Click it and Unblock the Notifications
Just In
-
-
-
-
Don't Miss
-
ഒന്നിലധികം ക്രെഡിറ്റ് കാർഡുകൾ ഉണ്ടോ? എങ്കിൽ ഇക്കാര്യങ്ങൾ നിർബന്ധമായും ശ്രദ്ധിക്കണം, ഇല്ലെങ്കിൽ... -
'ആ തീരുമാനം മാറ്റിയത് ആടുജീവിതം; വര്ഷങ്ങള്ക്ക് ശേഷത്തില് ഒരു മോഹന്ലാല് റഫറന്സുണ്ട്' -
എല്ലാവർക്കും 'പഞ്ചിനെ' മതി, ടാറ്റയുടെ കുഞ്ഞൻ പ്രിയപ്പെട്ടവനാകുന്നതിൻ്റെ കാരണം എന്ത് -
കേരളാ കമ്പനിയിൽ ഓഹരി വിഹിതം ഉയർത്തി പൊറിഞ്ചു വെളിയത്ത്, കുതിപ്പിന് സാധ്യത, നിങ്ങളുടെ കയ്യിലുണ്ടോ..? -
IPL 2024: മുംബൈക്ക് പുതിയ തലവേദന, ഹാര്ദിക്കിനെതിരേ ബുംറ! ഒപ്പം നബിയും; പ്രശ്നം രൂക്ഷം -
കേറി വാടാ മക്കളെ! എത്തി സാംസങ് ഗാലക്സി F15 5G പുതിയ വേരിയന്റ് -
ബാംഗ്ലൂരിലെ ഐടി ടെക്ക് പാർക്കുകൾ! പോകാന് പറ്റില്ലെങ്കിലും അറിഞ്ഞിരിക്കാം
Shukra Gochar 2022 : ശുക്രന്‍ തുലാം രാശിയില്‍; 12 രാശിക്കും ഗുണദോഷഫലങ്ങള്‍
ജ്യോതിഷ പ്രകാരം ഗ്രഹങ്ങളുടെ രാശിചക്രത്തിലെ മാറ്റം വളരെ പ്രധാനപ്പെട്ടൊരു ഒരു സംഭവമായി കണക്കാക്കപ്പെടുന്നു. സംക്രമണ സമയത്ത് എല്ലാ മനുഷ്യരിലും ഇത് സ്വാധീനം ചെലുത്തുന്നു. ഗ്രഹസംക്രമണം ഒരു വ്യക്തിയുടെ ജീവിതവും ഭാവിയുമായി നേരിട്ട് ബന്ധപ്പെട്ടിരിക്കുന്നു. ജ്യോതിഷ പ്രകാരം, ഓരോ രാശിയും ഒരു കാലഘട്ടത്തിന് ശേഷം മാറുന്നു. ഇത് എല്ലാ രാശിചിഹ്നങ്ങളെയും ഒന്നല്ലെങ്കില്‍ മറ്റൊരു വിധത്തില്‍ ബാധിക്കുന്നു. ഇതുപ്രകാരം ഒക്ടോബര്‍ 18ന് ശുക്രന്‍ കന്നി രാശിയില്‍ നിന്ന് മാറി തുലാം രാശിയില്‍ പ്രവേശിക്കും.
