ഒരുപിടി തഴുതാമയിലയില്‍ ആയുസിന് ബലം

ശ്വസന സംബന്ധമായ പ്രശ്‌നങ്ങള്‍ക്കുള്ള നല്ലൊരു പരിഹാരമാണ്

ശ്വസന സംബന്ധമായ പ്രശ്‌നങ്ങള്‍ക്കുള്ള

നല്ലൊരു പരിഹാരമാണ് തഴുതാമ. ഇത് ആസ്തമ, കഫക്കെട്ട് എന്നിവയ്ക്കുച ചേര്‍ന്ന നല്ലൊരു മരുന്നാണ്. ആടലോടകം, തഴുതാമ എന്നിവയുടെ ഇലയുടെ നീരു കലര്‍ത്തി ഇതില്‍ കറുത്ത കുരുമുളകുപൊടിയും ഇഞ്ചി നീരും ചേര്‍ത്തു കഴിയ്ക്കുന്നത് ആശ്വാസം നല്‍കുന്ന ഒന്നാണ്. ആസ്തമയ്ക്കുപയോഗിച്ചു പോരുന്ന നല്ലൊന്നാന്തരം നാട്ടുവൈദ്യമാണിത്.

സ്‌ട്രെസ്

അഡാപ്റ്റജന്‍ ഗുണങ്ങളുള്ള തഴുതാമ സ്‌ട്രെസിനുള്ള നല്ലൊരു പ്രതിവിധി കൂടിയാണ്. ഇത് സ്‌ട്രെസ് ഹോര്‍മോണായ കോര്‍ട്ടിസോള്‍ കുറയ്ക്കാന്‍ ഏറെ നല്ലതുമാണ്. സ്‌ട്രെസ് മരുന്നുകള്‍ക്ക് ഇതിന്റെ വേരില്‍ നിന്നുള്ള മരുന്നുകള്‍ ഉപയോഗിയ്ക്കുന്നു.

ലിവര്‍ ആരോഗ്യത്തിന്

ലിവര്‍ ആരോഗ്യത്തിന് അത്യുത്തമമായ ഒന്നാണ് തഴുതാമ. ഇതിനു ഹെപ്പറ്റോ പ്രൊട്ടക്ടീവ് ഗുണങ്ങളുണ്ട്. ഇതാണ് ലിവറിനെ സംരക്ഷിയ്ക്കുന്നത്. കെമിക്കലുകള്‍ കാരണം ലിവറിനുണ്ടാകുന്ന തകരാറുകള്‍ക്ക് ഏറെ ഫലപ്രദമാണ് തഴുതാമ.

ഹൃദയാരോഗ്യത്തിന്

കാര്‍ഡിയോ ടോണിക്കാണ് ഇത്. ഹൃദയാരോഗ്യത്തിന് അത്യുത്തമമെന്നു

വേണം, പറയാന്‍. ഹൃദയത്തിനു വലിപ്പമേറുന്ന ഒരു അവസ്ഥയുണ്ട്. കാര്‍ഡിയാക് ഹൈപ്പര്‍ട്രോഫി എന്നാണ് ഈ അവസ്ഥ അറിയപ്പെടുന്നത്. ഇത് ഹൃദയത്തിന്റെ പ്രവര്‍ത്തനങ്ങളെ ബാധിയ്ക്കുന്ന ഒന്നാണ്. ഫ്രീ റാഡിക്കലുകള്‍ക്കുണ്ടാകുന്ന ഓക്‌സിഡേറ്റീവ് സ്‌ട്രെസ് ആണ് ഇതിനു പ്രധാന കാരണം. ഇതു തടയാന്‍ കഴിയുന്ന ഒന്നാണ് തഴുതാമ. ആന്റിഓക്‌സിഡന്റ് ഗുണങ്ങള്‍ ഉള്ള ഇതിലെ ഫിനോളിക് ഘടകങ്ങളാണ് ഈ ഗുണം നല്‍കുന്നത്.

എപ്പിലെപ്‌സി

എപ്പിലെപ്‌സി അഥവാ അപസ്മാരം പോലുള്ള രോഗങ്ങള്‍ക്കുള്ള നല്ലൊരു പരിഹാരമാണ് ഇത്. ഇതിന്റെ വേരിലെ ലിറിയോഡെന്‍ഡ്രോണ്‍ എന്ന ഘടകമാണ് ഇതിനു സഹായിക്കുന്നത്. ശരീരത്തിലെ കാല്‍സ്യം ചാനലുകള്‍ ബ്ലോക്കാവുന്നതു കാരണമാണ് ഇതു സംഭവിയ്ക്കുന്നത്. ഇത് തലച്ചറിനെ ബാധിയ്ക്കുന്നു. ചുഴലി അഥവാ അപസ്മാരം ഉണ്ടാകുന്നു. ഇതു തടയാന്‍ തഴുതാമയുടെ ഗുണങ്ങള്‍ സഹായിക്കുന്നു.

