വാസ്തുപ്രകാരം ഈ മരങ്ങള്‍ വീട്ടില്‍ വേണ്ട അത് ദോഷം

പുളി

പുളി നമ്മുടെയെല്ലാവരുടേയും വീട്ടിലുള്ളതാണ്. എന്നാല്‍ പുളിമരത്തിന്റെ സ്ഥാനം തെക്കുവശത്തായിരിക്കണം എന്നതാണ് പ്രത്യകത. പുളിമരം മാത്രമല്ല അത്തിയും തെക്കുവശത്ത് വെയ്‌ക്കേണ്ട മരമാണ്. എന്നാല്‍ മാത്രമേ അത് വീടിനും വീട്ടുകാര്‍ക്കും ഗുണം ചെയ്യുകയുള്ളൂ.

മാവ്

വടക്കു വശത്ത് മാവ് വെയ്ക്കുന്നതാണ് വീടിനും വിട്ടിലെ അംഗങ്ങള്‍ക്കും ഗുണം ചെയ്യുന്നത്. കിഴക്ക് വശത്ത് പ്ലാവും പടിഞ്ഞാറ് വശത്ത് തെങ്ങും വയ്ക്കുന്നതും അഭിവൃദ്ധിയുണ്ടാക്കും. പേരാല്‍ വീട്ടിലുണ്ടാവുക ചുരുക്കമാണ് എന്നാലും പേരാല്‍ ഉണ്ടെങ്കില്‍ തന്നെ അതിന്റെ സ്ഥാനം വീടിന്റെ കിഴക്കു വശത്താകുന്നതാണ് ഉത്തമം.

ആല്‍മരം

അമ്പലങ്ങളിലാണ് ആല്‍മരം സാധാരണ ഉള്ളത്. എന്നാല്‍ ചില വീടുകളിലെങ്കിലും ഒഴിഞ്ഞ പറമ്പില്‍ ആല്‍മരങ്ങള്‍ കാണാറുണ്ട്. കിഴക്കു വശത്തല്ലാതെ മറ്റു ദിക്കുകളില്‍ ആല്‍മരം വന്നാല്‍ അഗ്‌നിഭയവും ചിത്തഭ്രമവും ശത്രുഭയവും ഉണ്ടാവും.

ഒരു വൃക്ഷത്തിന് വിപരീതമായി

ഒരു വൃക്ഷത്തിനു വിപരീതമായി തന്നെ മറ്റു വൃക്ഷങ്ങള്‍ വന്നാല്‍ ഇതും അല്‍പം ശ്രദ്ധിക്കേണ്ടതാണ്.കാരണം ഇത് പലപ്പോഴും വീട്ടുകാര്‍ക്ക് മനസമാധാനം ലഭിക്കാതിരിക്കാന്‍ കാരണമാകും.

കൂവളം

കൂവളം, കൊന്ന, നെല്ലി, അശോകം, ചന്ദനം, വേങ്ങ, ചെമ്പകം, കരിങ്ങാലി തുടങ്ങിയ വൃക്ഷങ്ങള്‍ക്ക് ദോഷഫലങ്ങള്‍ ഇല്ലാത്തതിനാല്‍ ഇവ വീടിന്റെ ഏത് ഭാഗത്തും വെയ്ക്കാം. എന്നാല്‍ പെട്ടെന്ന് പുഴകി വീഴുന്ന മരങ്ങളാണ് ഇവയെല്ലാം.

വെക്കരുതാത്ത മരങ്ങള്‍

കാഞ്ഞിരം, ചേര്, താന്നി, വേപ്പ്, കള്ളിപ്പാല എന്നിവ പലപ്പോഴും വീടിനു സമീപം വെയ്ക്കാതിരിക്കാനും പ്രത്യേകം ശ്രദ്ധിക്കണം. ഇത് നെഗറ്റീവ് എനര്‍ജി ഉണ്ടാക്കുന്നു.