ഇന്ത്യയിലെ ദിവ്യശക്തിയുള്ള മരങ്ങള്‍

കൂവളം

ശിവഭഗവാനുമായി ബന്ധപ്പെട്ട്‌ ആരാധിക്കപ്പെടുന്ന വൃക്ഷമാണ്‌ കൂവളം. ബിലുപത്ര എന്നും ഇത്‌ അറിയപ്പെടുന്നു. കുവളത്തിന്റെ ഇലകള്‍ ശിവന്‌ സമര്‍പ്പിക്കുന്നത്‌ ഐശ്വര്യം കൊണ്ടുവരുമെന്നാണ്‌ വിശ്വാസം. മൂന്ന്‌ ഇതളുകളോട്‌ കൂടിയ ഇല സൃഷ്ടി, സ്ഥിതി, സംഹാരം എന്നിവയെ സൂചിപ്പിക്കുന്നതായി പറയപ്പെടുന്നു.

ആല്‍മരം

ചൊവ്വ, ശനി ദിവസങ്ങളില്‍ ആല്‍മരത്തിന്‌ വെള്ളമൊഴിച്ചാല്‍ ശനിദേവന്റെ അനുഗ്രഹം കിട്ടുമെന്നാണ്‌ വിശ്വാസം. മാത്രമല്ല ആല്‍മരത്തിന്‌ ചുറ്റും ഏഴ്‌ തവണ പൂജിച്ച ചരട്‌ കെട്ടുകയും ശനിമന്ത്രം ജപിക്കുകയും ചെയ്‌താല്‍ ശനിദോഷം മാറും. ചരട്‌ കെട്ടിയതിന്‌ ശേഷം ആല്‍മരച്ചുവട്ടില്‍ വിളക്ക്‌ കത്തിക്കുകയും വേണം.

മുള

ശ്രീകൃഷ്‌ണനുമായി ബന്ധപ്പെട്ട മരമാണ്‌ മുള. കൃഷ്‌ണന്റെ ഓടക്കുഴല്‍ മുളയില്‍ നിന്ന്‌ ഉണ്ടാക്കിയതാണെന്ന്‌ പറയപ്പെടുന്നു. അതിനാല്‍ മുള ശ്രീകൃഷ്‌ണനെയും അദ്ദേഹത്തിന്റെ ഓടക്കുഴലിനെയും പ്രതിനിധീകരിക്കുന്നതായാണ്‌ വിശ്വാസം.

ചന്ദനമരം

മണം, സൗന്ദര്യവര്‍ദ്ധക ഗുണങ്ങള്‍ എന്നിവയ്‌ക്ക്‌ പുറമെ ചന്ദനത്തിന്‌ മറ്റുപല സവിശേഷതകളുമുണ്ട്‌. പാര്‍വ്വതീദേവിയുമായി ബന്ധപ്പെട്ട മരമാണ്‌ ചന്ദനം. പാര്‍വ്വതീദേവി അരച്ച ചന്ദനവും തന്റെ വിയര്‍പ്പും ചേര്‍ത്ത്‌, അതില്‍ നിന്ന്‌ ഗണപതിയെ സൃഷ്ടിച്ചുവെന്നാണ്‌ വിശ്വാസം. അതുകൊണ്ട്‌ ചന്ദനമരം പരിപാവനമായി കണക്കാക്കപ്പെടുന്നു. ദേവീ-ദേവന്മാരെ പൂജിപ്പിക്കുന്നതിനായി ചന്ദനം വ്യാപകമായി ഉപയോഗിക്കുന്നുണ്ട്‌.

ഭാംഗ്‌ മരം

ശിവനുമായി ബന്ധപ്പെട്ട ഏത്‌ സ്ഥലം സന്ദര്‍ശിച്ചാലും ഭാംഗിന്റെ ലഹരിയില്‍ മുഴുകുന്ന സന്യാസിമാരെ കാണാനാകും. പുണ്യവൃക്ഷമായി കരുതപ്പെടുന്ന ഭാംഗ്‌ ധനവും ഐശ്വര്യവും പ്രദാനം ചെയ്യുമെന്നാണ്‌ വിശ്വാസം. ശിവരാത്രിയോട്‌ അനുബന്ധിച്ച്‌ ശിവന്‌ ഭാംഗിന്റെ ഇലകള്‍ അര്‍പ്പിക്കാറുണ്ട്‌. പ്രസാദം ഉണ്ടാക്കാനും ഇവ ഉപയോഗിക്കുന്നു.

തെങ്ങ്‌

തെങ്ങ്‌ മുറിക്കുന്നത്‌ ഇന്ത്യയില്‍ അശുഭലക്ഷണമായാണ്‌ കരുതപ്പെടുന്നത്‌. കല്‍പ്പവൃക്ഷം എന്ന്‌ അറിയപ്പെടുന്ന തെങ്ങ്‌ എല്ലാ ശുഭകരമായ ചടങ്ങുകളിലും പൂജകളിലും ഉപയോഗിക്കുന്നു. തെങ്ങ്‌ ശിവഭഗവാനെ പ്രതിനിധീകരിക്കുന്നു.