കണ്ടകശനി ഈ നക്ഷത്രക്കാര്‍ക്ക്‌ പുറകേ, പരിഹാരമിതാ

നക്ഷത്രക്കാര്‍ ഇവരാണ്

മകയിരം അവസാന 30 നാഴിക, തിരുവാതിര, പുണര്‍തം ആദ്യത്തെ 45 നാഴിക, ഉത്രം അവസാന 45 നാഴിക, അത്തം, ചിത്തിര ആദ്യ 30 നാഴിക, പൂരുരുട്ടാതി അവസാന 15 നാഴിക, ഉത്രട്ടാതി, രേവതി എന്നീ നക്ഷത്രങ്ങളില്‍ ജനിച്ചവരെയാണ് ശനി ഇപ്പോള്‍ പിടികൂടുന്നത്. ഈ സമയം ഇവര്‍ ചെയ്യുന്നതെല്ലാം വളരെയധികം ശ്രദ്ധിച്ച് വേണം. അത് മാത്രമല്ല സാമ്പത്തിക ഇടപാടുകള്‍, വാഹനങ്ങള്‍ ഉപയോഗിക്കുന്നത്, ആരോഗ്യപ്രശ്‌നങ്ങള്‍ എന്നിവയെല്ലാം അല്‍പം ശ്രദ്ധിക്കേണ്ടതാണ്. കുടുംബത്തില്‍ പ്രശ്‌നങ്ങള്‍ ഉണ്ടാവുക, മരണഭയം, എന്നിവയെല്ലാം ശനിയുടെ ഫലമായി ഉണ്ടാവുന്നതാണ്.

ദോഷപരിഹാരങ്ങള്‍ ഇങ്ങനെ

കണ്ടകശനിക്ക് പരിഹാരം കാണുന്നതിന് വേണ്ടി എന്തൊക്കെ ദോഷപരിഹാരങ്ങള്‍ ആണ് ചെയ്യേണ്ടത് എന്നുള്ളത് എല്ലാവരും അറിഞ്ഞിരിക്കേണ്ടതാണ്. അതിന് വേണ്ടി എള്ള് തിരി കത്തിക്കാവുന്നതാണ്. അതിന് വേണ്ടി എള്ള് കിഴികെട്ടി എള്ളെണ്ണ കൊണ്ട് കിഴക്കോ പടിഞ്ഞാറോ ഭാഗത്തേക്ക് തിരി തെളിയിക്കുന്നത് കണ്ടകശനി ദോഷം കുറക്കാന്‍ സഹായിക്കുന്നുണ്ട്. ഇത് കൂടാതെ എള്ള് അരച്ച് പാലില്‍ കലക്കി രാവിലെ ശനീശ്വരന് നിവേദിക്കുന്നതും അതിന് ശേഷം പ്രസാദം പോലെ കഴിക്കുന്നതും ശനിദോഷമുക്തിക്ക് പരിഹാരം കാണുന്നതിന് സഹായിക്കുന്നുണ്ട്. ഇത് കൂടാതെ ശനീശ്വ സ്‌തോത്രമായ 'ഓം ശനീശ്വരായ നമ:' എന്ന മന്ത്രം ജപിക്കുന്നതും നല്ലതാണ്.

അയ്യപ്പസ്വാമിയെ പ്രാര്‍ത്ഥിച്ചാല്‍

അയ്യപ്പസ്വാമിയെ പ്രാര്‍ത്ഥിക്കുന്നത് ശനിദോഷത്തെ ഇല്ലാതാക്കുന്നു എന്നാണ് പറയുന്നത്. ജ്യോതിഷ പ്രകാരം ശിവമോഹിനീ പുത്രനായ അയ്യപ്പസ്വാമിയെ ഭജിക്കുന്നതും നല്ലതാണ്. ഇതിന്ന വേണ്ടി ശനിയാഴ്ച വ്രതമെടുക്കുകയോ അല്ലെങ്കില്‍ ശനിയാഴ്ച ഒരിക്കലൂണോ എടുക്കാവുന്നതാണ്. ശനിയാഴ്ച തോറും ഭഗവാന് എള്ള് പായസം നിവേദ്യമാക്കി അര്‍പ്പിക്കാവുന്നതാണ്. ഇതോടോപ്പം

'ഭൂതനാഥ സദാനന്ദ

സര്‍വ്വഭൂത ദയാപര!

