പവനമുക്താസനം: നടുവേദന തീവ്രമെങ്കിലും മാറ്റാം: സുഖകരമായ ദഹനവും

യോഗ ചെയ്യുമ്പോള്‍ പവനമനുക്താസനം ചെയ്യുന്നതിന്റെ പ്രാധാന്യത്തെക്കുറിച്ച് പലരും കേട്ടിട്ടുണ്ടാവും. എന്നാല്‍ പവനമുക്താസനം എപ്പോള്‍ ചെയ്യണം, എങ്ങനെ ചെയ്യണം, ആരെല്ലാം ചെയ്യണം, ആരൊക്കെ ചെയ്യരുത് എന്നതിനെക്കുറിച്ച് പലര്‍ക്കും അറിയില്ല. നിങ്ങളിലെ കുടലില്‍ കുടുങ്ങിയ വാതകം പുറത്ത് കളയുന്ന പോസാണ് പവനമുക്താസനം എന്ന് അറിയപ്പെടുന്നത്. പവനമുക്താസനും അര്‍ദ്ധപവനമുക്താസനവും നിങ്ങളുടെ ആരോഗ്യത്തിന് വളരെ മികച്ചതാണ്.

ദഹന പ്രശ്‌നങ്ങളില്‍ നിന്ന് മാത്രമല്ല ശരീരത്തിനേയും മനസ്സിനേയും സമ്മര്‍ദ്ദങ്ങളില്‍ നിന്ന് മോചിപ്പിക്കുന്നതിനും പവനമുക്താസനം സഹായിക്കുന്നു. രാവിലെ എഴുന്നേല്‍ക്കുമ്പോള്‍ തന്നെ ഈ ആസനം ചെയ്യുന്നത് നല്ലതാണ്. ഇത് നിങ്ങളുടെ ആ ദിവസത്തെ മുന്നോട്ടുള്ള സമയത്തിന് മികച്ചതാണ്. ദിവസം മുഴുവന്‍ ഊര്‍ജ്ജസ്വലതയോടെ ഇരിക്കുന്നതിനും ആരോഗ്യത്തോടെ നിലനില്‍ക്കുന്നതിനും നിങ്ങളെ സഹായിക്കുന്നു പവനമുക്താസനം.

എങ്ങനെ തയ്യാറെടുക്കാം

വജ്രാസനം ഒഴികേയുള്ള യോഗ പോസുകളെല്ലാം തന്നെ വെറും വയറ്റില്‍ ചെയ്യുന്നതിന് ശ്രദ്ധിക്കണം. ഒരിക്കലും ഭക്ഷണം കഴിച്ച ഉടനേ യോഗ ചെയ്യരുത്. എന്നാല്‍ വജ്രാസനം നിങ്ങള്‍ക്ക് ഭക്ഷണം കഴിച്ച ശേഷം ചെയ്യാവുന്ന യോഗ പോസാണ്. മറ്റ് അവസ്ഥകളില്‍ രണ്ട് മണിക്കൂര്‍ ശേഷമെങ്കിലും ഇടവേള എടുത്തതിന് ശേഷമേ യോഗ ചെയ്യാവു. അതുകൊണ്ട് തന്നെ അതിരാവിലെ പ്രാക്ടീസ് ചെയ്യുന്നതാണ് നല്ലത്. നിങ്ങളുടെ കുടലും മൂത്രസഞ്ചിയും ഈ ആസനം ചെയ്യുന്ന സമയത്ത് ഫ്രീ ആയിരിക്കണം എന്നതാണ് ശ്രദ്ധിക്കേണ്ട കാര്യം.

ചെയ്യേണ്ടത് എങ്ങനെ?

