ഒരുമാസം മുന്നേറയറിയാം ഹൃദ്രോഗ സാധ്യത; ലക്ഷണം

പരിചിതമല്ലാത്ത ക്ഷീണം

നിങ്ങള്‍ക്ക് പരിചിതമല്ലാത്ത തരത്തിലുള്ള ഒരു ക്ഷീണം തോന്നുന്നുണ്ടോ? എങ്കില്‍ അത് സൂചിപ്പിക്കുന്നത് ആസന്നമായ ഹൃദയാഘാതത്തിന്റെ പ്രധാന ലക്ഷണങ്ങളിലൊന്നാണ് എന്നുള്ളതാണ്. പുരുഷന്മാരേക്കാള്‍ സ്ത്രീകളാണ് ഇത്തരം രോഗലക്ഷണങ്ങള്‍ റിപ്പോര്‍ട്ട് ചെയ്യുന്നത്. ശാരീരികമോ മാനസികമോ ആയ പ്രവര്‍ത്തികളല്ല ഇത്തരം തളര്‍ച്ചയ്ക്ക് കാരണം, ഇത് ദിവസാവസാനത്തോടെ വര്‍ദ്ധിക്കുകയും ചെയ്യുന്നുണ്ട്. ഈ ലക്ഷണം വളരെ വ്യക്തമാണ്, അത് ശ്രദ്ധിക്കപ്പെടില്ല. ചിലപ്പോള്‍ കിടക്കുന്നതിലൂടേയും അല്ലെങ്കില്‍ ഒന്ന് കുളിക്കുന്നതിലൂടേയും ഈ പ്രശ്‌നത്തെ നമുക്ക് ഇല്ലാതാക്കാന്‍ സാധിക്കുന്നുണ്ട്.

വയറു വേദന

വയറു വേദന ഒരു സാധാരണ ലക്ഷണമാണ്. എന്നാല്‍ ഒരിക്കലും അവഗണിക്കാന്‍ പാടില്ലാത്ത ലക്ഷണങ്ങളില്‍ പ്രധാനപ്പെട്ടത് തന്നെയാണ് വയറുവേദന. ഒഴിഞ്ഞ വയറിലുണ്ടാവുന്ന തരത്തിലുള്ള വയറുവേദന, ഓക്കാനം അല്ലെങ്കില്‍ സാധാരണ വയറുവേദന എന്നിവ ഏറ്റവും സാധാരണമായ ലക്ഷണങ്ങളാണ്. സ്ത്രീകള്‍ക്കും പുരുഷന്മാര്‍ക്കും ഒരുപോലെ സംഭവിക്കാന്‍ സാധ്യതയുണ്ട്. ഹൃദയാഘാതത്തിന് മുമ്പുള്ള വയറുവേദനയ്ക്ക് എപ്പിസോഡിക് സ്വഭാവമുണ്ട്, ലഘൂകരിക്കുകയും പിന്നീട് ചുരുങ്ങിയ സമയത്തേക്ക് മടങ്ങുകയും ചെയ്യുന്നു. എന്നല്‍ ശാരീരിക പിരിമുറുക്കം ഇതിനെ വര്‍ദ്ധിപ്പിക്കുന്നതാണ്.

ഉറക്കമില്ലായ്മ

ഉറക്കമില്ലായ്മ ഉള്ളവരില്‍ ഹൃദയാഘാതമോ അതോടനുബന്ധിച്ചുള്ള പ്രശ്‌നങ്ങളോ ഉണ്ടാകാനുള്ള സാധ്യത കൂടുതലാണ്. ഇത് സ്ത്രീകള്‍ക്കിടയില്‍ കൂടുതലായി കണ്ടുവരുന്നു. ഉറക്കമില്ലായ്മ സവിശേഷതകളില്‍ പലപ്പോഴും ഉയര്‍ന്ന തലത്തിലുള്ള ഉത്കണ്ഠയും അസാന്നിധ്യവും ഉള്‍പ്പെടുന്നു. ഉറക്കം ആരംഭിക്കുന്നതിനുള്ള ബുദ്ധിമുട്ട്, ഉറക്കം നിലനിര്‍ത്താന്‍ ബുദ്ധിമുട്ട്, അതിരാവിലെ ഉണരുക എന്നിവ ലക്ഷണങ്ങളില്‍ ഉള്‍പ്പെടുന്നു. അതുകൊണ്ട് ഇത്തരം ലക്ഷണങ്ങളെ നിസ്സാമാക്കി വിടരുത് എന്നുള്ളതാണ് ശ്രദ്ധിക്കേണ്ട കാര്യം.

