വയറും പ്രമേഹവും ഒതുക്കും സ്‌പെഷല്‍ പിണ്ടി സൂപ്പ്

വാഴപ്പിണ്ടിയ്‌ക്കൊപ്പം

വാഴപ്പിണ്ടിയ്‌ക്കൊപ്പം ചെറിയ ഉള്ളി, വെളുത്തുള്ളി, കുരുമുളക്, ജീരകം എന്നിവയും എള്ളെണ്ണയും ഇൗ പ്രത്യേക സൂപ്പ് തയ്യാറാക്കുവാന്‍ ഉപയോഗിയ്ക്കുന്നുണ്ട്.

ഫൈബര്‍

വാഴപ്പിണ്ടി ഫൈബര്‍ സമ്പുഷ്ടമാണ്. ഇതാണ് കൊഴുപ്പു നീക്കാന്‍ സഹായിക്കുന്ന പ്രത്യേക ഗുണം. ഇത് ദഹനം മെച്ചപ്പെടുത്തുന്നു. നല്ല ശോധന നല്‍കുന്നു. ഇത്തരം ഗുണങ്ങളെല്ലാം തന്നെ തടിയും വയറും കുറയ്ക്കാന്‍ സഹായിക്കുന്നവയാണ്.

വെളുത്തുള്ളി

വെളുത്തുള്ളിയും തടി കുറയ്ക്കാന്‍ ഏറെ നല്ലതാണ്. ഇത് ആന്റിഓക്‌സിഡന്റ് സമ്പുഷ്ടമാണ്. ഇതാണ് ഈ ഗുണം നല്‍കുന്നത്. ശരീരത്തിന്റെ ചൂടു വര്‍ദ്ധിപ്പിച്ച് അപചയ പ്രക്രിയ ശക്തിപ്പെടുത്തുന്നതു മാത്രമല്ല, ദഹനം മെച്ചപ്പെടുത്തിയും ആരോഗ്യം നല്‍കുന്ന ഒന്നാണ്.

കുരുമുളകും

ഇതില്‍ ചേര്‍ക്കുന്ന കുരുമുളകും

ചെറിയ ഉള്ളിയുമെല്ലാം ഒരു തരത്തില്‍ അല്ലെങ്കില്‍ മറ്റൊരു തരത്തില്‍ ആരോഗ്യപരമായ ഗുണങ്ങള്‍ ഏറെ നല്‍കുന്നവയാണ്. തടി കുറയ്ക്കാന്‍ ഏറെ നല്ലതാണ് കുരുമുളക്. ഇത് ശരീരത്തിന്റെ മെറ്റബോളിസം അഥവാ അപചയ പ്രക്രിയ ശക്തിപ്പെടുത്തുന്ന ഒന്നാണ്. ദഹനത്തിനും നല്ലതാണ്. ഇതിലെ പെപ്പറൈന്‍ എന്ന എന്‍സൈമാണ് ഈ എല്ലാ ഗുണങ്ങളും നല്‍കുന്നത്

ജീരകം

തടി കുറയ്ക്കാന്‍ സഹായിക്കുന്ന മറ്റൊരു പ്രധാന വസ്തുവാണ് ജീരകം. ജീരകം കൊണ്ട് തടി കുറയ്ക്കാന്‍ സഹായിക്കുന്ന പല ചേരുവകളും തയ്യാറാക്കാം. ഇതും മെറ്റബോളിസം ശക്തിപ്പെടുത്താനും ദഹനത്തിനുമെല്ലാം സഹായിക്കുന്നു.

മല്ലിയില

ഇതില്‍ ചേര്‍ക്കുന്ന മല്ലിയിലയും ഫൈബര്‍ സമ്പുഷ്ടമാണ്. ആരോഗ്യപരമായ ഗുണങ്ങള്‍ ഏറെ നല്‍കുന്ന ഒന്നു തന്നെയാണ് ഇതും. വയറിന്റെ ആരോഗ്യത്തിന് ഏറെ ഉത്തമം.

