Papmochani Ekadashi 2022: മുജ്ജന്‍മ പാപങ്ങള്‍ നീക്കും പാപമോചിനി ഏകാദശി

പാപമോചിനി ഏകാദശി 2022

ഹിന്ദു കലണ്ടര്‍ അനുസരിച്ച്, ഈ വര്‍ഷം ചൈത്രമാസത്തിലെ കൃഷ്ണപക്ഷത്തിന്റെ ഏകാദശി തീയതി മാര്‍ച്ച് 27 ഞായറാഴ്ച വൈകുന്നേരം 06:04 ന് ആരംഭിക്കുന്നു. ഏകാദശി തിഥി മാര്‍ച്ച് 28 തിങ്കളാഴ്ച വൈകുന്നേരം 04:15 ന് അവസാനിക്കും. പാപമോചിനി ഏകാദശി വ്രതം മാര്‍ച്ച് 28ന് ഉദയ തീയതി അനുസരിച്ച് ആചരിക്കും. പാപമോചിനി ഏകാദശി ദിനത്തില്‍ രാവിലെ സിദ്ധയോഗത്തിന്റെയും സര്‍വാര്‍ത്ത സിദ്ധി യോഗയുടെയും മനോഹരമായ സംയോജനമാണ് രൂപപ്പെടുന്നത്. വൈകുന്നേരം 05:40 വരെ സിദ്ധയോഗവും രാവിലെ 06.16 മുതല്‍ ഉച്ചയ്ക്ക് 12.24 വരെ സര്‍വാര്‍ത്ത സിദ്ധിയോഗവുമാണ്. ഈ രണ്ട് യോഗങ്ങളും വിജയം നല്‍കുന്നതാണ്. പാപമോചിനി ഏകാദശി വ്രതം അനുഷ്ഠിച്ച് ഭക്തര്‍ക്ക് അതിരാവിലെ പൂജകള്‍ തുടങ്ങാം.

പാപമോചിനി ഏകാദശി വ്രതത്തിന്റെ പ്രാധാന്യം

പുരാണങ്ങള്‍ അനുസരിച്ച്, പാപമോചിനി ഏകാദശി വ്രതം ആചരിക്കുന്നത് ഒരു വ്യക്തിയെ അവന്റെ പാപങ്ങളില്‍ നിന്ന് മോചിപ്പിക്കുന്നു. മഹാവിഷ്ണുവിന്റെ അനുഗ്രഹത്താല്‍ ദുരിതങ്ങളും ദുഖങ്ങളും ഇല്ലാതാകുന്നു. വിഷ്ണുഭഗവാന്‍ തന്റെ ഭക്തരുടെ ആഗ്രഹങ്ങള്‍ നിറവേറ്റുകയും മരണാനന്തര മോക്ഷം നല്‍കുകയും ചെയ്യുന്നു.

https://malayalam.boldsky.com/insync/pulse/vastu-tips-for-doors-and-windows-in-malayalam-025452.html?ref_medium=Desktop&ref_source=BS-ML&ref_campaign=Deep-Links

അതിരാവിലെ എഴുന്നേറ്റ് കുളിക്കുക. വീടിന്റെ പൂജാമുറിയില്‍ വിളക്ക് കത്തിക്കുക. മഹാവിഷ്ണുവിനെ ഗംഗാജലം കൊണ്ട് അഭിഷേകം ചെയ്യുക. വിഷ്ണുവിന് പുഷ്പങ്ങളും തുളസി ദളവും സമര്‍പ്പിക്കുക. കഴിയുമെങ്കില്‍ ഈ ദിവസവും ഉപവാസം അനുഷ്ഠിക്കുക. വിഷ്ണുവിനെ ആരാധിച്ച് നിവേദ്യം സമര്‍പ്പിക്കുക. സാത്വികമായ കാര്യങ്ങള്‍ മാത്രമേ സമര്‍പ്പിക്കാന്‍ പാടുള്ളൂ. മഹാവിഷ്ണുവിന്റെ ഭോഗത്തില്‍ തുളസി ഉള്‍പ്പെടുത്തണം. തുളസി ഇല്ലാതെ മഹാവിഷ്ണു ഭോഗം സ്വീകരിക്കില്ലെന്നാണ് വിശ്വാസം. ഈ പുണ്യദിനത്തില്‍ മഹാവിഷ്ണുവിനൊപ്പം ലക്ഷ്മി ദേവിയെയും ആരാധിക്കുക.

നേട്ടങ്ങള്‍

പാപമോചനി എന്നതില്‍ രണ്ട് വാക്കുകള്‍ ഉള്‍പ്പെടുന്നു, അതായത് 'പാപം' എന്നും 'മോചനി' അഥവാ 'നീക്കം ചെയ്യല്‍' എന്നും സൂചിപ്പിക്കുന്നു. അതിനാല്‍ പാപമോചന ഏകാദശി ആചരിക്കുന്ന ഭക്തര്‍ക്ക് ഭൂതകാലവും നിലവിലുള്ളതുമായ എല്ലാ പാപങ്ങളില്‍ നിന്നും മോചനം ലഭിക്കുമെന്ന് വിശ്വസിക്കപ്പെടുന്നു. പാപമോചന ഏകാദശിയുടെ ഈ ശുഭദിനത്തില്‍ ആളുകള്‍ മഹാവിഷ്ണുവിനെ ആരാധിക്കുകയും പ്രാര്‍ത്ഥിക്കുകയും ചെയ്യുന്നു. മഹാവിഷ്ണുവിന്റെ ഭക്തര്‍ ഈ പ്രത്യേക ദിവസം ഒരു വ്രതം ആചരിക്കുന്നത് സമാധാനപരവും സന്തോഷകരവുമായ ജീവിതം നയിക്കാന്‍ സഹായിക്കുമെന്ന വിശ്വാസിക്കുന്നു. ഏകാദശി വ്രതം അനുഷ്ഠിക്കുന്നതിലൂടെ, തങ്ങളുടെ എല്ലാ സങ്കടങ്ങളും മാനസിക ക്ലേശങ്ങളും അകറ്റാന്‍ സാധിക്കും. ഇതുകൂടാതെ, പാപമോചന ഏകാദശി വ്രതം അനുഷ്ഠിക്കുന്നതിലൂടെ ഭക്തര്‍ക്ക് സമ്പത്ത് ലഭിക്കുമെന്നും വിശ്വസിക്കപ്പെടുന്നു.