മുഖത്തെ മറുകൊരിക്കലും നിസ്സാരമാക്കരുത്, അനുഭവം ഇത്

ശക്തമായ വേദന

ചൈനയിലാണ് സിയ യാന്‍ ജനിച്ചത്. ജനിച്ചപ്പോള്‍ തന്നെ മറുകും അവള്‍ക്കുണ്ടായിരുന്നു. എന്നാല്‍ മറുക് വലുതായതോടെ അതില്‍ വേദന തുടങ്ങി. ഇതിനെത്തുടര്‍ന്നാണ് ഡോക്ടറെ കാണുന്നതിനായി അവള്‍ തയ്യാറായത്. പരിശോധനക്ക് ശേഷമാണ് അഞ്ച് ലക്ഷത്തില്‍ ഒരാള്‍ക്ക് വരുന്ന അപൂര്‍വ്വ രോഗമായ ക്യാന്‍സറായ കോണ്‍ജിനീറ്റല്‍ മെലാനോസൈറ്റിക് നീവസ് ആണ് എന്ന് അവള്‍ തിരിച്ചറിഞ്ഞത്.

ഡോക്ടറുടെ തീരുമാനം

മറുകിലെ കോശങ്ങളില്‍ ക്യാന്‍സര്‍ കോശങ്ങള്‍ കൂടി തട്ടകമുറപ്പിക്കാന്‍ തുടങ്ങിയിരുന്നു. ഇതിന്റെ ഫലമായാണ് ഡോക്ടര്‍ അപൂര്‍വ്വമായ ആ ചികിത്സ ആരംഭിച്ചത്. ഇ്ത്തരക്കാരില്‍ ക്യാന്‍സര്‍ ബാധിക്കാനുള്ള സാധ്യത വളരെ കൂടുതലാണ്.

മുഖം വികസിപ്പിച്ച്

ഈ രോഗത്തിന് പരിഹാരമായി മുഖത്ത് പുതിയ കോശങ്ങള്‍ വളരുന്നതിനു വേണ്ടി ബലൂണ്‍ ചികിത്സ ആരംഭിച്ചു. ഇതിനായി നാലു ബലൂണുകളാണ് ഇംപ്ലാന്റ് ചെയ്തിരിക്കുന്നത്. മാത്രമല്ല ഇത് മുഖത്തെ കോശങ്ങള്‍ വളര്‍ത്തുകയും അതിനു ശേഷം ആ മറുക് നീക്കം ചെയ്യുകയും ചെയ്യാം എന്നാണ് ഡോക്ടര്‍മാര്‍ പറയുന്നത്.

ദിവസം മുഴുവന്‍ വികസിച്ച് കൊണ്ടിരിക്കുന്നത്

ഈ ബലൂണുകള്‍ ദിവസവും വികസിച്ച് കൊണ്ടിരിക്കുന്നവയാണ്. ഒരു സമയമെത്തുമ്പോള്‍ ഈ ബലൂണെല്ലാം നീക്കം ചെയ്ത് മുഖത്തെ മറുകും നീക്കം ചെയ്യാന്‍ കഴിയുന്നു. മാത്രമല്ല മറുക് നീക്കം ചെയ്യുമ്പോള്‍ ഇപ്പോള്‍ വളര്‍ത്തെയെടുക്കുന്ന കോശങ്ങള്‍ അവിടെ വെച്ച് പിടിപ്പിക്കാം.

സാധാരണ ജീവിതം

സാധാരണ ജീവിതം നയിക്കാനും സമൂഹത്തില്‍ ഇറങ്ങി നടക്കാനും വളരെയധികം ആഗ്രഹം പ്രകടിപ്പിക്കുന്ന ഒരാളാണ് സിയ. എന്നാല്‍ മറ്റുള്ളവരുടെ പരിഹാസം ചെറുപ്പം മുതല്‍ കേട്ട് വളര്‍ന്ന് കൊണ്ടിരിക്കുന്ന വ്യക്തിയാണ് സിയ.

പുറത്ത് പോവുമ്പോള്‍

എന്നാല്‍ പുറത്ത് പോവുമ്പോള്‍ ആളുകളുടെ പരിഹാസവും മറ്റും പല തവണ ഏല്‍ക്കേണ്ടതായി വന്നിട്ടുണ്ടെന്ന് സിയ തന്നെ പറയുന്നു. എന്നാല്‍ അതിന് ശേഷം മുഖം മുഴുവന്‍ മറക്കുന്ന രീതിയിലുള്ള വസ്ത്രം ധരിച്ചാണ് സിയ പുറത്തിറങ്ങാറുള്ളത്.

വീട്ടുകാരുടെ പിന്തുണ

നാട്ടുകാരുടേയും മറ്റുള്ളവരുടേയും പരിഹാസം പലപ്പോഴും അവളെ തളര്‍ത്തിയെങ്കിലും വീട്ടുകാരുടെ പിന്തുണയാണ് അവളെ ജീവിക്കാന്‍ പ്രേരിപ്പിക്കുന്നത്. മാത്രമല്ല പുതിയ ഒരു മുഖത്തിനായി ഇനി അല്‍പ മാസം കൂടി കാത്തിരുന്നാല്‍ മതിയെന്ന സന്തോഷത്തിലാണ് സിയ.