ആര്‍ത്തവനാളില്‍ വയറ് വീര്‍ത്ത് അസ്വസ്ഥതയുണ്ടോ; വീട്ടുവൈദ്യങ്ങളിതാ

വയറ് വീര്‍ക്കുന്നത് എന്തുകൊണ്ട്?

വയറ് വീര്‍ക്കുന്നത് എന്തുകൊണ്ട് എന്നതാണ് ആദ്യം മനസ്സിലാക്കേണ്ടത്. വയറ്റില്‍ ദ്രാവകം അല്ലെങ്കില്‍ വാതതം നിലനില്‍ക്കുമ്പോഴാണ് വീക്കാം സംഭവിക്കുന്നത്. ആര്‍ത്തവത്തിന് മുന്‍പും ശേഷവും വയറ് വീര്‍ക്കുന്നതിന് കാരണം ഇതാണ്. പലപ്പോഴും പ്രോജസ്റ്റിറോണ്‍ ഈസ്ട്രജന്‍ എന്നീ ഹോര്‍മോണുകളുടെ ഏറ്റക്കുറച്ചിലുകള്‍ നിങ്ങളുടെ ആര്‍ത്തവ സമയത്ത് അല്‍പം കൂടുതലായിരിക്കും. ഇതാണ് നിങ്ങളുടെ ശരീരത്തില്‍ ദ്രാവകാവസ്ഥ വര്‍ദ്ധിക്കുന്നതിന് കാരണമാകുന്നത്. അത് മാത്രമല്ല ഈ സമയം ചില ഭക്ഷണങ്ങള്‍ കഴിക്കുന്നതിലൂടെ അത് നിങ്ങളുടെ ആര്‍ത്തവ പ്രശ്‌നങ്ങള്‍ക്ക് പരിഹാരം കാണുന്നതിനും സഹായിക്കുന്നു.

ഇഞ്ചി

ഏത് ആരോഗ്യ പ്രശ്‌നത്തിനും ഒരു കഷ്ണം ഇഞ്ചി നല്‍കുന്ന ആശ്വാസം നിസ്സാരമല്ല. ഇത് നിങ്ങളുടെ ആര്‍ത്തവ പ്രതിസന്ധികളെ എല്ലാം തന്നെ ഇല്ലാതാക്കുകയും ആരോഗ്യമുള്ള ഒരു ആര്‍ത്തവ കാലം നല്‍കുകയും ചെയ്യുന്നു. കാരണം ഇഞ്ചിയിലുള്ള ആന്റി-ഇന്‍ഫ്‌ലമേറ്ററി ഗുണങ്ങള്‍ തന്നെയാണ് നമ്മുടെ ആര്‍ത്തവ അസ്വസ്ഥതകളെ പ്രതിരോധിക്കാന്‍ സഹായിക്കുന്നത്. ഇഞ്ചിയില്‍ അടങ്ങിയിട്ടുള്ള ഗുണങ്ങള്‍ നിങ്ങളുടെ ആരോഗ്യത്തിന് സഹായിക്കുന്നതോടൊപ്പം തന്നെ മികച്ച ഗുണങ്ങളും നല്‍കുന്നു എന്ന് നമുക്ക് ഉറപ്പിച്ച് പറയാന്‍ സാധിക്കും. ഇഞ്ചിയുടെ ഗുണങ്ങള്‍ പേശികളുടെ ആരോഗ്യത്തിനും സഹായിക്കുന്നു.

അയമോദകം

ആരോഗ്യ സംരക്ഷണത്തിന്റെ കാര്യത്തില്‍ അയമോദകം വഹിക്കുന്ന പങ്ക് നിസ്സാരമല്ല. ഇത് നിങ്ങളുടെ ആരോഗ്യം സംരക്ഷിക്കുന്നതോടൊപ്പം തന്നെ ആര്‍ത്തവ സമയത്തുണ്ടാവുന്ന വയറു വേദനക്കും പരിഹാരം കാണുന്നതിന് സഹായിക്കുന്നു. ഇതിലുള്ള തൈമോള്‍ എന്ന സംയുക്തം, ഇത് ഗ്യാസ്ട്രിക് ജ്യൂസുകള്‍ സ്രവിക്കുകയും ഗ്യാസ്, വയറുവേദന, മലബന്ധം എന്നിവ ഇല്ലാതാക്കാനും സഹായിക്കുന്നുണ്ട്. അതുകൊണ്ട് തന്നെ ദിവസവും ഇത് കഴിക്കുന്നതിലൂടെ ആര്‍ത്തവ അസ്വസ്ഥതകളെ ഒതുക്കുന്നതിനും സഹായിക്കുന്നു.