പിണ്ടി

ഒരു ചെറിയ കഷ്ണം പിണ്ടി നല്ലപോലെ വൃത്തിയാക്കി ചെറിയ കഷ്ണങ്ങളാക്കിയത്, 4-5 കുരുമുളക്, കാല്‍ ടീസ്പൂണ്‍ ജീരകം, 2 വെളുത്തുള്ളി, 1 ചെറിയ ഉള്ളി, 250 മില്ലി വെള്ളം, 1 ടീസ്പൂണ്‍ എള്ളെണ്ണ, ഉപ്പ്, അല്‍പം മല്ലിയില എന്നിവയാണ് ഈ പ്രത്യേക വാഴപ്പിണ്ടി സൂപ്പുണ്ടാക്കാന്‍ വേണ്ടത്.

ജീരകം, കുരുമുളക്

പിണ്ടി കഷ്ണങ്ങളാക്കുക, ജീരകം, കുരുമുളക് എന്നിവ ചതച്ചെടുക്കുക, ചെറിയ ഉള്ളി, വെളുത്തുള്ളി എന്നിവ അരിഞ്ഞെടുക്കു.

ഇത് 10 മിനിററു തിളപ്പിയ്ക്കുക

ഒരു ചീനച്ചട്ടിയില്‍ എള്ളെണ്ണ ഒഴിച്ച് ചൂടാകുമ്പോള്‍ ജീരകം, കുരുമുളക് എന്നിവയിട്ടു പൊട്ടിയ്ക്കുക. പിന്നീട് വെളുത്തുള്ളിയും ഉള്ളിയും ചേര്‍ത്തിളക്കുക. ഇത് നല്ലപോലെ മൂത്തു കഴിയുമ്പോള്‍ വെള്ളമൊഴിയ്ക്കുക. ഇതു തിളച്ചു തുടങ്ങുമ്പോള്‍ വാഴപ്പിണ്ടി ഇതിലേയ്ക്കിടുക. കുറഞ്ഞ തീയില്‍ ഇത് 10 മിനിററു തിളപ്പിയ്ക്കുക. പിന്നീട് വാങ്ങി ഊറ്റിയെടുക്കണം.

ഇതിലേയ്ക്ക്

ഊറ്റിയെടുത്ത ഇതിലേയ്ക്ക് പാകത്തിന് ഉപ്പും മല്ലിയില അരിഞ്ഞതും ചേര്‍ത്തിടാം. ഇത് ചെറിയ ചൂടില്‍ കുടിയ്ക്കാം. ആഴ്ചയില്‍ മൂന്നു ദിവസം ഇത് അല്‍പനാള്‍ കുടിയ്ക്കുക. ഫലം ലഭിയ്ക്കും.

ഹീമോഗ്ലാബിന്‍

ഈ പ്രത്യേക സൂപ്പ് തടി കുറയ്ക്കാന്‍ മാത്രമല്ല, മറ്റു പല ആരോഗ്യ ഗുണങ്ങളും നല്‍കുന്ന ഒന്നു കൂടിയാണ്. പൊട്ടാസ്യം, വൈറ്റമിന്‍ ബി6 എന്നിവ അടങ്ങിയ ഇത് ഇന്‍സുലിന്‍ ഉല്‍പാദനം വര്‍ദ്ധിപ്പിയ്ക്കാനും ഹീമോഗ്ലാബിന്‍ തോതു കൂട്ടാനും നല്ലതാണ്. അതായത് പ്രമേഹ നിയന്ത്രണത്തിനും അനീമിയയ്ക്കും ഇതു നല്ലൊരു മരുന്നാണെന്നര്‍ത്ഥം.

വയറിന്റെ ആരോഗ്യത്തിനും

വയറിന്റെ ആരോഗ്യത്തിനും ഇത് ഏറെ ഉത്തമമാണ്. ഫൈബര്‍ നിറഞ്ഞ ഈ സൂപ്പ് നല്ല ദഹനത്തിനും മലബന്ധം പരിഹരിയ്ക്കാനും സഹായിക്കും. ഗ്യാസ്, അസിഡിറ്റി പ്രശ്‌നങ്ങള്‍ക്കും ഇതു നല്ലൊരു പരിഹാരം തന്നെയാണ്.