ശ്വസിക്കാനുള്ള ബുദ്ധിമുട്ട്

ശ്വാസം എടുക്കാന്‍ കഴിയാത്തതിന്റെ ശക്തമായ പ്രതിസന്ധിയാണ് ഡിസ്പ്നിയ അഥവാ ശ്വാസോച്ഛ്വാസം. ഹൃദയാഘാതം ഉണ്ടാകുന്നതിന് 6 മാസം മുന്‍പ് വരെ ഇത് പലപ്പോഴും പുരുഷന്മാര്‍ക്കും സ്ത്രീകള്‍ക്കും ഇടയില്‍ സംഭവിക്കാറുണ്ട്. ഇത് സാധാരണയായി ഒരു മെഡിക്കല്‍ അവസ്ഥയുടെ മുന്നറിയിപ്പ് അടയാളമാണ്. അതുകൊണ്ട് വളരെയധികം ശ്രദ്ധിക്കേണ്ടതുണ്ട്. നിങ്ങള്‍ക്ക് ആവശ്യത്തിന് ഓക്‌സിജന്‍ ലഭിച്ചില്ലെങ്കില്‍ അത് തലകറക്കം, ശ്വാസം മുട്ടല്‍ എന്നിവക്കും കാരണമാകുന്നുണ്ട്. ഇത്തരം കാര്യങ്ങള്‍ വളരെയധികം ശ്രദ്ധിക്കേണ്ടതാണ്.

അമിതമായി മുടി കൊഴിയുന്നത്

മുടി കൊഴിയുന്നത് ഹൃദ്രോഗ സാധ്യതയുടെ മറ്റൊരു സൂചനയായി കണക്കാക്കപ്പെടുന്നു. സാധാരണയായി ഇത് 50 വയസ്സിനു മുകളിലുള്ള പുരുഷന്മാരെ ബാധിക്കുന്നു, പക്ഷേ ചില സ്ത്രീകള്‍ അപകടസാധ്യതയുള്ള ഗ്രൂപ്പിലുണ്ടാകാം. കോര്‍ട്ടിസോള്‍ എന്ന ഹോര്‍മോണിന്റെ വര്‍ദ്ധിച്ച നിലയുമായി കഷണ്ടിയും ബന്ധപ്പെട്ടിരിക്കുന്നു. അതുകൊണ്ട് തലയില്‍ നിന്ന് മുടി കൊഴിയുന്നതിനെക്കുറിച്ച് വളരെയധികം ശ്രദ്ധിക്കേണ്ടതാണ്. ഇത്തരം കാര്യങ്ങള്‍ ശ്രദ്ധിച്ചില്ലെങ്കില്‍ അത് കൂടുതല്‍ അപകടത്തിലേക്ക് നിങ്ങളെ എത്തിക്കുന്നുണ്ട്.

