇന്ന് ഭാഗ്യയോഗങ്ങളില് മാറ്റങ്ങള് തേടി എത്തുന്ന രാശിക്കാര്: സമ്പൂര്ണഫലം ഇപ്രകാരം -
വ്യാഴം മിഥുനത്തില് നേര്ഗതിയില്: ഈ രാശിക്കാര് മാര്ച്ച് 11 മുതല് കരുതിയിരിക്കണം
അന്നപൂര്ണേശ്വരി അനുഗ്രഹം ചൊരിയും അന്നപൂര്ണ ജയന്തി; ആരാധനാ രീതിയും പ്രാധാന്യവും
എല്ലാ വര്ഷവും മാര്ഗശീര്ഷ മാസത്തിലെ പൗര്ണ്ണമി നാളിലാണ് അന്നപൂര്ണ ജയന്തി ആഘോഷിക്കുന്നത്. ഹിന്ദുമത വിശ്വാസമനുസരിച്ച് മാര്ഗശീര്ഷ പൂര്ണിമ നാളിലാണ് അന്നപൂര്ണ ദേവി ഭൂമിയില് അവതരിച്ചത്. അതുകൊണ്ട് തന്നെ ഈ ദിവസം അവരെ പൂജിച്ചാല് വീട്ടില് പണത്തിനും ഭക്ഷണത്തിനും ഒരു കുറവും ഉണ്ടാകില്ല.
അന്നപൂര്ണ ജയന്തി ദിനത്തില് ആളുകള് അവരുടെ അടുക്കള വൃത്തിയാക്കി ദേവിയെ ആരാധിക്കുന്നു. ഈ വര്ഷത്തെ അന്നപൂര്ണ ജയന്തി വ്രതം ഡിസംബര് 08 വ്യാഴാഴ്ച ആചരിക്കും. ഈ ദിവസം അന്നപൂര്ണ ദേവിയെ ചിട്ടകളോടെ ആരാധിക്കുന്നതിലൂടെ ഐശ്വര്യം കൈവരുമെന്നാണ് വിശ്വാസം. അന്നപൂര്ണ ജയന്തിയുടെ ആരാധനാ രീതിയും പ്രാധാന്യവും പൂജാ രീതിയും എന്തെന്ന് വായിച്ചറിയൂ.
അന്നപൂര്ണ ജയന്തി 2022 മുഹൂര്ത്തം
ഈ വര്ഷം ഡിസംബര് 8-ന് അന്നപൂര്ണ ജയന്തി ആഘോഷിക്കും
പൗര്ണ്ണമി തിഥി ആരംഭം - ഡിസംബര് 7, രാവിലെ 08:01 മുതല്
പൗര്ണ്ണമി തിഥി അവസാനം - ഡിസംബര് 8 രാവിലെ 9.37ന്
അന്നപൂര്ണ ജയന്തി പൂജാവിധി
രാവിലെ കുളിച്ച് വൃത്തിയുള്ള വസ്ത്രം ധരിക്കുക. അടുക്കള നന്നായി വൃത്തിയാക്കി ഗംഗാജലം കൊണ്ട് ശുദ്ധീകരിക്കുക. ചുവന്ന തുണിയില് അന്നപൂര്ണയുടെ ചിത്രം വയ്ക്കുക. ഫോട്ടോയില് തിലകം പുരട്ടി പൂക്കള് അര്പ്പിക്കുക. മഞ്ഞള്, അക്ഷതം എന്നിവ പുരട്ടുക. ധൂപവും വിളക്കും ഉപയോഗിച്ച് ആരാധിക്കുക. ഈ ദിവസം പാര്വതിയെയും ശിവനെയും ആരാധിക്കുക. പൂജ കഴിഞ്ഞ് ആദ്യം പായസം ഉണ്ടാക്കി ദേവിക്ക് സമര്പിക്കുക. അതിനുശേഷം നിങ്ങളും അത് പ്രസാദമായി ഭക്ഷിക്കുക.