രക്ഷ രക്ഷ മഹാബാഹോ

ശാസ്‌ത്രേ തുഭ്യം നമോ നമഃ' എന്ന അയ്യപ്പമന്ത്രം ജപിക്കുന്നത് നല്ലതാണ്. ഇത് ശനിദോഷ കാഠിന്യം കുറക്കുന്നു.

ഹനുമാന്‍ പ്രീതി

ഹനുമാനെ പ്രാര്‍ത്ഥിക്കുന്നതും നല്ലതാണ്. ഇത് ശനിദോഷത്തെ ഇല്ലാതാക്കുകയും വായുപുത്രനായ ഹനുമാനെ ആരാധിക്കുന്നവരെ ഒരിക്കലും ശനിദോഷം ബാധിക്കില്ല എന്നും വിശ്വാസമുണ്ട്. ശനിയുടെ രക്ഷകനായാണ് ഹനുമാനെ കണക്കാക്കുന്നത്. ഭഗവാന് വെറ്റില മാല സമര്‍പ്പിക്കുന്നതിലൂടെ ജീവിതത്തില്‍ ഒരിക്കലും ശനിയുടെ ദോഷം ഇവരെ ബാധിക്കില്ല എന്നാണ് പറയുന്നത്. ഇതോടൊപ്പം ഹനുമാന്‍ ചാലിസ ജപിക്കുന്നതും നല്ലതാണ്. ഹനുമാനെ ഭജിക്കുന്നതിലൂടെ അത് നിങ്ങളുടെ നക്ഷത്രത്തെ ശനിദോഷം ബാധിക്കില്ല എന്നാണ് വിശ്വാസം.

ശനിദോഷ പരിഹാരത്തിന് മന്ത്രം

'ശനി ബീജ മന്ത്രം

ഓം പ്രാം പ്രീം പ്രൗം സ ശനീശരായ നമ:

ശനി ഗായത്രി മന്ത്രം

ഓം ശനീശരായ വിദ്മഹേ ഛായാപുത്രായ ധീമഹീ

തന്നോ മന്ദ: പ്രചോദയാത്

ശനി സ്‌തോത്രം

നീലാംജന സമാഭാസം രവിപുത്രം യമാഗ്രജം

ഛായാമാര്‍താണ്ഡസംഭൂതം തം നമാമി ശനീശരം .

ശനി പീഡാഹര സ്‌തോത്രം

സൂര്യപുത്രോ ദീര്‍ഘദേഹോ വിശാലാക്ഷ: ശിവപ്രിയ:

ദീര്‍ഘചാര പ്രസന്നാത്മ പീഡാം ഹരതു മേ ശനി'

വഴിപാടുകള്‍ ഇങ്ങനെ

അയ്യപ്പക്ഷേത്രങ്ങളില്‍ ശനിദോഷ പരിഹാരത്തിന് വേണ്ടി വഴിപാടുകള്‍ കഴിക്കാവുന്നതാണ്. നീരാഞ്ജനം, എള്ള് തിരി എന്നീ വഴിപാടുകള്‍ നടത്തുക. എള്ള് പായസം വഴിപാടായി കഴിക്കുന്നതും ശനിദോഷ കാഠിന്യത്തിന് പരിഹാരമേകുന്നതാണ്. ഇതെല്ലാം ചെയ്യുന്നതിലൂടെ ശനിദോഷത്തെ നമുക്ക് ഇല്ലായ്മ ചെയ്യാം. ഇത് കൂടാതെ കറുത്ത എള്ള് നല്ല വൃത്തിയുള്ള തുണിയില്‍ പൊതിഞ്ഞ് പൂജാമുറിയില്‍ വെക്കുന്നതിലൂടെ അത് നിങ്ങളുടെ ശനിദോഷത്തെ ഇല്ലാതാക്കും എന്നാണ് വിശ്വാസം. കാക്കക്ക് എള്ളും ചോറും കലര്‍ത്തി ചോറ് നല്‍കുന്നതും ശനി ദോഷത്തിന് പരിഹാരം കാണുന്നതിന് സഹായിക്കുന്നുണ്ട്. ഇത് കൂടാതെ ശനി ദോഷങ്ങള്‍ തീര്‍ക്കുന്നതിന് വേണ്ടി ശനീശ്വരനെ മനസ്സില്‍ ധ്യാനിച്ച് കാക്കക്ക് ചോറ് കൊടുക്കുന്നതും നല്ലതാണ്. ശനീശ്വരന്റെ വാഹനം കാക്കയാണ്. ഇതെല്ലാം ശനിദോഷത്തെ ഇല്ലാതാക്കും എന്നാണ് പറയുന്നത്