പെരുംജീരകം

പെരുംജീരകം ആരോഗ്യത്തിന് എന്തുകൊണ്ടും മികച്ചതാണ് എന്ന് നമുക്കറിയാം. ഇത് വെള്ളം തിളപ്പിച്ച് കുടിക്കുന്നത് ആരോഗ്യ പ്രശ്‌നങ്ങള്‍ നേരിടുന്ന ഏതൊരാള്‍ക്കും മികച്ചതാണ്. പെരുംജീരകം നിങ്ങളുടെ ദഹനനാളത്തിന് നല്‍കുന്ന ഗുണങ്ങള്‍ നിസ്സാരമല്ല എന്നത് നമുക്കറിയാം. പെരുംജീരകം കലര്‍ത്തിയ വെള്ളം കുടിക്കുന്നതിലൂടെ ആരോഗ്യം സംരക്ഷിക്കപ്പെടും എന്ന് നിങ്ങള്‍ക്ക് ഉറപ്പിച്ച് പറയാന്‍ സാധിക്കും. ആരോഗ്യത്തിന് വെല്ലുവിളി ഉയര്‍ത്തുന്ന പല പ്രതിസന്ധികളേയും ഒരു കപ്പ് വെള്ളത്തിലൂടെ നമുക്ക് ഇല്ലാതാക്കാന്‍ സാധിക്കും.

ശര്‍ക്കര

വയറുവീര്‍ക്കുന്ന അസ്വസ്ഥത ഉണ്ടെങ്കില്‍ അതിന് പരിഹാരം കാണുന്നതിന് ശര്‍ക്കര മികച്ച ഓപ്ഷനാണ്. കാരണം ഇതിലുള്ള ഉയര്‍ന്ന പൊട്ടാസ്യവും കുറഞ്ഞ സോഡിയത്തിന്റെ അംശവും ഇത്തരം പ്രതിസന്ധികളെ പൂര്‍ണമായും ഇല്ലാതാക്കുന്നതിന് സഹായിക്കുന്നു. ഇത് മാത്രമല്ല ശരീര വണ്ണം കുറക്കുന്നതിനും ഇത് സഹായിക്കുന്നു. ശരീര കോശങ്ങളിലെ ആസിഡ് ബാലന്‍സ് നിലനിര്‍ത്തുന്നതിന് ശര്‍ക്കര സഹായിക്കുന്നു. ഇതിലൂടെ വയറ് വീര്‍ക്കുന്നത് മൂലം ഉണ്ടാവുന്ന വേദനയും അസ്വസ്ഥതയും ഇല്ലാതാവുന്നു. ആരോഗ്യ പ്രശ്‌നങ്ങളില്‍ വെല്ലുവിളി ഉയര്‍ത്തുന്ന ഇത്തരം അവസ്ഥകളില്‍ ശര്‍ക്കര ഒരു മികച്ച തിരഞ്ഞെടുപ്പാണ് എന്ന കാര്യത്തില്‍ സംശയം വേണ്ട.

വാഴപ്പഴം

ഏത് വയറുവേദനയേയും അസ്വസ്ഥതയേയും ഇല്ലാതാക്കുന്നതിന് വാഴപ്പഴം സഹായിക്കുന്നു. വാഴപ്പഴത്തില്‍ ബി 6, പൊട്ടാസ്യം എന്നിവ ധാരാളം അടങ്ങിയിട്ടുണ്ട്, ഇത് വെള്ളം കെട്ടിനില്‍ക്കുന്നത് തടയുകയും വയറ് വീര്‍ക്കുന്നതിനെ പ്രതിരോധിക്കുകയും ചെയ്യുന്നു. ഇതിലൂടെ നിങ്ങള്‍ക്ക് മലബന്ധം ഒഴിവാക്കുന്നതിനും സാധിക്കുന്നു. സോഡിയം പുറന്തള്ളുന്നതിന് വൃക്കകളെ സഹായിക്കുന്നതാണ് പൊട്ടാസ്യം. വാഴപ്പഴത്തില്‍ ധാരാളം പൊട്ടാസ്യം അടങ്ങിയിട്ടുണ്ട്. ഇത് രക്തസമ്മര്‍ദ്ദം കുറക്കുന്നതിനും ആരോഗ്യത്തിനും സഹായിക്കുന്നു. വാഴപ്പഴം അതുകൊണ്ട് തന്നെ ദിവസവും കഴിക്കാവുന്നതാണ്.