അപര വ്യക്തിത്വം;അറിയേണ്ടതെല്ലാം

ഡിസോഷ്യേറ്റീവ് ഐഡന്റിറ്റി ഡിസോർഡർ എന്താണ്?

ഒരു പ്രത്യേക കാര്യം ചെയ്തു കൊണ്ടിരിക്കുമ്പോൾ പെട്ടന്ന് ചുറ്റുമുള്ളതൊക്കെ മറന്നു പോവുകയും ദിവാസ്വപ്നം കാണുകയും ചെയ്യാറുണ്ട് നമ്മൾ. നമ്മൾ നമ്മളെ തന്നെ മറന്നു പോകുന്ന അവസ്ഥ നിങ്ങൾക്കു തന്നെ പല തവണ അനുഭവപെട്ടിട്ടുണ്ടാകാം .

എന്നാൽ ഡിസോഷ്യേറ്റീവ് ഐഡന്റിറ്റി ഡിസോർഡർ ഇതിൽ നിന്നും തികച്ചും വ്യത്യസ്തമായ ,വിദൂരമായ അവസ്ഥയാണ് . ഈ രോഗാവസ്ഥയിൽ രോഗി താൻ ജീവിക്കുന്ന ചുറ്റുപാടുകളെയോ ബന്ധങ്ങളെയോ,ഓർമകളെയോ, വികാരങ്ങളെയോ ചിന്തകളെയോ കുറിച്ച് ബോധവാനായിരിക്കില്ല .

ഡിസൊഷ്യേറ്റീവ് ഐഡന്റിറ്റി രോഗാവസ്ഥയിൽ ചില രോഗികൾ താൻ ജീവിക്കുന്ന ചുറ്റുപാടുകളിൽ നിന്ന് തന്നെ പൂർണമായും പറിച്ചു മാറ്റി മറ്റൊരിടത്തു സ്വയം പറിച്ചുനടുന്നു .ഈ അവസ്ഥ സങ്കീർണവും വേദനാജനകവുമാണ് . ഇത്തരം ഒരവസ്ഥയാണ് മലയാളികൾ ഫാസിൽ ചിത്രമായ മണിച്ചിത്രത്താഴിൽ കണ്ടത്.

ഡിസോഷ്യേറ്റീവ് ഐഡന്റിറ്റി ഡിസോർഡർ എന്ന രോഗം വാസ്തവമാണോ?

ഡിസോഷ്യേറ്റീവ് ഐഡന്റിറ്റി ഡിസോർഡർ യഥാർത്ഥമാണോ എന്ന് നിങ്ങൾ ചിന്തിച്ചേക്കാം. സിനിമകളിൽ ഈ അസുഖത്തെ കുറിച്ച് പല രീതിയിൽ പരാമർശിച്ചത് കൊണ്ടാണ് ഈ സംശയം . ഇരട്ട വ്യക്തിത്വം എന്ന മാനസിക വിഭ്രാന്തി ഒരു വ്യക്തിയിൽ എങ്ങനെ ഉടലെടുക്കുന്നു എന്നും .. പിന്നീട് അത് എങ്ങനെ സങ്കീർണമാക്കുന്നു എന്നും മാനസികാരോഗ്യ ഡോക്ടർമാരുടെ ഇടയിൽ പോലും പല അഭിപ്രായങ്ങൾ നിലനിൽക്കുന്നു .

അത്ര ഏറെ സങ്കീർണമാണ് ഒരു മനുഷ്യന്റെ മനസ്സ് . പ്രവർത്തന പരിചയവും വിദ്യാഭ്യാസ സമ്പന്നനുമായ ഡോക്ടർ ആണെങ്കിൽ പോലും ഒരു വ്യക്തിയുടെ താളം തെറ്റിയ മനസ് മനസ്സിലാക്കാൻ പ്രയാസം തന്നെ ആണ് . ചില മാനസികരോഗ വിദഗ്ദ്ധർ, വിശ്വസിക്കുന്നത് ഇത് ചിത്തഭ്രമത്തിന്റെ മറ്റൊരാവസ്ഥയാണെന്നാണ് . സമ്മർദ്ദങ്ങളെ ചെറുക്കുന്നതിൽ പരാജയപെടുന്നവരും , ബന്ധങ്ങളിൽ വിള്ളൽ ഉണ്ടാകുമ്പോൾ അത് താങ്ങാൻ കഴിയാത്തവരുമാണ് ഈ അവസ്ഥയിലേക്ക് പോകുന്നത് എന്ന് ചില മനഃശാസ്ത്രജ്ഞർ പറയുന്നു

ഡിസോഷ്യേറ്റീവ് ഐഡന്റിറ്റി ഡിസോർഡറിൻറെ ലക്ഷണങ്ങൾ എന്തൊക്കെയാണ്?

