സൂക്ഷിക്കുക, മനുഷ്യരിലുണ്ട് ചില രക്തദാഹികള്‍

സ്വന്തം ശരീരത്തിലെ രക്തം

ഒരു പ്രത്യേക തരം മാനസികാവസ്ഥയാണ് ഇതിന് കാരണം. ഇതിന്റെ ആദ്യഘട്ടത്തില്‍ സ്വന്തം ശരീരത്തില്‍ തന്നെ മുറിവുണ്ടാക്കി രക്തം കുടിയ്ക്കുകയാണ് ചെയ്യുന്നത്. ഇതിനെ ഓട്ടോവാമ്പയറിസം എന്നാണ് പറയുന്നത്.

രണ്ടാംഘട്ടം

എന്നാല്‍ ഇതില്‍ നിന്നും സംതൃപ്തി ലഭിക്കാതെ വരുമ്പോഴാണ് മറ്റുള്ള ജീവികളില്‍ നിന്നും രക്തം കുടിയ്ക്കാന്‍ ഇവര്‍ നിര്‍ബന്ധിതരാകുന്നത്. സൂഫാഗിയ എന്നാണ് ഈ അവസ്ഥയുടെ പേര്.

മൂന്നാം ഘട്ടം ഏറ്റവും അപകടം

ഏറ്റവും അപകടകരമായ ഘട്ടമാണ് ഇതിന്റെ മൂന്നാംഘട്ടം. രക്തത്തിന്റെ കൊതിയടങ്ങാതെ ബ്ലഡ്ബാങ്കുകളില്‍ നിന്നും രക്തം മോഷ്ടിയ്ക്കുന്നവരും കുറവല്ല. മാത്രമല്ല രക്തത്തിനായി കൊലപാതകങ്ങള്‍ വരെ നടത്തുന്നു.

ശാരീരികാവശതകള്‍

പലപ്പോഴും വാമ്പയറുകളേയും രക്തദാഹികളായ ഡ്രാക്കുള പോലെയുള്ള കഥാപാത്രങ്ങളേയും അനുകരിയ്ക്കുകയല്ല ഇവര്‍ ചെയ്യുന്നത്. രക്തം കിട്ടാതാകുമ്പോഴുള്ള ശാരീരികാവശതകളെ ഇല്ലാതാക്കാന്‍ വേണ്ടിയാണ് ഇത്തരം കൃത്യങ്ങളിലേര്‍പ്പെടുന്നതെന്നാണ് മാനസികരോഗ വിദഗ്ധന്‍മാരുടെ നിഗമനം.

രക്തത്തിന്റെ അളവ് വര്‍ദ്ധിക്കുമ്പോള്‍

കൈ മുറിഞ്ഞാല്‍ നമ്മളെല്ലാവരും വിരലെടുത്ത് വായില്‍ വെയ്ക്കാറുണ്ട്. എന്നാല്‍ രക്തം അളവില്‍ കൂടുതല്‍ അകത്ത് ചെന്നാല്‍ അത് ഇത്തരത്തിലുള്ള മാനസിക പ്രശ്‌നങ്ങള്‍ക്ക് കാരണമാകും.

എച്ച് ഐ വി, ക്ഷയം

ഇത്തരത്തില്‍ രക്തദാഹികളായവര്‍ക്ക് കൂട്ടുപിടിയ്ക്കുന്ന രോഗങ്ങളാണ് എച്ച് ഐ വിയും ക്ഷയം പോലുള്ള അവസ്ഥകള്‍. മാത്രമല്ല മാനസികാരോഗ്യം നശിക്കുമെന്നതും സത്യമാണ്.

പോര്‍ഫിറിയ എന്ന അവസ്ഥ

രക്തത്തിലെ ഹിമോഗ്ലോബിനെ കുറയ്ക്കുന്ന അവസ്ഥയാണ് ഇത്. ഇവരുടെ മൂത്രത്തിന് രക്ത നിറമാണ് ഉണ്ടാവുക. മാത്രമല്ല സൂര്യപ്രകാശമേറ്റാല്‍ ഇവരുടെ തൊലി വിളറിവെളുക്കുകയും ചെയ്യുന്നു. അതോടൊപ്പം മേല്‍ച്ചുണ്ടിലെ തൊലി കട്ടികൂടുന്നതിനാല്‍ കോമ്പല്ലുകള്‍ പുറത്തേക്ക് ഉന്തി നില്‍ക്കുന്നു. ഇതോടെ ഇവരേയും രക്തദാഹികളായി ചിത്രീകരിക്കപ്പെടുന്നു.