ജ്യോതിഷത്തില്‍ ഇടവം, തുലാം എന്നീ രാശിക്കാരുടെ അധിപനായി ശുക്രനെ കണക്കാക്കുന്നു. സന്തോഷത്തിന്റെയും ആഡംബരത്തിന്റെയും തൊഴില്‍ ജീവിതത്തിന്റെയും കാരണമായ ഗ്രഹമാണ് ശുക്രന്‍. ശുക്രന്റെ സംക്രമണം ജ്യോതിഷപരമായി വളരെ സവിശേഷമായി കണക്കാക്കപ്പെടുന്നു. ശുക്രന്‍ ഗുണകരമാണെങ്കില്‍ ഒരു വ്യക്തിക്ക് ഭൗതിക സന്തോഷം ലഭിക്കുകയും ജീവിത പ്രശ്‌നങ്ങള്‍ നീങ്ങുകയും ചെയ്യുന്നു. നേരെമറിച്ച്, ശുക്രന്റെ അശുഭഫലം മൂലം ഒരു വ്യക്തിക്ക് ജീവിതത്തില്‍ ഉയര്‍ച്ച താഴ്ചകള്‍ നേരിടേണ്ടി വരുന്നു. ശുക്രന്റെ തുലാം രാശി സംക്രമണം മൂലം 12 രാശിക്കും കൈവരുന്ന ഫലങ്ങള്‍ അറിയാന്‍ ലേഖനം വായിക്കൂ.
മേടം
ശുക്രന്‍ തുലാം രാശിയില്‍ സംക്രമിക്കുന്ന ഈ കാലയളവില്‍ നിങ്ങളുടെ കരിയറില്‍ പുരോഗതികള്‍ കൈവരിക്കും. നേട്ടങ്ങള്‍ ഉണ്ടാക്കാനുള്ള നിരവധി അവസരങ്ങള്‍ നിങ്ങള്‍ക്ക് വന്നുചേരും. മേലുദ്യോഗസ്ഥരുമായി നിങ്ങളുടെ ബന്ധം ശക്തിപ്പെടും. നിങ്ങള്‍ക്ക് നിരവധി വലിയ സാമൂഹിക പ്രവര്‍ത്തകരുമായി ബന്ധപ്പെടാന്‍ കഴിയും. ശുക്രന്റെ സംക്രമണം നിങ്ങളുടെ ബിസിനസ്സിന് ഗുണം ചെയ്യും. ഈ സയമം നിങ്ങള്‍ക്ക് ധാരാളം സാമ്പത്തിക നേട്ടങ്ങള്‍ ലഭിക്കും. നിങ്ങളുടെ പങ്കാളിയുമായി നിരവധി സന്തോഷകരമായ നിമിഷങ്ങള്‍ ചെലവഴിക്കാന്‍ നിങ്ങള്‍ക്ക് അവസരങ്ങള്‍ ലഭിക്കും. ഈ സമയത്ത് നിങ്ങളുടെ ആരോഗ്യം പ്രത്യേകം ശ്രദ്ധിക്കണം.
ഇടവം
തുലാം രാശിയിലെ ശുക്രന്റെ സംക്രമണം നിങ്ങള്‍ക്ക് സമ്മിശ്ര ഫലങ്ങള്‍ നല്‍കും. ആരോഗ്യത്തിന്റെ കാര്യത്തില്‍ നിങ്ങള്‍ ശ്രദ്ധിക്കണം. നിങ്ങളുടെ ജോലിയില്‍ കൂടുതല്‍ ശ്രദ്ധ കേന്ദ്രീകരിക്കേണ്ടിവരും. പലരുടെയും ദാമ്പത്യ ജീവിതത്തില്‍ സാമ്പത്തിക ബുദ്ധിമുട്ടുകള്‍ ഉണ്ടായേക്കാം. തല്‍ഫലമായി, നിങ്ങള്‍ വായ്പ എടുക്കുന്നതിനെക്കുറിച്ചോ മറ്റൊരാളില്‍ നിന്ന് പണം കടം വാങ്ങുന്നതിനെക്കുറിച്ചോ ചിന്തിച്ചേക്കാം. ഈ സമയത്ത് യാത്രകള്‍ ഒഴിവാക്കുക.
