നെഞ്ചിലും പുറത്തും ചൂടുണ്ടോ? കോവിഡ്ബാധ സ്വയം മനസ്സിലാക്കാം

ലക്ഷണങ്ങള്‍ പരിശോധിക്കുക

കോവിഡ് 19 ലക്ഷണങ്ങള്‍ നേരത്തേ തിരിച്ചറിയുന്നതിലൂടെ നിങ്ങള്‍ക്കും നിങ്ങള്‍ക്ക് ചുറ്റുമുള്ളവരെയും വൈറസിന്റെ പിടിയില്‍ നിന്ന് രക്ഷിക്കാവുന്നതാണ്. മറ്റുള്ളവരുമായി സമ്പര്‍ക്കം കുറയ്ക്കാന്‍ ഇതിലൂടെ നിങ്ങള്‍ക്ക് സാധിക്കും. മിക്ക കോവിഡ് കേസുകളും ഇപ്പോഴും ലക്ഷണങ്ങളില്ലാത്തവയാണെങ്കിലും, നിങ്ങള്‍ക്ക് വൈറസ്ബാധ ഉണ്ടോ ഇല്ലയോ എന്ന് നിര്‍ണ്ണയിക്കാന്‍ കഴിയുന്ന ചില ലക്ഷണങ്ങള്‍ ഉണ്ട്.

ശരീര താപനില

കോവിഡ് ബാധയാണോ സാധാരണ പനിയാണോ നിങ്ങള്‍ക്ക് ഉള്ളത് എ്‌ന് കണ്ടെത്തുന്നത് എളുപ്പമുള്ള കാര്യമല്ല. കാരണം, കോവിഡ് രോഗലക്ഷണങ്ങള്‍ മറ്റ് രോഗങ്ങളുടെ ലക്ഷണങ്ങളുമായി സാമ്യമുള്ളവയാകാം. കോവിഡ് സിംപ്റ്റം സ്റ്റഡി ആപ്ലിക്കേഷന്‍ അനുസരിച്ച്, നിങ്ങളുടെ ശരീര താപനില മനസ്സിലാക്കുന്നതിലൂടെ നിങ്ങള്‍ക്ക് വൈറസ്ബാധ ഉണ്ടോ ഇല്ലയോ എന്ന് കണ്ടെത്താന്‍ സഹായിക്കും. നിങ്ങളുടെ ശരീര താപനില സാധാരണ ശരീര താപനിലയേക്കാള്‍ കൂടുതലാണെങ്കില്‍, ഇത് കോവിഡ് 19 ന്റെ സൂചനകളാണ്. ഇതുകൂടാതെ, ചിലപ്പോള്‍ നിങ്ങള്‍ക്ക് പനി കാരണം കുളിര് അനുഭവപ്പെടാമെന്നും പറയുന്നു.

നെഞ്ചിലും പുറത്തും ചൂട്

അതുപോലെ, യുകെയുടെ കോവിഡ് സിംപ്റ്റം സ്റ്റഡി ആപ്ലിക്കേഷന്‍ അനുസരിച്ച്, ഒരാള്‍ക്ക് അവരുടെ നെഞ്ചിലും പുറത്തും സ്പര്‍ശിച്ച് കോവിഡ് ലക്ഷണം തിരിച്ചറിയാന്‍ കഴിയും. നെഞ്ചിലും പുറത്തും അസ്വാഭാവികമായ ചൂട് അനുഭവപ്പെടുന്നുണ്ടെങ്കില്‍ നിങ്ങള്‍ക്ക് വൈറസ് ബാധിച്ചതായി മനസ്സിലാക്കാം.

കോവിഡിന്റെ പുതിയ ലക്ഷണങ്ങള്‍

മാഡ്രിഡിലെ ഒരു പഠനമനുസരിച്ച്, രോഗിയുടെ നാവിലും കൈയിലും കാലിലും കോവിഡ് 19 ന്റെ മുന്നറിയിപ്പ് ലക്ഷണങ്ങള്‍ കണ്ടെത്താന്‍ കഴിയും. വൈറസ് ബാധിച്ച 666 രോഗികളില്‍ നടത്തിയ ഗവേഷണത്തില്‍ നാലില്‍ ഒരാള്‍ക്ക് നാവ് വീര്‍ക്കുന്നതായും കൈപ്പത്തിയില്‍ പൊള്ളുന്ന അനുഭവം ഉള്ളതായും പാദത്തിന് അടിയില്‍ ചുവപ്പുനിറമുള്ളതായും നിരീക്ഷിച്ചിട്ടുണ്ട്.

