ബോസിന്റെ ഓമനയാകാം

Insync

oi-Saritha

By Veena

Published: Saturday, April 21, 2012, 15:53 [IST]

കരിയര്‍ വളര്‍ത്തണമെന്ന ആഗ്രഹം ആര്‍ക്കുമുണ്ടാകും. ഇക്കാര്യത്തില്‍ ഒരേ സമയം സഹായിക്കാനും ഉപദ്രവിക്കാനും കഴിയുന്ന ആളാണ് ബോസ്. ഒരുപക്ഷേ പഠിച്ചുണ്ടാക്കിയ ഡിഗ്രികളേക്കാള്‍ ബോസിനായിരിക്കും ഇക്കാര്യത്തില് കൂടുതല്‍ സഹായിക്കാന്‍ കഴിയുക. അതുകൊണ്ടുതന്നെ ബോസിന്റെ ഇഷ്ടം പിടിച്ചെടുക്കുകയും പ്രധാനമാണ്.

പുതിയ ഐഡിയകളും പദ്ധതികളും ബോസുമായി ചര്‍ച്ച ചെയ്യുക. പുതിയ ഐഡിയകള്‍ എല്ലാവരും ഇഷ്ടപ്പെടുന്ന ഒരു കാര്യം കൂടിയാണ്.

ജോലി നല്ലതു പോലെ ചെയ്യുന്നത് ബോസിന്റെ മനസ് പിടിച്ചടക്കാന്‍ പ്രധാനം. ചെയ്യുന്ന ജോലി നൂറു ശതമാനം ആത്മാര്‍ത്ഥതയോടെ ചെയ്യാന്‍ ശ്രമിക്കുക. കഠിനാധ്വാനം ചെയ്യുക. ബോസ് ആഗ്രഹിക്കുന്നതും ഇതു തന്നെയായിരിക്കും.

പുതിയ ഐഡിയകള്‍ ബോസുമായി ചര്‍ച്ച ചെയ്യാതെ പ്രാവര്‍ത്തികമാക്കാന്‍ ശ്രമിക്കരുത്. ഇത് മേലുദ്യോഗസ്ഥന്റെ ഇഷ്ടക്കേടിനു കാരണമായെന്നു വരും. ആദ്യം ബോസുമായി ചര്‍ച്ച ചെയ്ത ശേഷം സമ്മതത്തോടെ മാത്രം പുതിയ കാര്യങ്ങള്‍ പ്രാവര്‍ത്തികമാക്കുക.

സത്യസന്ധത ബോസിന്റെയും കണ്ണുതുറപ്പിക്കുന്ന ഒന്നാണ്. സത്യമായി കാര്യങ്ങള്‍ ചെയ്യുകയും പറയുകയും ചെയ്യുക. മറിച്ചൊരു അനുഭവം ജീവിതകാലം മുഴുവന്‍ ഒരു ജോലിക്കാരനെ പറ്റി തെറ്റായ ധാരണയുണ്ടാക്കാന്‍ ഇട വരുത്തും. സത്യസന്ധമായ ഒരാളാണെന്നു ബോസിന് ബോധ്യം വന്നാല്‍ ആ പരിഗണന ലഭിക്കുകയും ചെയ്യും.

അടുത്ത പേജില്‍