Most
read:ഐശ്വര്യപൂര്‍ണമായ
ദാമ്പത്യബന്ധത്തിന്
കര്‍വ
ചൗത്ത്
വ്രതം;
ആചാരങ്ങള്‍
ഇങ്ങനെ
മിഥുനം
ശുക്രന്റെ ഈ സംക്രമണ കാലം മിഥുന രാശിക്ക് പ്രത്യേകമായിരിക്കും. ശുക്രന്‍ സംക്രമിക്കുന്ന കാലഘട്ടത്തില്‍ നിങ്ങള്‍ക്ക് ജോലിയില്‍ പുരോഗതിയുണ്ടാകും. ബിസിനസ്സില്‍ ശക്തമായ സാമ്പത്തിക വളര്‍ച്ചയും കൈവരും. മത്സര പരീക്ഷകളില്‍ വിജയം നേടാനാകും. ഈ സമയത്ത് സന്തോഷത്തിനുള്ള പല വഴികളും നിങ്ങള്‍ക്ക് മുന്നില്‍ തുറക്കപ്പെടും. ദാമ്പത്യ ജീവിതത്തില്‍ പങ്കാളിയുടെ പൂര്‍ണ്ണ പിന്തുണ ലഭിക്കും.
കര്‍ക്കിടകം
കര്‍ക്കടക രാശിക്കാരുടെ നാലാം ഭാവത്തില്‍ ശുക്രന്‍ സംക്രമിക്കും. തുലാം രാശിയിലെ ശുക്ര സംക്രമണം കര്‍ക്കടക രാശിക്കാര്‍ക്ക് സാധാരണയേക്കാള്‍ മികച്ച ഫലങ്ങള്‍ നല്‍കും. നിങ്ങളുടെ ജോലികള്‍ പൂര്‍ത്തീകരിക്കാന്‍ സാധിക്കും. നിങ്ങളുടെ വരുമാനത്തില്‍ നേട്ടമുണ്ടാകും. ശുക്രനും നിങ്ങളുടെ ചിന്തകളെ ശക്തിപ്പെടുത്തും. നിങ്ങളുടെ സാമ്പത്തിക അഭിവൃദ്ധി വര്‍ദ്ധിപ്പിക്കും. ഈ സമയം നിങ്ങള്‍ക്ക് ഒരു വാഹനമോ വീടോ വാങ്ങാന്‍ പദ്ധതിയിടാനാകും.
ചിങ്ങം
ചിങ്ങം രാശിക്കാര്‍ക്ക് ഈ സമയം ലാഭം ലഭിക്കാന്‍ സാധ്യതയുണ്ട്. നിങ്ങളുടെ ടെന്‍ഷന്‍ അകലും. ബിസിനസ്സില്‍ മികച്ച വിജയം നേടാന്‍ സാധ്യതയുണ്ട്. ദാമ്പത്യ ജീവിതത്തില്‍ സന്തോഷങ്ങള്‍ കൈവരും. വരുമാനം വര്‍ദ്ധിക്കും. വിദേശ വ്യാപാരവുമായി ബന്ധപ്പെട്ടവര്‍ക്ക് ഈ സമയം കൂടുതല്‍ നേട്ടം ലഭിക്കും.
കന്നി
ശുക്രന്‍ കന്നി രാശിയുടെ രണ്ടാം ഭാവത്തില്‍ പ്രവേശിക്കും. ഇത് നിങ്ങളുടെ സമ്പത്ത് വര്‍ദ്ധിപ്പിക്കും. ശുക്രന്റെ ഈ സംക്രമണ സമയത്ത് നിങ്ങള്‍ക്ക് പണം സമ്പാദിക്കാന്‍ പുതിയ സാധ്യതകള്‍ തുറക്കും. മുമ്പത്തെ നിക്ഷേപങ്ങളില്‍ നിന്ന് നിങ്ങള്‍ക്ക് ഗുണം ലഭിക്കും. പണത്തിന്റെയും തൊഴിലിന്റെയും കാര്യത്തില്‍ ഈ സംക്രമണം നിങ്ങള്‍ക്ക് വളരെ ഗുണം ചെയ്യും. ജോലികള്‍ നന്നായി നടക്കും. സുഹൃത്തുക്കളും ബന്ധുക്കളും എല്ലാ കാര്യങ്ങളിലും നിങ്ങളെ സഹായിക്കാനെത്തും. ആരോഗ്യത്തിന്റെ കാര്യത്തില്‍ നിങ്ങളുടെ ഭക്ഷണശീലം ശ്രദ്ധിക്കണം.
