ധന്തേരാസില്‍ രാശിപ്രകാരം ഇവ വാങ്ങിയാല്‍ വീട്ടില്‍ ഐശ്വര്യം; ലക്ഷ്മീദേവിയുടെ അനുഗ്രഹം

മേടം

മേടം രാശിക്കാര്‍ ധന്തേരാസില്‍ സ്വര്‍ണ്ണ നാണയങ്ങള്‍, വെള്ളി, പാത്രങ്ങള്‍, വജ്രാഭരണങ്ങള്‍ എന്നിവ വാങ്ങണം. ഇത് നിങ്ങള്‍ക്ക് പ്രയോജനകരമാകും. എന്നാല്‍ ഇരുമ്പ്, തുകല്‍, രാസവസ്തുക്കള്‍ എന്നിവ ഉള്‍പ്പെടുന്ന സാധനങ്ങള്‍ വാങ്ങുന്നത് ഒഴിവാക്കുക.

ഇടവം

ഇടവം രാശിക്കാര്‍ സ്വര്‍ണം, വെള്ളി, വെങ്കലം, വജ്രം, പാത്രങ്ങള്‍ എന്നിവ വാങ്ങണം. ദന്തേരാസില്‍ നിങ്ങള്‍ ഈ സാധനങ്ങള്‍ വാങ്ങുന്നത് മംഗളകരമായിരിക്കും. നിങ്ങള്‍ക്ക് ഭാഗ്യം കൊണ്ടുവരുന്ന കുങ്കുമപ്പൂവും വാങ്ങാം. എന്നാല്‍ നിങ്ങള്‍ എണ്ണ, തുകല്‍, മരം അല്ലെങ്കില്‍ വാഹനങ്ങള്‍ എന്നിവ വാങ്ങുന്നത് ഒഴിവാക്കണം.

മിഥുനം

ധന്തേരാസ് മിഥുന രാശിക്കാര്‍ക്ക് ശുഭകരമായിരിക്കും. നിങ്ങള്‍ക്ക് ഈ സമയം സ്വര്‍ണ്ണം, വെള്ളി, ഭൂമി, വീട്, അല്ലെങ്കില്‍ ഏതെങ്കിലും ഫര്‍ണിച്ചര്‍ എന്നിവ വാങ്ങുന്നത് നല്ലതാണ്.

കര്‍ക്കിടകം

കര്‍ക്കിടകം രാശിക്കാര്‍ സ്വയം സാധനങ്ങള്‍ വാങ്ങുന്നതിനുപകരം നിങ്ങളുടെ കുടുംബാംഗങ്ങളുടെ പേരില്‍ എന്തെങ്കിലും സാധനങ്ങള്‍ വാങ്ങുന്നതാണ് നല്ലത്. കുട്ടികള്‍ക്ക് സമ്മാനങ്ങള്‍ വാങ്ങി നല്‍കുക. എന്നാല്‍ സ്വര്‍ണം വാങ്ങുകയോ ഏതെങ്കിലും ഓഹരി വിപണി ഇടപാടുകളില്‍ നിക്ഷേപിക്കുകയോ ചെയ്യരുത്.

ചിങ്ങം

ചിങ്ങം രാശിക്കാര്‍ ദന്തേരാസില്‍ വാഹനങ്ങള്‍, ഇലക്ട്രോണിക് ഉപകരണങ്ങള്‍, മരം കൊണ്ടുണ്ടാക്കിയ പാത്രങ്ങള്‍, വീട്, ഫ്‌ളാറ്റ്, സ്വര്‍ണ്ണം, വെള്ളി, വെങ്കലം എന്നിവ വാങ്ങുന്നത് ശുഭകരമാണ്. എന്നാല്‍ ഇരുമ്പും സിമന്റും കൊണ്ടുണ്ടാക്കിയതോ അവ അടങ്ങിയതോ ആയ സാധനങ്ങള്‍ വാങ്ങുന്നത് ഒഴിവാക്കുക.