അന്നപൂര്ണ മന്ത്രം
അന്നപൂര്ണേ സദാ പൂര്ണേ ശങ്കരപ്രീണവല്ലഭേ
ജ്ഞാനവൈരാഗ്യസിദ്ധ്യാ ഭിക്ഷാംദേഹി ച പാര്വതി
അന്നപൂര്ണ ജയന്തിയില് ചെയ്യേണ്ടത്
ഹിന്ദുവിശ്വാസങ്ങള് പ്രകാരം ഈ ദിവസം വളരെ പവിത്രമായി കണക്കാക്കപ്പെടുന്നു. ഈ ദിവസം അടുക്കള വൃത്തിയാക്കി ഗംഗാജലം കൊണ്ട് ശുദ്ധീകരിക്കുക. ഇതോടൊപ്പം അടുപ്പ്, ഗ്യാസ് മുതലായവയും പൂജിക്കുക. അന്നപൂര്ണ ജയന്തി ദിനത്തില് അന്നദാനം നടത്തിയാല് അന്നപൂര്ണ ദേവി പ്രസാദിക്കുന്നു. ഈ ദിവസം ചുവപ്പ്, മഞ്ഞ, വെള്ള നിറങ്ങളിലുള്ള വസ്ത്രങ്ങള് ധരിക്കുന്നത് ശുഭകരമാണ്. രാവിലെയും വൈകുന്നേരവും മാത്രം അന്നപൂര്ണ ദേവിയെ ആരാധിക്കുക.
ഇവ ചെയ്യരുത്
ജ്യോതിഷപ്രകാരം അന്നപൂര്ണ ജയന്തി ദിനത്തില് നിങ്ങളുടെ വീടിന്റെ അടുക്കള വൃത്തിഹീനമാക്കരുത്. ഈ ദിവസം ഉപ്പുവെള്ളം കഴിക്കുന്നതും മോശമായി കണക്കാക്കപ്പെടുന്നു. ജ്യോതിഷ പ്രകാരം, അന്നപൂര്ണ ജയന്തി ദിനത്തില് അടുക്കളയില് മാംസം പോലുള്ള തമസ്സ് ഭക്ഷണങ്ങള് പാകം ചെയ്യരുത്. ഈ ദിവസം വീട്ടില് ഉള്ളി, വെളുത്തുള്ളി എന്നിവ ഭക്ഷണത്തില് ഉപയോഗിക്കരുത്. ഇങ്ങനെ ചെയ്താല് അന്നപൂര്ണ ദേവി കോപിക്കുന്നു. ഈ ദിവസം അബദ്ധത്തില് പോലും ഭക്ഷണം പാഴാക്കി കളയരുത്.
അടുക്കള വൃത്തികേടാക്കരുത്
അന്നപൂര്ണ ജയന്തി ദിനത്തില് നിങ്ങളുടെ വീടിന്റെ അടുക്കള ഒട്ടും വൃത്തികേടാക്കി വയ്ക്കരുത്. ഈ ദിവസം, അതിരാവിലെ കുളികഴിഞ്ഞ് അടുക്കള നന്നായി വൃത്തിയാക്കുക. അന്നപൂര്ണ ദേവിയെ ആരാധിച്ചതിന് ശേഷം മാത്രമേ അടുക്കളയില് ഭക്ഷണം പാകം ചെയ്യാന് തുടങ്ങാന് പാടുള്ളൂ.
അന്നദാനം
അന്നപൂര്ണ ജയന്തി ദിനത്തില് വീട്ടില് വരുന്ന ആരെയും അപമാനിച്ചയക്കരുത്. ഈ ദിവസം നിങ്ങളുടെ വീട്ടില് വരുന്നവര്ക്ക് ഭക്ഷണം നല്കിയശേഷം മാത്രമേ മടക്കി അയക്കാന് പാടുള്ളൂ.
ഉപ്പ് നല്കരുത്
ഈ ദിവസം അബദ്ധവശാല് പോലും ഉപ്പ് ദാനം ചെയ്യരുത് എന്നാണ് വിശ്വാസം. ഈ ദിവസം ഭക്ഷണം മാത്രം ദാനം ചെയ്യണം. അന്നപൂര്ണ ജയന്തി ദിവസത്തിലെ ദാനം വളരെ ശുഭകരമായി കണക്കാക്കപ്പെടുന്നു. ഈ ദിവസം ആരില് നിന്നും ഉപ്പ് വാങ്ങരുത് എന്നും പറയപ്പെടുന്നു.
Continue with Google