നവരാത്രി ഐശ്വര്യപ്രദമാക്കാന്‍ 9 ദേവീ മന്ത്രങ്ങള്‍; ഫലം സര്‍വ്വഭാഗ്യം

നവരാത്രി ഒന്നാം ദിവസം: ശൈലപുത്രി ദേവി മന്ത്രം

ദുര്‍ഗ്ഗയുടെ ആദ്യ രൂപമാണ് ശൈലപുത്രി ദേവി. ഹിമാലയത്തിന്റെ മകളാണ് ശൈലപുത്രി. അവര്‍ 'പാര്‍വ്വതി' എന്നും 'ഹേമവതി' എന്നും അറിയപ്പെടുന്നു:

ധ്യാന മന്ത്രം: വന്ദേ വാഞ്ചിതലാഭയാ ചന്ദ്രാര്‍ദ്ധകൃതശേഖരം. വൃഷാരൂഢാം ശൂലധരാം ശൈലപുത്രീ യശ്വിനീം

നവരാത്രി രണ്ടാം ദിവസം: ബ്രഹ്‌മചാരിണി ദേവി മന്ത്രം

ദുര്‍ഗ്ഗയുടെ രണ്ടാമത്തെ രൂപമാണ് ബ്രഹ്‌മചാരിണി ദേവി. ഈ രൂപത്തിലാണ് ദേവി ശിവനെ ഭര്‍ത്താവായി ലഭിക്കാന്‍ കഠിനമായ തപസ് ചെയ്തത്.

ധ്യാന മന്ത്രം: ദധാന കരപദ്മാഭ്യാം അക്ഷമാല കമണ്ഡലം, ദേവീ പ്രസീദതു മയി ബ്രഹ്‌മചാരിണ്യനുത്തമ.

നവരാത്രി മൂന്നാം ദിവസം: ചന്ദ്രഘണ്ഡ ദേവി മന്ത്രം

ചന്ദ്രഘാണ്ഡ എന്നത് ദുര്‍ഗ്ഗാ ദേവിയുടെ മൂന്നാമത്തെ രൂപമാണ്. ഇത് പാര്‍വതി ദേവിയുടെ വിവാഹ രൂപമാണ്.

ധ്യാന മന്ത്രം: പിണ്ഡജ് പ്രവ്രരരൂഢാ ചണ്ഡകോപാസ്ത്രകൈയുര്‍താ. പ്രസീദം തനുതേ മഹ്യം ചന്ദ്രഘ്‌ണ്ഡേതി വിശ്രുതാ.

നവരാത്രി നാലാം ദിവസം: കൂഷ്മാണ്ഡ ദേവി മന്ത്രം

ദുര്‍ഗ്ഗയുടെ നാലാമത്തെ രൂപമാണ് കൂഷ്മാണ്ഡ ദേവി. കൂഷ്മാണ്ഡ ദേവി സൂര്യനുള്ളില്‍ വസിക്കുന്നുവെന്നും തന്റെ ആത്യന്തികമായ ഊര്‍ജ്ജത്താല്‍ ലോകത്തെ മുഴുവന്‍ പ്രകാശിപ്പിക്കുന്നുവെന്നും വിശ്വസിക്കപ്പെടുന്നു.

ധ്യാന മന്ത്രം: വന്ദേ കാമാര്‍ത്ഥേ ചന്ദ്രഗൃത ശേഖരം, സിംഹാരൂഢാ അഷ്ടഭുജ കൂഷ്മാണ്ഡ യശസ്വനീം

നവരാത്രി അഞ്ചാം ദിവസം: സ്‌കന്ദ ദേവി മന്ത്രം

ദുര്‍ഗ്ഗയുടെ അഞ്ചാമത്തെ രൂപമാണ് സ്‌കന്ദമാതാ ദേവി. പാര്‍വതി ദേവി കാര്‍ത്തികേയന്‍ എന്നറിയപ്പെടുന്ന സ്‌കന്ദനെ പ്രസവിച്ചപ്പോള്‍ അവര്‍ക്ക് സ്‌കന്ദമാത എന്ന പേര് ലഭിച്ചുവെന്ന് പറയപ്പെടുന്നു.