കന്നി

കന്നി രാശിയിലുള്ളവര്‍ ഭൂമി, ഇലക്ട്രോണിക് സാധനങ്ങള്‍, ഉപകരണങ്ങള്‍ എന്നിവ ധന്തേരാസില്‍ വാങ്ങണം. എന്നാല്‍ സ്വര്‍ണ്ണം, വെള്ളി, വജ്രം എന്നിവ വാങ്ങരുത്. കൂടാതെ പുതിയ വസ്ത്രങ്ങളില്‍ വെളുത്ത വസ്ത്രങ്ങള്‍ എന്നിവ ധരിക്കുന്നത് ഒഴിവാക്കുക.

തുലാം

ഈ സമയം നിങ്ങള്‍ വലിയൊരു തുക സ്വര്‍ണ്ണത്തിലും വജ്രത്തിലും നിക്ഷേപിക്കാന്‍ താല്‍പര്യപ്പെടുന്നുവെങ്കില്‍ കുറച്ച് സമയം കൂടി കാത്തിരിക്കുന്നതാണ് ബുദ്ധി. നിങ്ങള്‍ക്ക് എന്തെങ്കിലും വാങ്ങാന്‍ താല്‍പ്പര്യമുണ്ടെങ്കില്‍ നിങ്ങളുടെ കുടുംബാംഗത്തിന്റെ പേരില്‍ വസ്തുക്കള്‍ വാങ്ങുക.

വൃശ്ചികം

വൃശ്ചികം രാശിക്കാര്‍ ധന്തേരാസില്‍ സ്വര്‍ണ്ണം, വെള്ളി, വസ്ത്രങ്ങള്‍, മണ്‍പാത്രങ്ങള്‍, ഇരുമ്പ് കൊണ്ട് നിര്‍മ്മിച്ച വസ്തുക്കള്‍ എന്നിവ വാങ്ങുന്നത് നല്ലതാണ്. പ്രോപ്പര്‍ട്ടി, ഷെയറുകള്‍ എന്നിവിടങ്ങളിലായി വലിയ പണം നിക്ഷേപിക്കുന്നത് ഒഴിവാക്കുക.

ധനു

ധന്തേരാസില്‍ ധനു രാശിക്കാര്‍ക്ക് ഭൂമിയും വിലപിടിപ്പുള്ള ലോഹങ്ങളും വജ്രങ്ങളും കല്ലുകളും വാങ്ങുന്നത് ശുഭകരമാണ്. ഈ സമയം നിങ്ങള്‍ വാങ്ങുന്ന സാധനങ്ങള്‍ നിങ്ങള്‍ക്ക് നേട്ടം നല്‍കും.

മകരം

മകരം രാശിക്കാര്‍ക്ക് ഈ സമയം എന്തു വാങ്ങിയാലും പ്രയോജനം ലഭിക്കും. ഭൂമി, പാത്രങ്ങള്‍, ലോഹങ്ങള്‍ മുതലായവയും വസ്ത്രങ്ങളും സ്വര്‍ണ്ണവും വാങ്ങുന്നതും നിങ്ങള്‍ക്ക് നല്ലതാണ്.

കുംഭം

കുംഭം രാശിക്കാര്‍ക്ക് ധന്തേരാസില്‍ പുസ്തകങ്ങള്‍, വാഹനങ്ങള്‍, ഇലക്ട്രോണിക് സാധനങ്ങള്‍, ഫര്‍ണിച്ചറുകള്‍, വീട്ടിലേക്ക് ആവശ്യമായ അലങ്കാര വസ്തുക്കള്‍ എന്നിവ വാങ്ങുന്നത് ശുഭകരമാണ്. ഈ അനുകൂല സമയം പല മേഖലകളിലും നിക്ഷേപം നടത്താന്‍ അനുകൂലമാണ്.

മീനം

മീനം രാശിക്കാര്‍ക്ക് ധന്തേരാസില്‍ സ്വര്‍ണ്ണം, വെള്ളി, വിലപിടിപ്പുള്ള ലോഹങ്ങള്‍, കല്ലുകള്‍ എന്നിവ വാങ്ങാം. എന്നാല്‍ ഓഹരി വിപണിയില്‍ ഓഹരി നിക്ഷേപം നടത്തുന്നത് നല്ലതല്ല.