മുടി വരണ്ടതോ, പൊട്ടുന്നതോ, കൊഴിയുന്നതോ: ആരോഗ്യം അപകടത്തില്‍

വരണ്ടതും പൊട്ടുന്നതുമായ മുടി

നിങ്ങളുടെ മുടി വരണ്ടതും പൊട്ടുന്നതുമാണെങ്കില്‍ അത് സൂചിപ്പിക്കുന്നത് പോഷകാഹാരക്കുറവിനെയണ്. എന്നിരുന്നാലും, നിങ്ങളുടെ ആരോഗ്യത്തിന്റെ കാര്യത്തില്‍, ഉയര്‍ന്ന രക്തസമ്മര്‍ദ്ദം, ക്ഷീണം, ഹോര്‍മോണ്‍ മാറ്റങ്ങള്‍, പ്രോട്ടീന്‍ കുറവ്, വിറ്റാമിന്‍ എ, സിങ്ക് എന്നിവയുടെ അഭാവം, അവശ്യ ഫാറ്റി ആസിഡുകള്‍ എന്നിവ കാരണവും ഇത്തരത്തില്‍ സംഭവിക്കാവുന്നതാണ്. അതുകൊണ്ട് തന്നെ വരണ്ടതും പൊട്ടുന്നതുമായ മുടി നിങ്ങളുടെ ആരോഗ്യത്തിലുണ്ടാവുന്ന മാറ്റങ്ങളെയാണ് സൂചിപ്പിക്കുന്നത്.

മുടികൊഴിച്ചില്‍

മുടി കൊഴിച്ചില്‍ സാധാരണമാണ്. എന്നാല്‍ ഇത് അമിതമാണെങ്കില്‍ അല്‍പം ശ്രദ്ധിക്കേണ്ടതാണ്. നിങ്ങള്‍ മുടികൊഴിച്ചില്‍ അനുഭവിക്കുന്നുണ്ടെങ്കില്‍, നിങ്ങള്‍ക്ക് PCOS (പോളിസിസ്റ്റിക് ഓവറി സിന്‍ഡ്രോം) ഉണ്ടാകാനുള്ള സാധ്യത വളരെ കൂടുതലാണ്. ഇത് കൂടാതെ മറ്റ് ചില ഘടകങ്ങളും മുടി കൊഴിച്ചിലിന് കാരണമാകാം. മുടി വളര്‍ച്ചയ്ക്ക് ആവശ്യമായ പ്രോട്ടീന്റെ അഭാവമാണ് അവയില്‍ ഏറ്റവും പ്രധാനം. ഇത് കൂടാതെ സമ്മര്‍ദ്ദം, തൈറോയ്ഡ് പ്രശ്‌നം, ഇരുമ്പിന്റെ കുറവോ അനീമിയയോ എല്ലാം ഇത്തരത്തില്‍ മുടി കൊഴിച്ചിലിന് കാരണമാകുന്നുണ്ട്. അതുകൊണ്ട് അല്‍പം ശ്രദ്ധിക്കണം.

അറ്റം പിളര്‍ന്ന മുടി

നിങ്ങളുടെ മുടിയുടെ അറ്റം പിളര്‍ന്ന അവസ്ഥയാണെങ്കില്‍ അല്‍പം ശ്രദ്ധിക്കേണ്ടതാണ്. ദുര്‍ബലമായ മുടി അല്ലെങ്കില്‍ അറ്റം പിളരുന്നത് നിങ്ങളുടെ ശരീരത്തില്‍ നിര്‍ജ്ജലീകരണം സംഭവിക്കുന്നു എന്നതിന്റെ സൂചനയാണ്. നിങ്ങള്‍ കൂടുതല്‍ വെള്ളം കുടിക്കേണ്ടത് വളരെ അത്യാവശ്യമാണ്. നിര്‍ജ്ജലീകരണം മുടി ഉണങ്ങാനും പൊട്ടാനും കാരണമാകും. ഇതെല്ലാം കൂടുതല്‍ വെല്ലുവിളികള്‍ ഉണ്ടാക്കുന്നുണ്ട്. മുടിയുടെ അറ്റം പിളരുന്നത് വിറ്റാമിന്‍ ബി 6, മഗ്‌നീഷ്യം, സിങ്ക് എന്നിവയുടെ കുറവുകളെയാണ് സൂചിപ്പിക്കുന്നത്. അതുകൊണ്ട് തന്നെ ഇത്തരം കാര്യങ്ങള്‍ എല്ലാം തന്നെ ശ്രദ്ധിക്കണം.

