ക്രിസ്തുമസ് ആഘോഷങ്ങള്‍ക്കൊരുങ്ങാം

1. അതിഥികളെ സ്വീകരിക്കല്‍

പാര്‍ട്ടികള്‍ സംഘടിപ്പിക്കുമ്പോള്‍ അതിഥികളെ ഹൃദ്യമായി സ്വാഗതം ചെയ്യുക. മുന്‍വശത്തെ പോര്‍ച്ചും ഇരിപ്പിടങ്ങളിടുന്ന സ്ഥലവും മനോഹരമായി ദീപാലങ്കാരം ചെയ്യുക. ബാല്‍ക്കണിയില്‍ നിന്ന് മാലകളും അലങ്കാര വിളക്കുകളും തൂക്കിയിടാം.

2. തീം

ക്രിസ്തുമസ് അലങ്കാരങ്ങളിലെ ഒരു പ്രധാന ഘടകമാണ് ഒരു തീമിന്‍റെ തിരഞ്ഞെടുപ്പ്. പാരമ്പരാഗത തോന്നലുണ്ടാക്കാന്‍ ഗ്രാമീണ ശൈലികളോ അതല്ലെങ്കില്‍ വിചിത്രമായവയോ തെരഞ്ഞെടുക്കാം. മ്യൂസിക്, വിക്ടോറിയന്‍ തുടങ്ങി നിങ്ങള്‍ക്ക് ഇഷ്ടമുള്ള തീം തെരഞ്ഞെടുക്കാവുന്നതാണ്.

3. നിറങ്ങള്‍

പരമ്പരാഗതമായി ക്രിസ്തുമസുമായി ഇഴചേര്‍ന്ന് കിടക്കുന്ന ചില നിറങ്ങളുണ്ട്. ചുവപ്പ്, സ്വര്‍ണ്ണനിറം, സില്‍വര്‍, പച്ച,വെള്ള, ക്രീം, പര്‍പ്പിള്‍ എന്നിവയൊക്കെ ഉപയോഗിക്കാം. ഇവയെല്ലാം ഒരുമിച്ച് ഉപയോഗിക്കുകയോ അല്ലെങ്കില്‍ താല്പര്യപ്രകാരം ഏതെങ്കിലും ചില നിറങ്ങള്‍ മാത്രം തിരഞ്ഞെടുക്കുകയോ ചെയ്യാം.

4. അലങ്കാരത്തിനുള്ള വസ്തുക്കള്‍

തീം സെലക്ട് ചെയ്താല്‍ പിന്നെ വേണ്ടത് മറ്റ് വസ്തുക്കള്‍ തെരഞ്ഞെടുക്കലാണ്. ചുവപ്പ് റിബ്ബണുകള്‍, കടലാസുകൊണ്ടുള്ള അലങ്കാര വസ്തുക്കള്‍, മാലകള്‍, ക്രിസ്റ്റല്‍ വസ്തുക്കള്‍, വീട്ടില്‍ നിര്‍മ്മിച്ച ജിഞ്ചര്‍ ബ്രഡ് തുടങ്ങിയവയൊക്കെ ഇതില്‍ പെടും.

5. കര്‍ട്ടനുകള്‍

ക്രിസ്തുമസ് പാര്‍ട്ടിയുടെ തീമിന് യോജിച്ച വിധത്തിലുള്ള കര്‍ട്ടനുകള്‍ സ്വീകരണമുറിയില്‍ ഉപയോഗിക്കുക. മനോഹരമായ സാറ്റിന്‍, പ്രിന്‍റ് ചെയ്തവ, വെള്ള രോമം കൊണ്ടുള്ളവ, കമ്പിളി തുടങ്ങിയവയൊക്കെ ഉപയോഗിക്കാം.

6. സുഗന്ധം

ക്രിസ്തുമസ് പാര്‍ട്ടി വേളയില്‍ അടുക്കളയും ഭക്ഷണമുറിയുമൊക്കെ സുഗന്ധപൂരിതമാക്കുക. അതിഥികള്‍ക്ക് ആസ്വാദ്യകരമായ വിധത്തില്‍ റോസ്മേരി, തൈം എന്നിവ ഇതിനായി ഉപയോഗിക്കാം. നറുമണമുള്ള മെഴുകുതിരികളും ഉപയോഗിക്കാം.

7. പൂക്കള്‍

പൂക്കളും , പൂമാലകളും ഉപയോഗിച്ച് അലങ്കരിക്കുക. ചുവരുകള്‍ അലങ്കരിക്കാന്‍ പൂമാലകളും, പുഷ്പചക്രങ്ങളും ഉപയോഗിക്കാം. മുറിയില്‍ നെരിപ്പോടുണ്ടെങ്കില്‍ അതും ഇത്തരത്തില്‍ അലങ്കരിക്കുക.

ക്രിസ്തുമസ് പാര്‍ട്ടി തീമുകള്‍ തെരഞ്ഞെടുക്കുമ്പോള്‍ ആശയങ്ങള്‍ക്കായി നിങ്ങള്‍ ഏറെ അന്വേഷണങ്ങള്‍ നടത്തുന്നത് സ്വഭാവികമാണ്. ഈ ആഘോഷ വേള ആഹ്ലാദകരമാക്കാന്‍ വൈവിധ്യമാര്‍ന്ന ശൈലികള്‍ പരീക്ഷിച്ച് നോക്കുക. നിറങ്ങളും, ഡിസൈനുമൊക്കെ തിരഞ്ഞെടുക്കുന്നതില്‍ യാതൊരുവിധ ആശങ്കയും ഉണ്ടാവേണ്ട കാര്യമില്ല. അങ്ങനെ ഈ അവസരം അവിസ്മരണീയമാക്കുക.