ഗോക്കളെ പൂജിച്ച് ശ്രീകൃഷ്ണന്റെ അനുഗ്രഹത്തിന്; ഗോപാഷ്ടമി പൂജയും ആചാരവും

ഗോപാഷ്ടമി 2022 - ശുഭ മുഹൂര്‍ത്തം

ഗോപാഷ്ടമി തീയതി - നവംബര്‍ 01

അഷ്ടമിയുടെ ആരംഭം - നവംബര്‍ 01 ഉച്ചയ്ക്ക് 1:11 മുതല്‍

അഷ്ടമി തിഥി അവസാനം - നവംബര്‍ 01 രാത്രി 11:04ന്

ഗോപാഷ്ടമി ആരാധനാ രീതി

ഗോപാഷ്ടമി നാളില്‍ രാവിലെ പശുവിനെ കുളിപ്പിക്കുക. ഈ ദിവസം, ശുഭമുഹൂര്‍ത്തത്തില്‍, പശുവിനെ നന്നായി അലങ്കരിക്കുക. അതിനുശേഷം പുഷ്പം, അക്ഷതം, ധൂപം, വിളക്ക് എന്നിവ ഉപയോഗിച്ച് ഗോമാതാവിനെ ആരാധിക്കുക. ഇതിനുശേഷം പശുവിനെ 11 തവണ പ്രദക്ഷിണം വയ്ക്കുക. ഗോമാതാവിനെ പ്രദക്ഷിണം ചെയ്ത ശേഷം അതിന്റെ പാദങ്ങളില്‍ സ്പര്‍ശിക്കുക. ഇതോടൊപ്പം പശുവിന്റെ കാലിലെ മണ്ണ് നെറ്റിയില്‍ പുരട്ടുകയും ചെയ്യുക.

ഗോപാഷ്ടമിയുടെ പ്രാധാന്യം

ഗോപാഷ്ടമി ഉത്സവത്തിന് ഹിന്ദുമതത്തില്‍ പ്രത്യേക പ്രാധാന്യമുണ്ട്. ദ്വാപരയുഗത്തില്‍ ഭഗവാന്‍ കൃഷ്ണനും ബലരാമനും ഗോക്കളെ സംരക്ഷിച്ചിരുന്നു എന്ന് വിശ്വസിക്കപ്പെടുന്നു. അവര്‍ തികഞ്ഞ ഉത്തരവാദിത്തത്തോടെ അവരെ സേവിക്കുകയും സംരക്ഷിക്കുകയും ചെയ്തു. സനാതന പാരമ്പര്യമനുസരിച്ച് ഗോക്കള്‍ക്കായി പ്രത്യേകം ആരാധനാലയങ്ങളുമുണ്ട്. എല്ലാ ദേവീദേവന്മാരും പശുവില്‍ കുടികൊള്ളുന്നുവെന്നാണ് വിശ്വാസം. അത്തരമൊരു സാഹചര്യത്തില്‍, ഗോപാഷ്ടമി നാളില്‍ പശുവിനെ ആരാധിക്കുന്നത് ഭക്തര്‍ക്ക് എല്ലാ ദേവീദേവന്മാരുടെയും അനുഗ്രഹം നേടിത്തരുന്നു.

പശുവിന് ഭക്ഷണം നല്‍കുക

ഗോപാഷ്ടമി നാളില്‍ പശുവിനും പശുക്കിടാവിനും പച്ചപ്പുല്ല് നല്‍കുന്നത് വളരെ പുണ്യപ്രദമാണെന്ന് പറയപ്പെടുന്നു. ഈ ദിവസം പശുവിന് പച്ചപ്പുല്ല് നല്‍കുന്നത് ദാമ്പത്യജീവിതത്തില്‍ സന്തോഷം പകരുമെന്ന് പറയപ്പെടുന്നു.

പശുവിനെ പ്രദക്ഷിണം വയ്ക്കുക

ഗോപാഷ്ടമി നാളില്‍ ഭഗവാന്‍ കൃഷ്ണനെ സ്മരിച്ചുകൊണ്ട് പശുവിനെ പ്രദക്ഷിണം വച്ചാല്‍ നിങ്ങള്‍ക്ക് ഭാഗ്യം ലഭിക്കും. ഭഗവാന്‍ കൃഷ്ണന്റെ മന്ത്രങ്ങള്‍ ഉരുവിട്ടുകൊണ്ട് നിങ്ങള്‍ക്ക് പശുവിനെ പ്രദക്ഷിണം ചെയ്യാം.

തിലകം തൊടുക

ഗോപാഷ്ടമി ദിനത്തില്‍ ഗോക്കളുടെ പാദത്തിലെ പൊടി നെറ്റിയില്‍ പുരട്ടുന്നത് ഒരു വ്യക്തിക്ക് ഭാഗ്യം നല്‍കുന്നു. ഈ ദിവസം, സൂര്യാസ്തമയ സമയത്ത് പശുവിനെ ആരാധിച്ച ശേഷം ഇത് ചെയ്യുക.

പശുവിന്റെ പ്രതിമ

ഗോപാഷ്ടമി നാളില്‍ വീട്ടില്‍ പശുവിന്റെ ചെറിയ വിഗ്രഹമോ പ്രതിമയോ കൊണ്ടുവരുന്നതും വളരെ നല്ലതാണ്. പശുവിന്റെ പ്രതിമയുള്ള വീട്ടില്‍ ഭക്ഷണത്തിനും പണത്തിനും ഒരു കുറവും ഉണ്ടാകില്ല എന്നാണ് പറയപ്പെടുന്നത്.