ആദ്യം കാലുകള്‍ നീട്ടി വെച്ച് മലര്‍ന്ന് കിടക്കുക. ശേഷം കൈകള്‍ രണ്ടും ശരീരത്തോട് ചേര്‍ത്തു വെക്കുക. പിന്നീട് തല, നട്ടെല്ല്, കഴുത്ത് എന്നിവയെല്ലാം കൃത്യമായി വെക്കുന്നതിന് ശ്രദ്ധിക്കുക. പിന്നീട് വലത് കാല്‍ പതിയേ ഉയര്‍ത്തുക. പിന്നീട് മുട്ട് മടക്കി ഇരുകൈകളും കൊണ്ട് കാല്‍ ചുറ്റിപ്പിടിക്കുക. കാല്‍ പരമാവധി ശരീരത്തില്‍ അടിവയറ്റിലേക്ക് അടുപ്പിക്കുന്നതിന് ശ്രദ്ധിക്കുക. കാല്‍മുട്ടുകള്‍ നെഞ്ചില്‍ സ്പര്‍ശിക്കത്തക്ക വിധത്തില്‍ വരുന്നു. പിന്നീട് സാധാരണ പോലെ ശ്വാസമെടുക്കുക. നിങ്ങളുടെ ശരീരത്തിന്റെ മുകള്‍ ഭാഗം പതുക്കേ ഉയര്‍ത്തി കാല്‍മുട്ടില്‍ താടിയോ നെറ്റിയോ മുട്ടിക്കാന്‍ ശ്രദ്ധിക്കുക. സാവധാനം ശ്വാസം എടുത്ത് തലഭാഗം താഴ്ത്തുക. പിന്നീട് കൈകള്‍ വിട്ട് കാല്‍ പതുക്കെ നിവര്‍ത്തി പതുക്കെ താഴേവെക്കാവുന്നതാണ്. ഇടത് ഭാഗത്തും ഇത് വീണ്ടും ആവര്‍ത്തിക്കാം. ഇതിനെ അര്‍ദ്ധപവനമുക്താസനം എന്നാണ് പറയുന്നത്. എന്നാല്‍ ഇത് രണ്ട് കാലുകളും ഒരേ സമയം ഉയര്‍ത്തിയും ചെയ്യാവുന്നതാണ്. ഇതിനെ പവനമുക്താസനം എന്നാണ് പറയുന്നത്.

ഗുണങ്ങള്‍

നടുവേദന കൊണ്ട് കഷ്ടപ്പെടുന്നവരാണോ നിങ്ങള്‍ എന്നാല്‍ ഏത് കഠിന നടുവേദനയേയും ഇല്ലാതാക്കുന്നതാണ് ഈ ആസനം സഹായിക്കുന്നു. ഇത് മാത്രമല്ല ഗ്യാസ് സംബന്ധമായുണ്ടാവുന്ന പ്രശ്‌നങ്ങളെയും ഇല്ലാതാക്കുന്നു. കുടലില്‍ തങ്ങി നില്‍ക്കുന്ന വാതകത്തെ പൂര്‍ണമായും ഇല്ലാതാക്കുന്നതിന് പവനമുക്താസനം സഹായിക്കുന്നു. ശരീരത്തിന് ബാലന്‍സ് നല്‍കുന്നതിനും ഈ ആസനം സഹായിക്കുന്നു. ദഹന പ്രശ്‌നങ്ങള്‍ നിങ്ങളെ കൂടുതലായി അലട്ടുന്നുവെങ്കില്‍ അതിന് പരിഹാരം കാണുന്നതിനും നമുക്ക് പവനമുക്താസനം ചെയ്യാവുന്നതാണ്.

Disclaimer: ഈ ലേഖനത്തില്‍ പരാമര്‍ശിച്ചിരിക്കുന്ന വിവരങ്ങള്‍ പൊതുവായ വിവരങ്ങള്‍ക്കും വിദ്യാഭ്യാസപരമായ ആവശ്യങ്ങള്‍ക്കും വേണ്ടി മാത്രമുള്ളതാണ്. പ്രൊഫഷണല്‍ അഭിപ്രായങ്ങളോ, രോഗനിര്‍ണയം, ചികിത്സ എന്നിവ ഉദ്ദേശിച്ചുള്ളതോ അല്ല. ആരോഗ്യ സംബന്ധമായ പ്രശ്‌നങ്ങള്‍ക്ക് എപ്പോഴും ഡോക്ടറേയോ ആരോഗ്യവിദഗ്ധരേയോ സമീപിക്കേണ്ടതാണ്.