വേദനയുമായെത്തിയ ആളുടെ ചെവിയില്‍ 26 പാറ്റകള്‍

ചെവി വേദനയുമായി എത്തിയ ആളെ പരിശോധിച്ച ഡോക്ടര്‍മാര്‍ കാരണം കണ്ട് ഞെട്ടി.

Pulse

lekhaka-Lekshmi S

By Lekshmi S

Published: Friday, April 20, 2018, 16:42 [IST]

ചെവി വേദനയുമായി എത്തിയ ആളെ പരിശോധിച്ച ഡോക്ടര്‍മാര്‍ കാരണം കണ്ട് ഞെട്ടി, പാറ്റ! ചെവിക്കകത്ത് കയറിക്കൂടിയ പാറ്റ അതിനകത്തുവച്ച് 25 കുഞ്ഞുങ്ങള്‍ക്ക് ജന്മം നല്‍കുകയും ചെയ്തു. ചൈനയിലെ ഗൗങ്‌ഡോംഗ് പ്രവിശ്യയില്‍ ഡോങ്ഗാവന്‍ നഗരത്തിലാണ് സംഭവം.

പത്തൊമ്പതുകാരനായ ലീ രാത്രി ചെവി വേദനയും ചൊറിച്ചിലും സഹിക്കവയ്യാതെ ആശുപത്രിയില്‍ എത്തുകയായിരുന്നെന്ന് പീപ്പിള്‍സ് ഡെയ്‌ലി ഓണ്‍ലൈനും TVS-ഉം റിപ്പോര്‍ട്ട് ചെയ്തു. പരിശോധനയില്‍ ഇയാളുടെ ചെവിയില്‍ പ്രാണിയുടെ സാന്നിധ്യം ഡോക്ടര്‍മാര്‍ കണ്ടെത്തി. 0.3 ഇഞ്ച് നീളമുള്ള പ്രാണിയെ പുറത്തെടുത്തു. അപ്പോഴാണ് പാറ്റകളുടെ ഒരുപട തന്നെ ചെവിക്കകത്തുണ്ടെന്ന് മനസ്സിലാകുന്നത്. ആഴ്ചകള്‍ക്ക് മുമ്പ് തന്നെ ലീയുടെ ചെവിയില്‍ പാറ്റ മുട്ടയിട്ടിരിക്കാമെന്ന് ഡോക്ടര്‍മാര്‍ പറയുന്നു.

ഒരു പാറ്റയ്ക്ക് ഒരുതവണ 40 മുട്ടകള്‍ വരെയിടാന്‍ കഴിയും. ആശുപത്രിയിലെത്താന്‍ വൈകിയിരുന്നെങ്കില്‍ ലീയുടെ ചെവിയുടെ കാര്യത്തില്‍ ഒരു തീരുമാനമായേനെയെന്ന് ഡോക്ടര്‍മാര്‍ പറഞ്ഞതായാണ് വിവരം.