ഡ്രാഗണായി രൂപം മാറിയ ട്രാന്‍സ്‌ജെന്‍ഡര്‍, വീഡിയോ

ടെക്‌സസ് സ്വദേശി

ടെക്‌സസ് സ്വദേശിയാണ് ഇവര്‍. ഇവരെ കാണുന്നവര്‍ രണ്ടാമതൊന്ന് കൂടി നോക്കും എന്നത് ഉറപ്പാണ്. ഡ്രാഗണെ പോലെയാണ് ഇവരുടെ രൂപം ഇന്ന്. അതിന് വേണ്ടി മുപ്പത്തിയൊമ്പത് ലക്ഷം രൂപയാണ് ഇവര്‍ ചിലവഴിച്ചത്.

ചെയ്തകാര്യങ്ങള്‍

അതിനായി ഇവര്‍ചെയ്ത കാര്യങ്ങള്‍ അറിഞ്ഞാല്‍ ആരും ഒന്ന് അമ്പരക്കും. കാരണം അത്രയധികം ഭയാനകമാണ് ഇവരുടെ മുഖം. അതിനായി നാക്ക് രണ്ടായി വിഭജിച്ചു, മൂക്ക് പ്ലാസ്റ്റിക് സര്‍ജറിയിലൂടെ പതിപ്പിച്ചു, നെറ്റിയില്‍ മുഴകള്‍ ക്രിത്രിമമായി ഉണ്ടാക്കിയെടുത്തു, പല്ലുകള്‍ രാകി മുറിച്ച് പല രൂപത്തില്‍ ആക്കി മാത്രമല്ല ചെവികള്‍ മുറിക്കുകയും ചെയ്തു.

ആഗ്രഹത്തിനു പിന്നില്‍

എന്നാല്‍ ഇത്തരമൊരു രൂപമാറ്റത്തിന് ഇവരെ പ്രേരിപ്പിച്ചത് എന്താണെന്ന് കേട്ടാല്‍ അത് നിങ്ങളെ അത്ഭുതപ്പെടുത്തും. മനുഷ്യനായി മരിക്കാന്‍ താല്‍പ്പര്യമില്ലാത്തതാണ് ഇത്തരമൊരു രൂപമാറ്റത്തിന് പിന്നില്‍ എന്നാണ് ഇവര്‍ പറയുന്നത്.

ജനിക്കുമ്പോള്‍ ആണ്‍കുട്ടി

റിച്ചാര്‍ഡ് ഹെര്‍ണാണ്ടസ് എന്നായിരുന്നു ഇവരുടെ പേര്. ഇവര്‍ ജനിക്കുമ്പോള്‍ ആണ്‍കുട്ടിയായാണ് ജനിച്ചത്. എന്നാല്‍ ജീവിതത്തില്‍ സംഭവിച്ച താളപ്പിഴകള്‍ കാരണം ഇയാള്‍ക്ക് പിന്നീട് എയ്ഡ്‌സ് രോഗം ബാധിച്ചു. പിന്നീടാണ് ഇയാള്‍ ട്രാന്‍സ്‌ജെന്‍ഡറാകാനും ഡ്രാഗണ്‍ രൂപത്തിലേക്ക് മാറുന്നതിനും തീരുമാനിച്ചത്.

ജീവിതത്തിലെ മാറ്റം

എന്നാല്‍ ഈ ജീവിതത്തില്‍ താന്‍ ഏറെ സന്തോഷവതിയാണ് എന്നതാണ് ഇവര്‍ പറയുന്നത്. മാത്രമല്ല ഇനിയൊരു ജന്മമുണ്ടെങ്കില്‍ തനിക്ക് വിഷപാമ്പായി ജനിക്കണം എന്നാണ് അവര്‍ പറയുന്നത്.

തനിക്ക് രണ്ട് അമ്മമാര്‍

ജീവിതത്തില്‍ തനിക്ക് രണ്ട് അമ്മമാരാണ് ഉള്ളതെന്നാണ് ഇവര്‍ പറയുന്നത്. ഒന്ന് തന്നെ പ്രസവിച്ച അമ്മയും മറ്റൊന്ന് വിഷപാമ്പുകളും ആണെന്നാണ് പറയുന്നത്. പിന്നീടാണ് ഇവര്‍ ട്രാന്‍സ്‌ജെന്‍ഡറായി രൂപം മാറാന്‍ തീരുമാനിക്കുന്നതും.

കുട്ടികള്‍ക്കിഷ്ടം

പലരേയും ഭയപ്പെടുത്തുന്ന രൂപമാണെങ്കില്‍ പോലും പലപ്പോഴും കുട്ടികള്‍ വരെ തന്നോടൊപ്പം നിന്ന് സെല്‍ഫിയെടുക്കാന്‍ വരെ ആവശ്യപ്പെടുമെന്നും ഇവര്‍ പറയുന്നു. മാത്രമല്ല പല വിധത്തിലാണ് തനിക്ക് ഫാന്‍സ് ഉള്ളതെന്നും ഇവര്‍ പറയുന്നു.

ഇനിയും പൂര്‍ത്തിയായില്ല

എന്നാല്‍ തന്റെ രൂപമാറ്റം ഇനിയും പൂര്‍ത്തിയായില്ലെന്നാണ് ഇവര്‍ പറയുന്നത്. താന്‍ ആഗ്രഹിക്കുന്നതു പോലെ ഡ്രാഗണ്‍ ലുക്കിലെത്താനുള്ള ശ്രമങ്ങള്‍ ഇപ്പോഴും തുടര്‍ന്ന് കൊണ്ടിരിക്കുകയാണ് ഇവര്‍.

ഇനിയും പണം ചിലവാക്കാന്‍

അതിന് വേണ്ടി എത്ര പണം ചിലവാക്കാനും തനിക്ക് മടിയില്ലെന്നാണ് ഇവര്‍ പറയുന്നത്. മാത്രമല്ല ഇപ്പോള്‍ ചിലവഴിച്ച 39 ലക്ഷം രൂപകൂടാതെ ഇനിയും 26 ലക്ഷം കൂടെ ഇത്തരമൊരു രൂപമാറ്റം നടത്തുന്നതിനായി വേണ്ടി വരും എന്നാണ് ഇവര്‍ പറയുന്നത്.

എയ്ഡ്‌സ് ബോധവല്‍ക്കരണം

എയ്ഡ്‌സ് ബോധവല്‍ക്കരണത്തിനു വേണ്ടിയുള്ള ക്ലാസ്സ് എടുക്കുന്നതിനും മറ്റും സജീവമായി പോവുന്ന വ്യക്തിയാണ് ഇവര്‍. കണ്ണിലെ വെളുത്ത ഭാഗം വരെ പച്ച നിറത്താലാക്കി അത്രയധികം റിസ്‌കെടുത്താണ് ഡ്രാഗണ്‍ ലേഡി ഇന്ന് ജീവിക്കുന്നത്.