വെസ്റ്റ്‌നൈല്‍ പനി ബാധിച്ച് മരിച്ചു: കരുതിയിരിക്കുക രോഗവും ലക്ഷണങ്ങളും

എന്താണ് വെസ്റ്റ് നൈല്‍ വൈറസ്?

എന്താണ് വെസ്റ്റ്‌നൈല്‍ വൈറസ് എന്നുള്ളത് പലര്‍ക്കും അറിയില്ല. ആദ്യമായി 1937-ലാണ് ഉഗാണ്ടയില്‍ ആദ്യമായി വെസ്റ്റ് നൈല്‍ വൈറസ് കണ്ടെത്തിയത്. ക്യുലക്‌സ് കൊതുകാണ് ഈ വൈറസ് പരത്തുന്നത്. ഇത് ഒരു ആര്‍എന്‍എ വൈറസാണ്. മുതിര്‍ന്നവരെയാണ് ഈ രോഗം പ്രധാനമായും ബാധിക്കുന്നത്. അതുകൊണ്ട് തന്നെ ഇത്തരം കാര്യങ്ങള്‍ അല്‍പം ശ്രദ്ധിക്കണം. കൊതുക് കടിയില്‍ നിന്ന് അല്‍പം മുന്‍കരുതല്‍ എടുക്കുന്നതിന് രോഗപശ്ചാത്തലത്തില്‍ ഓരോരുത്തരും ശ്രദ്ധിക്കേണ്ടതാണ്.

രോഗം പടരുന്നത് എങ്ങനെ?

രോഗം പടരുന്നത് എങ്ങനെയെന്നത് അറിഞ്ഞിരിക്കണം. ഇത് പകരുന്നത് കൊതുകുലൂടെയാണ് എന്നതാണ് സത്യം. ഈ കൊതുകുകള്‍ പ്രധാനമായും ക്യൂലക്‌സ് ഇനത്തില്‍ പെട്ട കൊതുകുകളാണ് രോഗം പരത്തുന്നത്. ആദ്യം കൊതുകുകള്‍ രോഗബാധിതരായ പക്ഷികളില്‍ നിന്നുള്ള രക്തം എടുക്കുമ്പോളാണ് രോഗബാധയുണ്ടാകുന്നതെന്ന് ലോകാരോഗ്യ സംഘടനയുടെ പ്രസ്ഥാവനയില്‍ പറഞ്ഞിട്ടുണ്ട്. അത് പിന്നീട് കൊതുകിന്റെ രക്തത്തില്‍ തുടരുകയും പിന്നീട് ഈ വൈറസ് കൊതുകിന്റെ ഉമിനീരിലേക്ക് പ്രവേശിക്കുകയും ചെയ്യുന്നു. ഇതിനുശേഷം, രോഗം ബാധിച്ച കൊതുക് ഏതെങ്കിലും മനുഷ്യനെയോ മൃഗത്തെയോ കടിക്കുമ്പോള്‍ ആ വൈറസ് കടിയേറ്റ വ്യക്തിയുടെ ശരീരത്തിലേക്ക് എത്തുന്നു. മനുഷ്യശരീരത്തില്‍ പ്രവേശിച്ചതിനുശേഷം, വൈറസ് പെരുകുകയും അസുഖത്തിലേക്ക് എത്തുകുയം ചെയ്യുന്നുണ്ട്.