തുലാം
നിങ്ങളുടെ രാശിയുടെ അധിപന്‍ ശുക്രനാണ്. നിങ്ങളുടെ ആദ്യ ഭവനത്തില്‍ ശുക്രന്‍ സംക്രമിക്കും. അത്തരമൊരു സാഹചര്യത്തില്‍, ഈ സമയത്തിലുടനീളം നിങ്ങളുടെ ആരോഗ്യത്തിലും പ്രകൃതിയിലും മാറ്റങ്ങള്‍ നിങ്ങള്‍ കാണും. വിവിധ മാര്‍ഗങ്ങളില്‍ നിന്ന് പെട്ടെന്ന് ലാഭം നേടാനുള്ള നിങ്ങളുടെ സാധ്യതകള്‍ വരും. നിങ്ങളുടെ ശത്രുക്കളെ ഈ സമയം കരുതിയിരിക്കുക. ഈ കാലഘട്ടം വിവാഹിതരായ ദമ്പതികള്‍ക്ക് അനുകൂലമായിരിക്കും. നിങ്ങള്‍ അവിവാഹിതനും വിവാഹത്തിന് യോഗ്യനുമാണെങ്കില്‍, അനുയോജ്യമായ ജീവിത ഇണയെ കണ്ടെത്തുന്നതില്‍ നിങ്ങള്‍ക്ക് ബുദ്ധിമുട്ടുണ്ടാകില്ല. ബിസിനസ്സില്‍ ലാഭത്തിനുള്ള അവസരവും ലഭിക്കും.
വൃശ്ചികം
ശുക്രന്‍ രാശി മാറുന്നത് മൂലം നിങ്ങളുടെ ജോലിയില്‍ പുരോഗതി ഉണ്ടാകും. ഇതോടൊപ്പം ജോലി അന്വേഷിക്കുന്നവര്‍ക്ക് സന്തോഷവാര്‍ത്തയും ലഭിക്കും. ബിസിനസ്സില്‍ സാമ്പത്തിക സ്ഥിതി മെച്ചപ്പെടും. ജീവിത പങ്കാളിയുമായി സന്തോഷകരമായ നിമിഷങ്ങള്‍ ചെലവഴിക്കും. ശുക്രന്റെ കൃപയാല്‍ ഈ സമയത്ത് നിങ്ങള്‍ക്ക് ഭാഗ്യത്തിന് പൂര്‍ണ്ണ പിന്തുണ ലഭിക്കും. ജോലിയില്‍ സ്ഥാനക്കയറ്റത്തിന് അവസരമുണ്ടാകും.
ധനു
ശുക്രന്റെ ഈ സംക്രമണ സമയത്ത് നിങ്ങള്‍ക്ക് നിരവധി ആളുകളെ കണ്ടുമുട്ടാനാകും. പഴയ സുഹൃത്തുക്കളെ കാണാനും കഴിയും. മത്സര പരീക്ഷകള്‍ക്ക് തയ്യാറെടുക്കുന്ന വിദ്യാര്‍ത്ഥികള്‍ക്ക് സമയം അനുകൂലമാണ്, കഠിനാധ്വാനം ചെയ്താല്‍ നിങ്ങളുടെ ഉദ്യമങ്ങളില്‍ വിജയിക്കും. ഈ സംക്രമണ കാലയളവില്‍ നിങ്ങള്‍ക്ക് സുഹൃത്തുക്കളുടെയും കുടുംബാംഗങ്ങളുടെയും പൂര്‍ണ്ണ പിന്തുണ നേടാനാകും.