രണ്ടോ അതിലധികമോ വ്യക്തികളായി പെരുമാറുക, സ്വഭാവത്തിൽ മുൻപ് കാണാത്ത രീതിയിലുള്ള ദേഷ്യവും സങ്കടവും പ്രകടമാവുക തുടങ്ങിയവയാണ് ആദ്യ ലക്ഷണങ്ങൾ . . ഏറ്റവും ലളിതമായ കാര്യങ്ങൾ , പ്രത്യേകിച്ച് വ്യക്തിഗത വിവരങ്ങൾ ഓർക്കാൻ കഴിയാതെ വരുക എന്നത് മറ്റൊരു ലക്ഷണമാണ് . . ഡിസോഷ്യേറ്റീവ് ഐഡന്റിറ്റി ഡിസോർഡിനൊപ്പം ഓർമക്കുറവ് പ്രകടമാണ് . ചുറ്റും ഉള്ളവരെ, സ്ഥലം , പേരുകൾ തുടങ്ങിയവ രോഗി മറന്നു തുടങ്ങുന്നു .

"ഇരട്ട വ്യക്തിത്വം " എന്ന മാനസിക അവസ്ഥയും രോഗി മറ്റൊരാളായി മാറുമ്പോൾ ,ഭൂരിഭാഗം രോഗികളും തൻ്റെ സമ പ്രായക്കാരായോ, താനുമായി സാമ്യമുള്ളവരുമായോ ആണ് മാറുക. ഓരോരുത്തർക്കും അവരവരുടേതായ ആംഗ്യങ്ങൾ , വ്യത്യസ്തത , സംസാരിക്കുന്ന ശൈലി തുടങ്ങിയവ ഉണ്ട്. അത് കൊണ്ട് തന്നെ ഈ മാറ്റം പെട്ടന്ന് തിരിച്ചറിയാൻ സാധിക്കും . ചിലർ മാറുന്നത് മനസ്സിൽ അവർ തന്നെ കണ്ടെത്തിയ സാങ്കല്പിക വ്യക്തികളായിട്ടാകും . . ചിലപ്പോൾ മൃഗങ്ങൾ. പെട്ടന്നുള്ള ഈ മാറ്റാതെ "സ്വിച്ചിംഗ്" എന്ന് വിളിക്കുന്നു. രോഗത്തിന്റെ തീവ്രത അനുസരിച്ചു ദിവസങ്ങളിലേക്കോ, നിമിഷങ്ങളിലേക്കോ ആകാം ഈ മാറ്റം . ഹിപ്നോസിസിന് വിധേയമാകുന്ന സമയത്ത്, വ്യക്തിയുടെ വ്യത്യസ്ത "മാറ്റങ്ങളും" അല്ലെങ്കിൽ തിരിച്ചറിയലുകളും ഡോക്ടർക്ക് മനസ്സിലാക്കാം

ഈ ലക്ഷണങ്ങളും രോഗിയിൽ കാണാം

ഡിസൊസോഷ്യേഷൻ, മൾട്ടിപ്പിൾ അല്ലെങ്കിൽ സ്പ്ലിറ്റ് വ്യക്തിത്വങ്ങൾക്കൊപ്പം ഈ ലക്ഷണങ്ങളും രോഗിയിൽ കാണാം ,

വിഷാദം

മൂഡ് മാറ്റം

ആത്മഹത്യാ പ്രവണതകൾ

ഉറക്കക്കുറവ് (ഉറക്കമില്ലായ്മ, ഉറക്കത്തിൽ എഴുനേറ്റു നടത്തം)

ആശങ്ക, ആക്രമണങ്ങൾ

മദ്യവും മയക്കുമരുന്ന് ഉപയോഗവും

ഡിസോഷ്യേറ്റീവ് ഐഡന്റിറ്റി ഡിസോർഡിലെ മറ്റു ലക്ഷണങ്ങൾ

തലവേദന, ഓർമ കുറവ് , സ്ഥല കാല ബോധം ഇല്ലായ്മ എന്നിവ ഉൾപ്പെടാം.