അകാല നര

അകാല നര പല വിധത്തിലുള്ള അസ്വസ്ഥതകള്‍ ഉണ്ടാക്കുന്നുണ്ട്. അതുകൊണ്ട് തന്നെ ഇത്തരം അവസ്ഥകള്‍ക്ക് പരിഹാരം കാണുന്നതിന് വേണ്ടി പല മാര്‍ഗ്ഗങ്ങളും പലരും പരതുന്നു. എന്നാല്‍ സ്‌ട്രെസ് ഹോര്‍മോണ്‍ പ്രശ്‌നങ്ങള്‍, കോപ്പര്‍ അല്ലെങ്കില്‍ ഫോളിക് ആസിഡിന്റെ കുറവ്, ബി വിറ്റാമിനുകളുടെ കുറവ് എന്നിവയുടെ ഫലം അകാല നരക്ക് കാരണമാകുന്നുണ്ട്. ഇത് നിസാരമെന്ന് കരുതി പലരും ഒഴിവാക്കി വിടുമ്പോള്‍ അത് കൂടുതല്‍ പ്രശ്‌നങ്ങളിലേക്കാണ് എത്തുന്നത്. പുകവലി കാരണവും അകാല നര ഉണ്ടാവുന്നതിനുള്ള സാധ്യതയുണ്ട്. അതിന് പരിഹാരം കാണുന്നതിന് വേണ്ടി കൂടുതല്‍ ആന്റിഓക്സിഡന്റുകളും മറ്റ് വിറ്റാമിനുകളും ധാതുക്കളും അടങ്ങിയ ഭക്ഷണങ്ങള്‍ കഴിക്കുന്നതിന് ശ്രദ്ധിക്കേണ്ടതാണ്. പോഷകസമൃദ്ധമായ ഭക്ഷണം കഴിക്കാന്‍ ശ്രമിക്കുക, പുകവലി ഉപേക്ഷിക്കുക എന്നതാണ് അകാലനരയെ ചെറുക്കുന്നതിന് ശ്രദ്ധിക്കേണ്ട കാര്യം.

ദുര്‍ബലമായ മുടി

നിങ്ങളുടെ മുടി ദുര്‍ബലമാണെങ്കില്‍ അത് അല്‍പം ശ്രദ്ധിക്കേണ്ടതാണ്. കാരണം ഇത് മുടിയുടെ മാറ്റം പ്രശ്‌നമല്ല. അത് സൂചിപ്പിക്കുന്നത് ശരീരത്തില്‍ രക്താതിമര്‍ദ്ദം, വിറ്റാമിന്‍ ഡിയുടെ കുറവ്, വൈറ്റമിന്‍ എയുടെ കുറവ് മുതലായവ മൂലമാകാം. അതുകൊണ്ട് തന്നെ അല്‍പം ശ്രദ്ധിക്കേണ്ടതാണ്. ഇത്തരം അവസ്ഥയില്‍ ദുര്‍ബലമായ മുടി വെറും എണ്ണ കൊണ്ട് മാത്രം ഒഴിവാക്കാന്‍ സാധിക്കുന്നതല്ല. ഇത് നിങ്ങളുടെ ആരോഗ്യത്തെക്കൂടിയാണ് സൂചിപ്പിക്കുന്നത്. അതുകൊണ്ട് വളരെയധികം ശ്രദ്ധിക്കണം.

എണ്ണമയമുള്ളമുടി

എത്ര എണ്ണ കഴുകിക്കളഞ്ഞാലും മുടിയിലെ എണ്ണമയം പൂര്‍ണമായും മാറാത്ത അവസ്ഥയുണ്ടെങ്കില്‍ അത് അല്‍പം ശ്രദ്ധിക്കേണ്ടതാണ്. സിങ്ക്, വൈറ്റമിന്‍ സി, ഫോളിക് ആസിഡ്, വിറ്റാമിന്‍ ബി6 എന്നിവയുടെ കുറവുകള്‍ മൂലമാണ് ഇവ പ്രധാനമായും സംഭവിക്കുന്നത്. ഒരാളുടെ ശരീരത്തില്‍ എന്തെങ്കിലും കുഴപ്പമുണ്ടെങ്കില്‍, അത് ആദ്യം പ്രതിഫലിപ്പിക്കുന്ന സ്ഥലങ്ങളില്‍ ഒന്ന് മുടിയാണ്. അതിനാല്‍, മുടിയുടെ ആരോഗ്യം നിങ്ങളുടെ ശരീരത്തിന്റെ ആരോഗ്യം അളക്കുന്നതിനുള്ള നല്ലൊരു ബാരോമീറ്ററാണ് എന്ന കാര്യത്തില്‍ സംശയം വേണ്ട. അതുകൊണ്ട് മുടിയുടെ ആരോഗ്യം സൂക്ഷ്മമായി നിരീക്ഷിക്കേണ്ടതാണ്.