കേരളത്തിലൊരു പരിസ്ഥിത സൗഹൃദ വിവാഹം

ഗൊ ഗ്രീന്‍ വിവാഹം

സര്‍ക്കാരിന്റെ ഗൊ ഗ്രീന്‍ പദ്ധതിയ്ക്ക് പിന്തുണ പ്രകടിപ്പിച്ചു കൊണ്ട് സ്വന്തം വിവാഹം പ്രകൃതി സൗഹൃദമാക്കാന്‍ തീരുമാനിക്കുകയായിരുന്നു ഇവരുവരും. എറണാകുളത്തുകാരായ ഈ വധൂവരന്‍മാരുടെ പ്രകൃതി സൗഹൃദ വിവാഹം സംസ്ഥാനത്തെ ലക്ഷകണക്കിന് ആളുകള്‍ക്ക് പ്രചോദനം നല്‍കുന്നതായിരുന്നു.

അലങ്കാരം

വിവാഹത്തെ സംബന്ധിക്കുന്ന എല്ലാ കാര്യങ്ങളും പ്രകൃതിക്ക് ഇണങ്ങുന്ന തരത്തിലായിരിക്കണം എന്ന് പിങ്കുവിനും മെല്‍വിനും നിര്‍ബന്ധം ഉണ്ടായിരുന്നു. വധൂവരന്‍മാര്‍ പരസ്പരം അണിയിച്ച ഹാരങ്ങള്‍ തൊട്ട് സ്റ്റേജിന്റെ അലങ്കാരം വരെ എല്ലാം മലിനീകരണം ഉണ്ടാക്കാത്ത വസ്തുക്കള്‍ കൊണ്ടുള്ളതായിരുന്നു.

കാര്‍ബണ്‍ പുറന്തള്ളല്‍

പാഴ്‌ചെലവ് ഒഴിവാക്കുന്നതിന് പുറമെ ഉയര്‍ന്ന കാര്‍ബണ്‍ പുറന്തള്ളല്‍ കുറയ്ക്കുക എന്ന ലക്ഷ്യം കൂടി പ്രകൃതിസൗഹൃദ വിവാഹം ആസൂത്രണം ചെയ്തതിന്റെ പിന്നില്‍ ഉണ്ടായിരുന്നു എന്ന് മെല്‍ വിന്‍ പറഞ്ഞു. പരിസ്ഥിതി മലിനീകരണം ഉണ്ടാക്കുന്ന സംസ്ഥാനത്തെ ആഢംബര വിവാഹ രീതികളില്‍ മാറ്റം വരുത്തുക എന്ന ലക്ഷ്യവും ഇരുവരുടെയും ഈ സമീപനത്തിന് പിന്നില്‍ ഉണ്ട്.

കുടുംബാംഗങ്ങളുടെ പിന്തുണ

ഈ ലക്ഷ്യം നേടാന്‍ മെല്‍വിന് പിങ്കു എല്ലാ പിന്തുണയും ലഭിച്ചു. കൂടാതെ ഇരുവരുടെയും കുടുംബാംഗങ്ങളും സന്തോഷത്തോടെയാണ് ഈ തീരുമാനം ഏറ്റെടുത്തത്. ഇപ്പോള്‍ മെല്‍വിന്റെയും പിങ്കുവിന്റെയും വിവാഹത്തിന് ലോകത്തെല്ലായിടത്തു നിന്നും അനുമോദനം ലഭിച്ചു കൊണ്ടിരിക്കുകയാണ്.

കേരള സര്‍ക്കാരിന്റെ ഗൊ ഗ്രീന്‍ പദ്ധതി

ജീവിക്കാന്‍ മനോഹരമായ പ്രകൃതി സൗഹൃദ അന്തരീക്ഷം സൃഷ്ടിക്കുക എന്ന ലക്ഷ്യത്തോടെ ജൂണ്‍ 6 നാണ് സര്‍ക്കാര്‍ ഗൊ ഗ്രീന്‍ പദ്ധതി തുടങ്ങിയത്. പ്രകൃതി സൗഹൃദ മാര്‍ഗങ്ങള്‍ പിന്തുടരുന്നതിന് പ്രാധാന്യം നല്‍കുന്നതിനായി സര്‍ക്കാര്‍ വിവിധ നടപടികള്‍ സ്വീകരിക്കുന്നുണ്ട്.

ഗൊഗ്രീന്‍ പദ്ധതി

ഗൊഗ്രീന്‍ പദ്ധതി നടപ്പിലാക്കുന്നതിന്റെ ഭാഗമായി വിവാഹം പോലുള്ള ചടങ്ങുകളുടെ ഭാഗമായി ജീര്‍ണ്ണിക്കാത്ത വസ്തുക്കള്‍, ഡിസ്‌പോസിബിള്‍ ഗ്ലാസ്സ്, തെര്‍മോകോള്‍ അലങ്കാരങ്ങള്‍ എന്നിവ ഉപയോഗിക്കുന്നത് പരമാവധി കുറയ്ക്കണം എന്നാണ് ഇവരുടെ നിര്‍ദ്ദേശം . സര്‍ക്കാരും നിര്‍ദ്ദേശം ശരി വയ്ക്കുന്നുണ്ട്.

പ്രകൃതി സൗഹൃദ പാരിതോഷികം

നഗരത്തിലെ ഗൊ ഗ്രീന്‍ പദ്ധതി പിന്തുടരുന്നതിനായി പ്രകൃതി സൗഹൃദ വിവാഹം തിരഞ്ഞെടുത്ത വധൂവരന്‍മാരെ അനുമോദിക്കുന്നതിനായി എറണാകുളം ജില്ല ഭരണകൂടം ഇവര്‍ക്ക് ഗ്രീന്‍ മാര്യേജ് സര്‍ട്ടിഫിക്കിറ്റ് ലഭ്യമാക്കുമെന്ന് പറഞ്ഞു.

പ്രചോദനം

മെല്‍വിന്റെയും പിങ്കുവിന്റെയും ഈ നീക്കം രാജ്യത്തെ ലക്ഷകണക്കിനാളുകള്‍ക്ക് പ്രചോദനം നല്‍കുമെന്ന കാര്യം ഉറപ്പാണ്.