ഡിസോഷ്യേറ്റീവ് ഐഡന്റിറ്റി സിൻഡ്രോം ചലരിൽ സ്വയം-വേദനിപ്പിക്കാനും ആക്രമിക്കാനും പ്രവണത ഉണ്ടാക്കിയേക്കാം . ഉദാഹരണമായി, ഡിസോഷ്യേറ്റീവ് ഐഡന്റിറ്റി സിൻഡ്രോം ഉള്ള ഒരാൾ സാധാരണഗതിയിൽ ചെയ്യാത്ത കാര്യങ്ങൾ ചെയ്യുന്നത്, വേഗത, അശ്രദ്ധമായ ഡ്രൈവിംഗ്, അല്ലെങ്കിൽ അവരുടെ കൂടെ ജോലി ചെയുന്ന സുഹൃത്തിന്റെ പണം മോഷ്ടിക്കുക, തുടങ്ങിയവ ,

ഈ രോഗം വരാൻ സാധ്യത ഉള്ളവർ ആരൊക്കെ

ഡിസോസിറ്റീവ് ഐഡന്റിറ്റി ഡിസോർഡറുടെ കാരണങ്ങൾ ഇപ്പോഴും വ്യക്തമല്ലെങ്കിലും, ഈ രോഗത്തിന് വ്യക്തിപരവും ജീവിതത്തിൽ നേരിടേണ്ടി വരുന്ന അനുഭവങ്ങളുമായി നല്ല ബന്ധമുണ്ട്.

പ്രത്യേകിച്ചും കുട്ടിക്കാലത്തു നേരിടേണ്ടി വരുന്ന വൈകാരികമായ അനുഭവങ്ങളോ , ആഴത്തിൽ മനസിനെ വേദനിപ്പിച്ച മറ്റെന്തെങ്കിലും സംഭവമൊ . ഈ രോഗം കണ്ടെത്തിയ ൯൯ ശതമാനം വ്യക്തികളും കുട്ടിക്കാലത്തു ദുരനുഭവങ്ങൾ നേരിട്ടിട്ടുണ്ട് .

ശാരീരികമോ ലൈംഗികമോ ആയ ദുരനുഭവങ്ങൾ ഇല്ലെങ്കിലും , , നിരന്തരമായി അവഗണിക്കപ്പെടുകയോ വൈകാരിക പീഡനം ഉണ്ടാകുകയോ ചെയ്യുമ്പോൾ ഇത്തരമൊരു രോഗാവസ്ഥയിൽ എത്തി ചേർന്നേക്കാം . . കുട്ടികളെ നിരന്തരമായി ഭയപ്പെടുത്തുകയും , ചട്ടക്കൂടിനുള്ളിൽ വളർത്തുകയും ചെയുന്ന മാതാപിതാക്കൾ കുഞ്ഞിന്റെ മാനസികാവസ്ഥയെ ഈ ശൈലി ബാധിക്കുന്നുണ്ടോ എന്ന് പരിശോധിക്കേണ്ടതാണ് .

ഡിസോഷ്യേറ്റീവ് ഐഡന്റിറ്റി ഡിസോർഡർ കണ്ടുപിടിക്കുന്നതിന് ഇനിപ്പറയുന്ന മാനദണ്ഡങ്ങൾ വായിക്കൂ

രണ്ടോ അതിലധികമോ വ്യക്തിത്വം ഒരു വ്യക്തി പ്രകടമാകുന്നു . രണ്ടും പരസ്പര ബന്ധമില്ലാത്തതും , ചുറ്റുപാടുകളോ , ആളുകളോ ആയുമായും സാമ്യമില്ലാത്തതും ആണ്.

താൻ ചെയ്തു കൊണ്ടിരുന്ന കാര്യങ്ങൾ ,തന്നെ കുറിച്ചുള്ള വിവരങ്ങൾ എന്നിവ മറന്നു പോവുക.

ഈ അസുഖം നേരിടുന്ന വ്യക്തി സങ്കീർണമായ മാനസികാവസ്ഥയുടെ ആണ് കടന്നു പോവുക.

ഈ അസ്വസ്ഥത മതപരമായോ മറ്റു അന്ധ വിശ്വാസങ്ങളുമായോ കൂട്ടി ചേർക്കരുത്.

ഈ ലക്ഷണങ്ങൾ മരുന്നുകളുടെ സൈഡ് എഫക്റ്റായോ , മദ്യത്തിന്റെ അമിത ഉപയോഗം മൂലമാണെന്നും തെറ്റിധരിക്കരുത് .