വിറ്റാമിൻ ബി 1 അടങ്ങിയ ഭക്ഷണങ്ങളും ഗുണവും

നട്സ്

വിറ്റാമിൻ ബി 1 ധാരാളമടങ്ങിയ ഭക്ഷണമാണ് നട്സ്.പിസ്താ,ബ്രസീൽ നട്സ്,പീക്കൻസ് ,കശുവണ്ടി തുടങ്ങിയവയിൽ ധാരാളം വിറ്റാമിൻ ബി 1 അടങ്ങിയിരിക്കുന്നു.അതിനാൽ സംസ്‌കരിച്ച പലഹാരങ്ങൾ കഴിക്കുന്നതിനെക്കാൾ അണ്ടിപ്പരിപ്പുകൾ കഴിച്ചാൽ വിറ്റാമിൻ ബി 1 ധാരാളം ലഭിക്കും.

മത്സ്യം

ഒമേഗ 3 ഫാറ്റി ആസിഡ് ധാരാളമടങ്ങിയ മൽസ്യം തയാമിന്റെ നല്ലൊരു കലവറയാണ്.ചൂര മത്സ്യത്തിൽ ധാരാളം വിറ്റാമിൻ ബി 1 അടങ്ങിയിരിക്കുന്നു.നമുക്ക് ദൈനംദിനം ആവശ്യമുള്ളതിനെക്കാൾ 35 %കൂടുതൽ ചൂര മത്സ്യത്തിലുണ്ട്.സാൽമണിൽ 19 % മക്കറിൽ മത്സ്യത്തിൽ 9 % വിറ്റാമിൻ ബി 1 അടങ്ങിയിരിക്കുന്നു.

ലീൻ പോർക്ക് /പന്നിയിറച്ചി

വിറ്റാമിൻ ബി 1 അടങ്ങിയ ഒരു മാംസമാണിത്.100 ഗ്രാം പോർക്കിൽ നമുക്കാവശ്യമായ 74 % വിറ്റാമിൻ ബി 1 അടങ്ങിയിരിക്കുന്നു.ലീൻ പോർക്ക് ലോയിൻ ,ടെണ്ടർലോയിൻ,ചോപ്സ് എന്നിവയിലെല്ലാം തയാമിൻ അടങ്ങിയിരിക്കുന്നു.

ഗ്രീൻ പീസ്

നിങ്ങൾ ഗ്രീൻ പീസ് കഴിക്കുന്നവരാണെങ്കിൽ നിങ്ങൾക്ക് ധാരാളം വിറ്റാമിൻ ബി 1 ലഭിക്കുന്നു.100 ഗ്രാം ഗ്രീൻ പീസ് വിളമ്പുമ്പോൾ ശീതീകരിച്ച ഗ്രീൻ പീസ് 19% വിറ്റാമിൻ ബി 1 നൽകുന്നു.സാധാരണ ഗ്രീൻ പീസ് 28 % വിറ്റാമിൻ ബി 1 നൽകുന്നു.

സ്ക്വാഷ്

വിറ്റാമിൻ ബി 1 ന്റെ നല്ലൊരു കലവറയാണ് സ്ക്വാഷ്.100 ഗ്രാം വിളമ്പുമ്പോൾ 11 % വിറ്റാമിൻ ബി 1 ലഭിക്കുന്നു.മറ്റു സ്ക്വാഷുകളിലും വിറ്റാമിൻ ബി 1 അടങ്ങിയിരിക്കുന്നു.ബട്ടർനട് സ്ക്വാഷ് 10 % തയാമിൻ നിങ്ങൾക്ക് നൽകുന്നു.

ബീൻസ്

പച്ച പയർ, കറുത്ത ബീൻസ് മുതലായ എല്ലാ ബീൻസ് പച്ചക്കറികളും ഉയർന്ന അളവിൽ വിറ്റാമിൻ ബി 1അടങ്ങിയിരിക്കുന്നു.ഇവയിൽ ഹൃദയാരോഗ്യത്തിന് സഹായിക്കുന്ന പ്രോട്ടീനുകളും അടങ്ങിയിരിക്കുന്നു.ബീൻസ് തിളപ്പിച്ച ശേഷം സാലഡിലും സൂപ്പിലുമെല്ലാം ചേർത്ത് ഉപയോഗിച്ചാലും നിങ്ങൾക്ക് വിറ്റാമിനുകൾ ലഭിക്കും.

വിത്തുകൾ

വിറ്റാമിൻ ബി 1 അടങ്ങിയ ധാരാളം വിത്തുകൾ ഉണ്ട്.100 ഗ്രാം സൂര്യകാന്തി വിത്തിൽ 99 % വിറ്റാമിൻ ബി 1 അടങ്ങിയിരിക്കുന്നു.എള്ളിൽ 80 % അടങ്ങിയിരിക്കുന്നു.ചിയാ വിത്തുകളിലും ,മത്തൻ വിത്തുകളിലുമെല്ലാം തയാമിൻ അടങ്ങിയിരിക്കുന്നു.

ശതാവരി

തയാമിന്റെ നല്ലൊരു ഉറവിടമാണ് ശതാവരി.പാകം ചെയ്ത 100 ഗ്രാം ശതാവരിയിൽ 11 % തയാമിൻ അടങ്ങിയിരിക്കുന്നു.ശീതീകരിച്ച ശതാവരിയിൽ വിറ്റാമിന്റെ അളവ് കുറവാണ്.അതിനാൽ ഫ്രഷ് ആയി തന്നെ ഉപയോഗിക്കുക.

ബ്രെഡ്

ഗോതമ്പ് മാവ് കൊണ്ടുള്ള ബ്രെഡിൽ തയാമിൻ അടങ്ങിയിരിക്കുന്നു.ഒരു പീസ് ബ്രെഡിൽ 9 % വിറ്റാമിൻ ബി 1 അടങ്ങിയിരിക്കുന്നു.മറ്റ് പല ബ്രെഡിലും , ഗോതമ്പ് ബാഗൽ, മഫിൻസ്, റൈ ബ്രെഡ് എന്നിവയിലും തയാമിൻ അടങ്ങിയിരിക്കുന്നു.