മകരം
മകരം രാശിക്കാരുടെ ജാതകത്തില്‍ ശുക്രന്‍ പത്താം ഭാവത്തില്‍ സംക്രമിക്കാന്‍ പോകുന്നു. ഇത് നിങ്ങള്‍ക്ക് ജോലിസ്ഥലത്ത് നല്ല നേട്ടം നല്‍കും. ജോലി അന്വേഷിക്കുന്നവര്‍ക്ക് പുതിയ സ്ഥാപനങ്ങളില്‍ നിന്ന് തൊഴില്‍ അവസരങ്ങളും ലഭിക്കും. ജോലിക്കാര്‍ക്ക് ശമ്പള വര്‍ദ്ധനവ് നേടാനാകും. ബിസിനസ് വര്‍ധിപ്പിക്കാന്‍ ശ്രമിക്കുന്നവര്‍ക്കും ഈ സമയം വിജയം ലഭിക്കും.
കുംഭം
ഈ സമയത്ത് ശുക്രന്‍ നിങ്ങളുടെ രാശിയില്‍ നിന്ന് ഒമ്പതാം ഭാവത്തില്‍ സംക്രമിക്കും. അത്തരമൊരു സാഹചര്യത്തില്‍, തുലാം രാശിയിലെ ശുക്രസംക്രമണം നിങ്ങള്‍ക്ക് ഭാഗ്യം നല്‍കും. വിദേശയാത്രയ്ക്കോ ദീര്‍ഘദൂര യാത്രയ്ക്കോ ആഗ്രഹിക്കുന്നവര്‍ക്ക് ഈ സമയത്ത് അതിനുള്ള അവസരം ലഭിക്കും. സാമ്പത്തികമായി നിങ്ങള്‍ മുമ്പത്തേക്കാള്‍ മികച്ച അവസ്ഥയിലായിരിക്കും. വീട്ടില്‍ സന്തോഷത്തിന്റെ അന്തരീക്ഷമുണ്ടാകും. നിങ്ങളുടെ അമ്മയുമായുള്ള ബന്ധവും മുമ്പത്തേക്കാള്‍ നല്ലതായിരിക്കും. ജോലിയില്‍ നിങ്ങള്‍ക്ക് ഒരു സ്ത്രീ സഹപ്രവര്‍ത്തകയുടെയോ സുഹൃത്തിന്റെയോ പിന്തുണയോടെ മികച്ച വിജയം നേടാനാകും. നിങ്ങളുടെ വ്യക്തിഗത ചെലവുകള്‍ ഈ സമയം ശ്രദ്ധിക്കുന്നത് നല്ലതാണ്.
മീനം
ശുക്രന്റെ തുലാം രാശി സംക്രമണത്തിന്റെ ഫലമായി മീനം രാശിക്കാരുടെ സാമ്പത്തിക സ്ഥിതി മെച്ചപ്പെടും. കുടുംബാംഗങ്ങളുടെ സാമ്പത്തിക സഹായം ഉണ്ടാകും. ഈ സമയത്ത് നിങ്ങളുടെ സൗകര്യങ്ങള്‍ വര്‍ദ്ധിക്കും. ദാമ്പത്യ ജീവിതത്തില്‍ മാധുര്യം നിലനില്‍ക്കും. വരുമാന സ്രോതസ്സുകള്‍ വര്‍ദ്ധിക്കും. സാമ്പത്തിക പ്രവര്‍ത്തനങ്ങളില്‍ നിങ്ങള്‍ക്ക് വിജയം ലഭിക്കും. നിക്ഷേപത്തില്‍ നിന്ന് ലാഭം നേടാനാകും. ശുക്രന്‍ സംക്രമിക്കുന്ന ഈ സമയത്ത് നിങ്ങള്‍ക്ക് ഒരു പുതിയ ബിസിനസ്സ് ആരംഭിക്കാന്‍ പദ്ധതിയിടാനാകും.