പ്രമേഹത്തിനുള്ള നല്ലൊരു മരുന്നാണ്

പ്രമേഹത്തിനുള്ള നല്ലൊരു മരുന്നാണ് തഴുതാമ. ആയുര്‍വേദത്തില്‍ തഴുതാമ പ്രമേഹത്തിനുള്ള സ്ഥിരം ഔഷധമാണ്. ഇതിന്റെ ഇലയില്‍ നിന്നുളള നീരാണ് ഉപയോഗിയ്ക്കുന്നത്. ഇത് ഇന്‍സുലിന്‍ ഉല്‍പാദനത്തിനു സഹായിക്കുന്ന ഒന്നാണ്.

കിഡ്‌നി പ്രശ്‌നങ്ങള്‍ക്ക്

കിഡ്‌നി പ്രശ്‌നങ്ങള്‍ക്ക് നല്ലൊരു മരുന്നു കൂടിയാണ് ഇത്. യൂറിനറി സംബന്ധമായ പ്രശ്‌നങ്ങള്‍ക്കും നല്ലൊരു പരിഹാരം തന്നെയാണ് ഇത്. കിഡ്‌നി സ്റ്റോണ്‍ നീക്കാന്‍ സഹായിക്കുന്നു. തഴുതാമയുടെ ഇല, ചെറൂള ഇ എന്നിവ കുമ്പളങ്ങയുടെ നീരില്‍ അരച്ച് രണ്ടു നേരം കഴിയ്ക്കുന്നത് കിഡ്‌നി സ്റ്റോണിനുളള നല്ലൊരു പരിഹാരമാണ്.തഴുതാമ വേരോടെ അരച്ചു നീരെടുത്തു കുടിയ്ക്കുന്നത് കിഡ്‌നി പ്രശ്‌നങ്ങള്‍ക്കു പരിഹാരമാണ്.

നല്ലൊരു വേദന സംഹാരി

നല്ലൊരു വേദന സംഹാരി കൂടിയാണ് ഇത്. അസിഡിറ്റി, വയറുവേദന പോലുള്ള പ്രശ്‌നങ്ങള്‍ക്കുള്ള നല്ലൊരു മരുന്നു കൂടിയാണ് ഇത്. വയറ്റിലെ അസ്വസ്ഥതകള്‍ക്കുള്ള നല്ലൊരു പരിഹാരം എന്നു പറയാം.

ശരീരത്തില്‍ നീരുണ്ടാകുന്ന തടയുന്ന ഒന്നു കൂടിയാണ്

ശരീരത്തില്‍ നീരുണ്ടാകുന്ന തടയുന്ന ഒന്നു കൂടിയാണ് തഴുതാമ. വാതം പോലുളള രോഗങ്ങള്‍ കൊണ്ട് സന്ധികളിലുണ്ടാകുന്ന നീരിനും വേദനയ്ക്കുമെല്ലാം ഉത്തമ ഔഷധം. ഇതിലെ സെക്രീറ്ററി ഫോസ്‌ഫോലിപേറ്റ് എന്ന എന്‍സൈമാണ് ഈ ഗുണം നല്‍കുന്നത്.

കണ്ണു രോഗങ്ങള്‍ക്കുള്ള നല്ലൊരു മരുന്നു കൂടിയാണ്

കണ്ണു രോഗങ്ങള്‍ക്കുള്ള നല്ലൊരു മരുന്നു കൂടിയാണ് തഴുതാമ. ഇതിന്റെ നീര് തേനിലും മുലപ്പാലിലുമെല്ലാം ചേര്‍ത്തു കണ്ണില്‍ ഒഴിച്ചാല്‍ കണ്ണിലെ ചൊറിച്ചല്‍ മാറും. കണ്ണില്‍ നിന്നും വെള്ളം വരുന്നുണ്ടെങ്കില്‍ നില്‍ക്കും.

ട്യൂബര്‍കുലോസിസ്

ട്യൂബര്‍കുലോസിസ് അഥവാ ക്ഷയരോഗത്തിനുള്ള നല്ലൊരു മരുന്നു കൂടിയാണിത്. ഇതു കാരണമുണ്ടാകുന്ന ചുമയ്ക്ക് ഇതിന്റെ നീരും തേനും ചേര്‍ത്തു കഴിയ്ക്കുന്നതു നല്ലതാണ്. സാധാരണ ചുമയ്ക്കും ഇതു നല്ലൊരു മരുന്നാണ്.