കൃഷ്ണമണി നശിപ്പിച്ചു ഈ ബാക്ടീരിയ;കാരണം ലെന്‍സ്‌

സംഭവിച്ചത് ഇങ്ങനെ

നോര്‍ത്ത് കരോലീനയിലാണ് സംഭവം. കോണ്‍ടാക്റ്റ് ലെന്‍സ് വെച്ച് സ്ഥിരമായി ഉറങ്ങിയ യുവതിക്കാണ് ഇത്തരത്തില്‍ ഒരു ദാരുണാവസ്ഥ സംഭവിച്ചത്. സ്ഥിരമായി ഇത്തരത്തില്‍ ഉറങ്ങിയ യുവതിയുടെ കാഴ്ച ശക്തി പൂര്‍ണമായും നശിച്ച് കൊണ്ടിരിക്കുന്ന അവസ്ഥയാണ് ഇന്നുള്ളത്. ഡോക്ടര്‍ തന്നെയാണ് ഇതിന്റെ ചിത്രം ലോകത്തോട് പങ്കു വെച്ചത്.

ബാക്ടീരിയ ആക്രമണം

സ്ഥിരമായി കോണ്‍ടാക്റ്റ് ലെന്‍സ് വെച്ച് കിടന്നുറങ്ങിയ യുവതിയുടെ കണ്ണ് ബാക്ടീരിയ കാര്‍ന്നു തിന്നുന്ന ചിത്രവുമായാണ് ഡോക്ടര്‍ രംഗത്തെത്തിയത്. സ്യൂഡോമോണ എന്ന ബാക്ടീരിയയാണ് ഇവരുടെ കണ്ണ് കാര്‍ന്ന് തിന്നത്. പല മാധ്യമങ്ങളിളും സോഷ്യല്‍ മീഡിയയിലും വന്‍തോതില്‍ പ്രചരിച്ചു കൊണ്ടിരിക്കുന്ന ഒരു വാര്‍ത്തയാണ് ഇന്ന് ഇത്.

ആദ്യത്തെ ലക്ഷണം

തന്റെ കൃഷ്ണമണിക്കും കാഴ്ചക്കും തകരാറുണ്ടെന്ന് ഇവര്‍ മനസ്സിലാക്കിയത് വളരെ വൈകിയാണ്. ആദ്യ ലക്ഷണം എന്ന് പറയുന്നത് കൃഷ്ണമണിയില്‍ വെള്ളപ്പാടയായിരുന്നു കണ്ടിരുന്നത്. തുടര്‍ന്ന് കണ്ണിന്റെ മറ്റ് ഭാഗങ്ങളിലേക്കും ഇത് വ്യാപിക്കുകയായിരുന്നു. കൃഷ്ണമണിയെ ബാക്ടീരിയ ബാധിച്ചതോടെ ഇവരുടെ കാഴ്ച ശക്തി പൂര്‍ണമായും നഷ്ടപ്പെട്ടിരിക്കുകയാണ്.

അതികഠിനമായ വേദന

അതികഠിനമായ വേദനയുമായി ഓരോ ദിവസവും തള്ളിനീക്കുകയാണ് ഇവര്‍. മാത്രമല്ല വേദന ഒഴിവാക്കാനുള്ള മരുന്നുകള്‍ മാത്രമാണ് ഇപ്പോള്‍ ഇവര്‍ക്ക് ആകെയുള്ള ആശ്രയം. പക്ഷേ ഇത് പൂര്‍ണമായും മാറിയാലും കാഴ്ചശക്തി തിരിച്ച് കിട്ടുമോ എന്ന സംശയത്തിലാണ് ഇവര്‍. അതുകൊണ്ട് തന്നെ ഇത്തരം കാര്യങ്ങള്‍ വളരെയധികം ശ്രദ്ധിച്ച് മാത്രമേ ഇനിയെങ്കിലും കൈകാര്യം ചെയ്യാന്‍ പാടുകയുള്ളൂ.

എത്ര സോഫ്റ്റ് ആണെങ്കിലും

എത്ര സോഫ്റ്റ് ആയ കോണ്‍ടാക്റ്റ് ലെന്‍സ് ആണെങ്കില്‍ പോലും ഒരിക്കലും ഉറങ്ങുന്ന സമയത്ത് ഇത് കണ്ണില്‍ ഉപയോഗിക്കരുത്. അത് എത്രയൊക്കെ സോഫ്റ്റ് ആണെങ്കിലും വളരെയധികം ശ്രദ്ധിച്ച് വേണം ഉപയോഗിക്കുന്നതിന്. ഇത്തരം അവസ്ഥകളില്‍ വളരെയധികം ശ്രദ്ധയോടെ മാത്രമേ നാം ഓരോ കാര്യങ്ങളും ചെയ്യാന്‍ പാടുകയുള്ളൂ.

ഇവരെക്കുറിച്ച് വെളിപ്പെടുത്തിയിട്ടില്ല

ഇവരെക്കുറിച്ച് ഒരു കാര്യവും വെളിപ്പെടുത്തിയിട്ടില്ല എന്നതാണ് സത്യം. ചെറിയ രീതിയിലുള്ള അള്‍സര്‍ ആയിരുന്നു കണ്ടെത്തിയത്. എന്നാല്‍ പിന്നീട് നടന്ന വിശദമായ പരിശോധനയിലാണ് ഇവരുടെ കാഴ്ച ശക്തിയെപ്പോലും ബാധിക്കുന്ന തരത്തിലേക്ക് കാര്യങ്ങള്‍ എത്തിയെന്ന് ഡോക്ടര്‍ക്ക് മനസ്സിലായത്.