കൃത്യമല്ലാത്ത ഹൃദയ സ്പന്ദന നിരക്ക്

കൃത്യമല്ലാത്ത രീതിയില്‍ ഹൃദയ സ്പന്ദന നിരക്ക് ഉണ്ടെങ്കില്‍ അത് അല്‍പം ശ്രദ്ധിക്കേണ്ടതാണ്. പ്രത്യേകിച്ച് സ്ത്രീകള്‍ക്കിടയില്‍. ഇത് അപ്രതീക്ഷിതമായി പ്രത്യക്ഷപ്പെടുകയും സ്വയം വെളിപ്പെടുത്തുകയും ചെയ്യുന്നു: അരിഹ്മിയ (ക്രമരഹിതമായ ഹൃദയമിടിപ്പ്) അല്ലെങ്കില്‍ ടാക്കിക്കാര്‍ഡിയ (വര്‍ദ്ധിച്ച ഹൃദയമിടിപ്പ്). ശാരീരിക വ്യായാമങ്ങള്‍ ഹൃദയമിടിപ്പിന്റെ വര്‍ദ്ധനവിന് ഒരു അധിക ഉത്തേജനം നല്‍കിയേക്കാം, പ്രത്യേകിച്ച് രക്തപ്രവാഹത്തിന് കാരണമാകുന്ന കേസുകളില്‍. എന്നാല്‍ സാധാരണ അവസ്ഥയില്‍ ക്രമരഹിതമായ ഹൃദയമിടിപ്പ് 1-2 മിനിറ്റ് നീണ്ടുനില്‍ക്കും. അത് പിന്നീട് സാധാരണ അവസ്ഥയിലേക്ക് എത്തിയില്ലെങ്കില്‍ അപകടമാണ്. അതോടൊപ്പം തന്നെ നിങ്ങള്‍ക്ക് തലകറക്കവും കടുത്ത ക്ഷീണവും അനുഭവപ്പെടുന്നുണ്ടെങ്കില്‍ ഉടന്‍ തന്നെ ഡോക്ടറെ കാണാന്‍ ശ്രദ്ധിക്കേണ്ടതാണ്.

അമിതമായി വിയര്‍ക്കുന്നത്

അസാധാരണമോ അമിതമോ ആയ വിയര്‍പ്പ് ഹൃദയാഘാതത്തിന്റെ ആദ്യകാല മുന്നറിയിപ്പ് ലക്ഷണമാണ്. പകലോ രാത്രിയോ ഏത് സമയത്തും ഇത് സംഭവിക്കാം. ഈ ലക്ഷണം സ്ത്രീകളെ കൂടുതലായി ബാധിക്കുന്നു. സാധാരണയായി ആര്‍ത്തവവിരാമത്തിന്റെ സമയത്താണ് ഇത്തരം ലക്ഷണങ്ങള്‍ കൂടുതല്‍ കാണപ്പെടുന്നത്. പനിയുണ്ടെങ്കില്‍ പോലും ശരീരത്തില്‍ വിയര്‍പ്പ് കൂടുതലാണ് എന്നുണ്ടെങ്കില്‍ അല്‍പം ശ്രദ്ധിക്കേണ്ടതാണ്. ഇത്തരം കാര്യങ്ങള്‍ വളരെയധികം വെല്ലുവിളികള്‍ ഉയര്‍ത്തുന്നതാണ്. അതുകൊണ്ട് തന്നെ വളരെയധികം ശ്രദ്ധിക്കണം.

ഇടക്കിടെ നെഞ്ച് വേദന

പുരുഷന്മാരും സ്ത്രീകളും വ്യത്യസ്ത തീവ്രതയിലും രൂപങ്ങളിലും നെഞ്ചുവേദന അനുഭവിക്കുന്നു. പുരുഷന്മാരില്‍, ഈ ലക്ഷണം വരാനിരിക്കുന്ന ഹൃദയാഘാതത്തിന്റെ ഏറ്റവും പ്രധാനപ്പെട്ട ആദ്യകാല അടയാളങ്ങളെ സൂചിപ്പിക്കുന്നു, അത് അവഗണിക്കരുത്. മറുവശത്ത്, ഇത് 30% സ്ത്രീകളെ മാത്രമേ ബാധിക്കുകയുള്ളൂ. നെഞ്ചുവേദന രണ്ട് തോളുകളിലും അതോടനുബന്ധിച്ച് താഴത്തെ താടിയെല്ല്, കഴുത്ത്, തോളുകള്‍ എന്നിവയെല്ലാം വേദനിക്കുന്നതായി അനുഭവപ്പെടും. അതുകൊണ്ട് ഇത്തരം കാര്യങ്ങള്‍ ഒരിക്കലും നിസ്സാരമായി എടുക്കരുത്.