ലക്ഷണങ്ങള്‍

വെസ്റ്റ് നൈല്‍ രോഗം ബാധിച്ചാല്‍ അത് എന്തൊക്കെ ലക്ഷണങ്ങളെയാണ് പ്രകടമാക്കുന്നത് എന്നുള്ളത് പലര്‍ക്കും അറിയില്ല. അതുകൊണ്ട് തന്നെ രോഗത്തെ അത് പലപ്പോഴും കൃത്യസമയത്ത് രോഗനിര്‍ണയം നടത്തുന്ന അവസ്ഥയിലേക്ക് എത്തിക്കുന്നില്ല. എന്നാല്‍ രോഗബാധിതരില്‍ 80 ശതമാനത്തിലധികം പേരും പലപ്പോഴും വെസ്റ്റ് നൈല്‍ അണുബാധയുടെ ലക്ഷണങ്ങള്‍ കാണിക്കാത്തതാണ്. എന്നാല്‍ ബാക്കി വരുന്ന 20 ശതമാനം ആളുകളിലും രോഗലക്ഷണങ്ങള്‍ ഇനി പറയുന്നവയാണ്. ഇതിനെക്കുറിച്ച് നമുക്ക് നോക്കാവുന്നതാണ്. ഇതിനെക്കുറിച്ച് കൂടുതല്‍ അറിയുന്നതിന് വേണ്ടി ഈ ലേഖനം വായിക്കൂ.

ലക്ഷണങ്ങള്‍

പനി, തലവേദന, കടുത്ത ക്ഷീണം, പേശി വേദന അല്ലെങ്കില്‍ ശരീര വേദന, ഛര്‍ദ്ദി അല്ലെങ്കില്‍ ഓക്കാനം, ചര്‍മ്മത്തില്‍ ചുണങ്ങു, ഇത് കൂടാതെ വീര്‍ത്ത ലിംഫ് ഗ്രന്ഥികളും ശ്രദ്ധിക്കണം. എന്നാല്‍ ഗുരുതരമായ അവസ്ഥയില്‍ പലപ്പോഴും കഠിനമായ അണുബാധയും അല്ലെങ്കില്‍ എന്‍സെഫലൈറ്റിസ്, മെനിഞ്ചൈറ്റിസ്, പക്ഷാഘാതം എന്നിവ ഉള്‍പ്പെടുന്ന മരണം വരെയുള്ള അപകടത്തിലേക്ക് നിങ്ങളെ നയിക്കുന്നുണ്ട്. അതുകൊണ്ട് തന്നെ അല്‍പം ശ്രദ്ധിച്ച് വേണം ഇത്തരം ലക്ഷണങ്ങളെ കൈകാര്യം ചെയ്യുന്നതിന്. രോഗലക്ഷണങ്ങളെ ഒരിക്കലും നിസ്സാരമാക്കി വിടരുത് എന്നതാണ് ശ്രദ്ധിക്കേണ്ട കാര്യം.

എങ്ങനെ പ്രതിരോധിക്കാം

എങ്ങനെയാണ് ഇത്തരം രോഗങ്ങളെ പ്രതിരോധിക്കുക എന്നത് പലപ്പോഴും പലര്‍ക്കും അറിയില്ല. നമ്മുടെ പ്രതിരോധം കൊണ്ട് നമുക്ക് രോഗത്തെ ഒരു പരിധി വരെ തടയാവുന്നതാണ്. വെസ്റ്റ്‌നൈല്‍ കൊതുകാണ് ഇതിന്റെ കാരണക്കാരന്‍ എന്ന് നമുക്കറിയാം. അതുകൊണ്ട് രോഗത്തെ ഇല്ലാതാക്കുന്നതിന് വേണ്ടി നമുക്ക് ആദ്യം ശ്രദ്ധിക്കേണ്ടത് കൊതുകിനെ നശിപ്പിക്കുക എന്നതാണ്. കൊതുകിന്റെ ഉറവിടം ഇല്ലാതാക്കുന്നതിന് വേണ്ടി ശ്രദ്ധിക്കുക. ഇത് കൂടാതെ എന്തെങ്കിലും തരത്തിലുള്ള രോഗ ലക്ഷണങ്ങള്‍ കണ്ടാല്‍ അതിനെ ഒരിക്കലും നിസ്സാരവത്കരിക്കരുത്. ഉടനേ തന്നെ ഡോക്ടറെ കാണുന്നതിന് ശ്രദ്ധിക്കണം.