ധ്യാന മന്ത്രം: സിംഹസംഗതാ നിത്യം പദ്മശ്രിത്കര്‍ദവ്യാ, ശുഭ്ദസ്തു സദാ ദേവീ സ്‌കന്ദമാതാ യശ്വിനീ.

നവരാത്രി ആറാം ദിവസം: കാത്യായനി ദേവി മന്ത്രം

കാത്യായനി ദേവി എന്നത് ദുര്‍ഗ്ഗയുടെ ആറാമത്തെ രൂപമാണ്. ദേവിയുടെ പിതാവായ കാത്യായന്‍ ഋഷിയില്‍ നിന്നാണ് അവരുടെ പേര് ലഭിച്ചത്. ദുര്‍ഗ്ഗയുടെ കോപാകുലമായ രൂപമാണിത്. ഈ രൂപത്തില്‍ ദേവി മഹിഷാസുരനെ നിഗ്രഹിച്ചു.

ധ്യാന മന്ത്രം: സ്വര്‍ണാഗ്യ ചക്ര സ്ഥിതം ഷഷ്ടം ദുര്‍ഗാ ത്രിനേത്രം. വരാഭിത കരം ഷഡ്ഗപദ്മധരം കാത്യന്‍സുതം ഭജാമി

നവരാത്രി ഏഴാം ദിവസം: കാലരാത്രി ദേവി മന്ത്രം

ദുര്‍ഗ്ഗയുടെ ഏഴാമത്തെ രൂപമാണ് കാലരാത്രി ദേവി. ദുര്‍ഗ്ഗാ ദേവിയുടെ ഉഗ്രരൂപമാണ് കാലരാത്രി. ഈ രൂപത്തില്‍ ദേവി, അപകടകാരികളായ ശുംഭനെയും നിശുംഭനെയും നശിപ്പിച്ചു.

ധ്യാന മന്ത്രം: കരാല്‍വദനം ഘോരം മുക്തകേശി ചതുര്‍ഭജം കാല രാത്രിം കരളികാം ദിവ്യാം വിദ്യുത്മലാ വിഭൂഷിതം

നവരാത്രി എട്ടാം ദിവസം: ഗൗരീ ദേവി മന്ത്രം

ദുര്‍ഗ്ഗയുടെ എട്ടാമത്തെ രൂപമാണ് മഹാഗൗരി. 16 വയസ്സ് വരെ പാര്‍വതിക്ക് അങ്ങേയറ്റം സുന്ദരമായ നിറമുണ്ടായിരുന്നുവെന്ന് വിശ്വസിക്കപ്പെടുന്നു. അതിനാലാണ് അവര്‍ക്ക് ഈ പേര് ലഭിച്ചത്. ഈ ദിവസം പെണ്‍കുട്ടികളെ ആരാധിക്കുന്നു.

ധ്യാന മന്ത്രം: പൂര്‍ണ്ണാന്ദു നിഭാം ഗൗരി സോമചക്രസ്ഥിതം അഷ്ടമം മഹാഗൗരി ത്രിനേത്രം.

വരാഭീതികരാം ത്രിശൂലം ഢമരൂധരം മഹാഗൗരി ഭജേം

നവരാത്രി ഒമ്പതാം ദിവസം: സിദ്ധിധാത്രി ദേവി മന്ത്രം

ദുര്‍ഗ്ഗയുടെ ഒമ്പതാമത്തെ രൂപമാണ് സിദ്ധിധാത്രി ദേവി. പ്രപഞ്ചം സൃഷ്ടിക്കപ്പെടുന്നതിന് മുമ്പ്, ഊര്‍ജ്ജം ലഭിക്കുന്നതിനും പ്രപഞ്ചത്തെ സൃഷ്ടിക്കുന്നതിനുമായി ശിവന്‍ പരാശക്തിയെ ആരാധിച്ചിരുന്നുവെന്ന് വിശ്വസിക്കപ്പെടുന്നു. ഈ ദേവി ശിവന്റെ മറ്റേ പകുതിയായും അറിയപ്പെടുന്നു.

ധ്യാന മന്ത്രം: സ്വര്‍ണ്ണാവര്‍ണ നിര്‍വാണചക്രസ്ഥിതാം നവം ദുര്‍ഗാ ത്രിനേത്രാം. ശംഖ ചക്ര ഗദാ പദം ഖരാം സിദ്ധിധാത്രി ഭജേ