നാവ് വീര്‍ക്കുന്നു

കോവിഡ് രോഗികളില്‍ വായില്‍ ഗുരുതരമായ അണുബാധ റിപ്പോര്‍ട്ട് ചെയ്യപ്പെട്ടിട്ടുണ്ട്. ഇത് നാക്കില്‍ വെളുത്ത പാടുകളും വീക്കവും ഉണ്ടാക്കുന്നു. ഈ അപൂര്‍വ അവസ്ഥയെ പല ശാസ്ത്രജ്ഞരും മെഡിക്കല്‍ പ്രൊഫഷണലുകളും 'കോവിഡ് നാവ്' എന്ന് വിളിക്കുന്നു. ഇത് കോവിഡിന്റെ മറ്റൊരു സാധാരണ ലക്ഷണമായ രുചിബോധം നഷ്ടപ്പെടുന്നതുമായി ബന്ധപ്പെട്ടിരിക്കുന്നു.

കോവിഡ് 19 ന്റെ സാധാരണ ലക്ഷണങ്ങള്‍

കൊറോണ വൈറസ് പൊട്ടിപ്പുറപ്പെട്ടതു മുതല്‍ക്കേ ആളുകള്‍ വ്യത്യസ്തമായ വൈറസ്ബാധാ ലക്ഷണങ്ങള്‍ അനുഭവിക്കുന്നു. ലക്ഷണങ്ങളുടെ പട്ടിക വര്‍ദ്ധിച്ചുകൊണ്ടിരിക്കുന്നുണ്ടെങ്കിലും, ഏറ്റവും സാധാരണമായ ലക്ഷണങ്ങള്‍ അതേപടി തുടരുന്നുണ്ട്. അതിനാല്‍ ഈ ലക്ഷണങ്ങള്‍ ഉണ്ടെങ്കില്‍ നേരത്തേ തന്നെ വിദഗ്ധ ചികിത്സ തേടുക. ഏറ്റവും സാധാരണമായ ചില കോവിഡ് 19 ലക്ഷണങ്ങളില്‍ ചിലത് ഇതാ.

* പനി

* വരണ്ട ചുമ

* തൊണ്ടവേദന

* മൂക്കൊലിപ്പ്

* നെഞ്ചുവേദനയും ശ്വാസം മുട്ടലും

* ക്ഷീണം

* ദഹനനാളത്തില്‍ അണുബാധ

* മണം, രുചി എന്നിവ നഷ്ടപ്പെടല്‍

മുന്‍കരുതല്‍

നാഷണല്‍ ഹെല്‍ത്ത് സര്‍വീസസ് (എന്‍.എച്ച്.എസ്) അനുസരിച്ച് നിങ്ങള്‍ക്ക് കോവിഡ് പോസിറ്റീവ് സ്ഥിരീകരിച്ചാല്‍ നിങ്ങള്‍ ധാരാളം വെള്ളം കുടിക്കേണ്ടതുണ്ട്. ക്വാറന്റൈനില്‍ തുടരുമ്പോള്‍ നിങ്ങളുടെ ഭക്ഷണക്രമവും മാറ്റേണ്ടതുണ്ട്. പോഷകസമ്പുഷ്ടമായ, രോഗപ്രതിരോധശേഷി വര്‍ധിപ്പിക്കുന്ന ഭക്ഷണങ്ങള്‍ വേണം കഴിക്കാന്‍. ചില മരുന്നുകള്‍ കൊറോണ വൈറസിനെ കൂടുതല്‍ വഷളാക്കുമെന്ന് റിപ്പോര്‍ട്ടുകള്‍ സൂചിപ്പിക്കുന്നു. അതിനാല്‍ മരുന്നുകള്‍ കഴിക്കുന്നവര്‍ അവരുടെ ഡോക്ടര്‍മാരുമായി ബന്ധപ്പെടുക.