കടുത്ത മലബന്ധവും പരിഹരിയ്ക്കും ഒലീവ്ഓയില്‍ വിദ്യ

പാലില്‍

ഇളംചൂടുള്ള പാലില്‍ 1 സ്പൂണ്‍ ഒലീവ് ഓയില്‍ ചേര്‍ത്തു കുടിയ്ക്കുന്നത് മലബന്ധം മാറ്റാനുള്ള ഒരു പ്രധാന വഴിയാണ്. ഇതു ദിവസവും ചെയ്യാവുന്നതുമാണ്. രാവിലെയോ വൈകീട്ട് കിടക്കാന്‍ നേരത്തോ ഇതു ചെയ്യാം.

ഒലീവ് ഓയില്‍

രാവിലെ വെറുംവയറ്റില്‍ 1 സ്പൂണ്‍ ഒലീവ് ഓയില്‍ കുടിയ്ക്കുന്നതും മലബന്ധം അകറ്റാനുള്ള മറ്റൊരു പ്രധാന വഴിയാണ്. വെറുതേ കുടിയ്ക്കാന്‍ ബുദ്ധിമുട്ടുണ്ടെങ്കില്‍ ഇത് 1 ഗ്ലാസ് ചൂടുവെള്ളത്തില്‍ കലക്കി കുടിയ്ക്കാം.

ഒലീവ് ഓയില്‍, നാരങ്ങാനീര്

ഒലീവ് ഓയില്‍, നാരങ്ങാനീര് എന്നിവ തുല്യ അളവില്‍ കലര്‍ത്തി രാത്രി കിടക്കാന്‍ പോകുന്നതിനു മുന്‍പ് ശീലമാക്കാം.ഇത് മലബന്ധം നീക്കാനുളള മറ്റൊരു വിദ്യയാണ്. അര നാരങ്ങയുടെ നീര് 1 ടേബിള്‍ സ്പൂണ്‍ ഒലീവ് ഓയിലുമായി ചേര്‍ത്ത് 1 ഗ്ലാസ് ചൂടുവെള്ളത്തില്‍ കലര്‍ത്തി കുടിയ്ക്കാം.

ഒലീവ് ഓയില്‍ തൈരില്‍

ഒലീവ് ഓയില്‍ തൈരില്‍ ചേര്‍ത്തു കഴിയ്ക്കുന്നതും പഴവുമായി കലര്‍ത്തി കഴിയ്ക്കുന്നതുമെല്ലാം മലബന്ധം അകറ്റാന്‍ സഹായിക്കും. ഇതും പരീക്ഷിയ്ക്കാവുന്ന യാതൊരു ദോഷവുമില്ലാത്ത വഴിയാണ്.

ഒലീവ് ഓയില്‍, തേന്‍

ഒലീവ് ഓയില്‍, തേന്‍ എന്നിവ കലര്‍ത്തിയും കഴിയ്ക്കാം. ഇത് ദഹനേന്ദ്രിയത്തിന്റെ ആരോഗ്യത്തിന് നല്ലതാണ്. പലതരം ആരോഗ്യഗുണങ്ങള്‍ നല്‍കുകയും ചെയ്യും.

തേന്‍

തേന്‍ വയറിന്റെ ആരോഗ്യത്തിന് ഏറ്റവും ഉത്തമമാണ്. ഒരു ഗ്ലാസ് ഇളംചൂടുവെള്ളത്തില്‍ 1 ടേബിള്‍ സ്പൂണ്‍ തേന്‍ ചേര്‍ത്ത് രാവിലെ വെറുംവയറ്റിലോ രാത്രി കിടക്കാന്‍ നേരത്തോ കുടിയ്ക്കാം. ഇതും നല്ല ശോധനയ്ക്കുള്ള നല്ലൊരു വഴിയാണ്.

ഓട്‌സ്, തൈര്

ഓട്‌സ്, തൈര് എന്നിവ കലര്‍ന്ന മിശ്രിതം വയറിന്റെ ആരോഗ്യത്തിനു മാത്രമല്ല, നല്ല ശോധനയ്ക്കും സഹായിക്കുന്ന ഒന്നാണ്. 5 ടേബിള്‍ സ്പൂണ്‍ ഓട്‌സ് 2 ടേബിള്‍ സ്പൂണ്‍ തൈരുമായി കലര്‍ത്തി 20 മിനിറ്റു വയ്ക്കുക. ഇതിനു ശേഷം പലപ്പോഴായി ഇതു കഴിയ്ക്കുക.

ഫഌക്‌സ് സീഡുകള്‍

ഫഌക്‌സ് സീഡുകള്‍ മലബന്ധത്തിനുളള മറ്റൊരു നല്ല പരിഹാരമാണ്. ഇതിലെ ഒമേഗ 3 ഫാറ്റി ആസിഡുകള്‍, നാരുകള്‍ എന്നിവയാണ് ഇതിനു സഹായി്ക്കുക. 1 ടേബിള്‍ സ്പൂണ്‍ ഫഌക്‌സ സീഡുകള്‍ 1 ക്പ്പു വെള്ളത്തില്‍ ഇട്ടു മൂന്നു മണിക്കൂര്‍ കുതിര്‍ക്കുക. പിന്നീട് ഈ വെള്ളം രാത്രി കിടക്കും മുന്‍പു കുടിയ്ക്കാം. ഇത് നാലു ദിവസമെങ്കിലും അടുപ്പിച്ചു ചെയ്യുക.

തക്കാളി

മലബന്ധമകറ്റാന്‍ തക്കാളി കൊണ്ടും പ്രത്യേക വിദ്യയുണ്ട്. തക്കാളി കൊണ്ടുണ്ടാക്കുന്ന പ്രത്യേക മിശ്രിതമാണ് ഇതിനു സഹായിക്കുന്നത്. 4 തക്കാളി ചെറുതായി അരിയുക. ഇതില്‍ 2 ടേബിള്‍ സ്പൂണ്‍ പഞ്ചസാരയും 4 കപ്പു വെള്ളവും ചേര്‍ത്ത് വേവിയ്ക്കുക. 45 മിനിറ്റു വേവിച്ച ശേഷം തണുക്കുമ്പോള്‍ മിക്‌സിയില്‍ അടിച്ച് ജ്യൂസാക്കി ഫ്രിഡ്ജില്‍ സൂക്ഷിച്ചു വയ്ക്കാം. ഇത് മൂന്നു ദിവസമെങ്കിലും പ്രാതലിന് കുടിയ്ക്കുക. നല്ല ശോധന ലഭിയ്ക്കും.

വീറ്റ്ബ്രാന്‍

വീറ്റ്ബ്രാന്‍ അഥവാ ഗോതമ്പ് ഇടിച്ചത് വാങ്ങാന്‍ ലഭിയ്ക്കും. ഇതും നല്ല ശോധനയ്ക്കുള്ള നല്ലൊരു വഴിയാണ്. ഇതില്‍ അയേണ്‍, ഫൈബര്‍, പൊട്ടാസ്യം എന്നിവ ധാരാളമുണ്ട്. 3 ടേബിള്‍ സ്പൂണ്‍ വീറ്റ് ബ്രാന്‍ 1 കപ്പു പാലുമായി ചേര്‍ത്തിളക്കി വയ്ക്കുക. ഇത് 10 മിനിറ്റു നേരം ഇങ്ങനെ തന്നെ വയ്ക്കണം. ഇത് 5 ദിവസമെങ്കിലും അടുപ്പിച്ച് പ്രാതലിന് കഴിയ്ക്കാം. ഗുണമുണ്ടാകും.