മല്ലിയിട്ടു തിളപ്പിച്ച വെള്ളം നിങ്ങള്‍ കുടിയ്ക്കണം

ശരീരത്തിനു പ്രതിരോധശേഷി

ശരീരത്തിനു പ്രതിരോധശേഷി നല്‍കാന്‍ സഹായിക്കുന്ന ഒന്നാണ് മല്ലിയിട്ടു തിളപ്പിച്ച വെള്ളം. ഇതിലെ വൈറ്റമിനുകളും ധാതുക്കളുമെല്ലാം ഈ ഗുണം നല്‍കുന്ന ഒന്നാണ്. ഇതിലെ വൈറ്റമിന്‍ സിയാണ് ഇതിനുള്ള നല്ലൊരു ഗുണമാകുന്നത്. കോള്‍ഡ്, ഫ്‌ളൂ എന്നിവയ്ക്കുള്ള നല്ലൊരു മരുന്നൂ കൂടിയാണിത്. ഇതിലെ വൈറ്റമിന്‍ എ, ബീറ്റാ കരോട്ടിന്‍ എന്നിവയെല്ലാം ചേര്‍ന്നും ഈ ഗുണം നല്‍കുന്നുണ്ട്.

വയറിന്റെ ദഹനത്തിന്, ഗ്യാസ്, അസിഡിറ്റി

വയറിന്റെ ദഹനത്തിന്, ഗ്യാസ്, അസിഡിറ്റി പ്രശ്‌നങ്ങള്‍ അകറ്റുന്നതിനു സഹായിക്കുന്ന ഒരു മരുന്നാണിത്. ഇതിലെ ഫൈബര്‍ കുടല്‍, ലിവര്‍ പ്രവര്‍ത്തനങ്ങള്‍ക്കു സഹായിക്കും. ഇത് ദഹനരസങ്ങള്‍ ഉല്‍പാദിപ്പിച്ചാണ് ഈ ഗുണം നല്‍കുന്നത്. രാത്രി ഒരു പിടി മല്ലി വെള്ളത്തില്‍ ഇട്ടു വച്ച് രാവിലെ ഇതൂറ്റി വെറുംവയറ്റില്‍ കുടിയ്ക്കുന്നത് ഏറെ നല്ലതാണ്.

കൊളസ്‌ട്രോള്‍, പ്രമേഹം

കൊളസ്‌ട്രോള്‍, പ്രമേഹം തുടങ്ങിയ പ്രശ്‌നങ്ങള്‍ക്കുള്ള നല്ലൊരു പരിഹാരമാണ് ഇത്. മുഴുവന്‍ മല്ലിയിട്ടു വെള്ളം തിളപ്പിച്ചു കുടിയ്ക്കുന്നതും തലേന്ന് മല്ലി വെള്ളത്തിലിട്ടു കുതിര്‍ത്തി രാവിലെ ഈ വെള്ളം കുടിയ്ക്കുന്നതുമെല്ലാം നല്ലൊരു മരുന്നു കൂടിയാണ്. ഇ്ത് രക്തത്തിലെ ഗ്ലൂക്കോസ് തോതു കുറയ്ക്കാന്‍ സഹായിക്കും. ദോഷകരമായ എല്‍ഡിഎല്‍ കൊളസ്‌ട്രോള്‍ കുറച്ച് നല്ല എച്ച്ഡിഎല്‍ കൊളസ്‌ട്രോള്‍ വര്‍ദ്ധിപ്പിയ്ക്കും.

ഇന്‍ഫെക്ഷനുകള്‍

ഇന്‍ഫെക്ഷനുകള്‍ അഥവാ അണുബാധകള്‍ അകറ്റാനുള്ള ഒരു വഴിയാണ് ഇത്. കോളറ, ടൈഫോയ്ഡ്, വയറിളക്കം തുടങ്ങിയ പല രോഗങ്ങള്‍ക്കുമുള്ള നല്ലൊരു പ്രതിവിധിയാണ് മുഴുവന്‍ മല്ലി. ഇതിലെ ഡോഡിസിനെല്‍ എന്ന ഘടകമാണ്സാല്‍മൊണെല്ല പോലെ വയറിനെ ബാധിയ്ക്കുന്ന

ബാക്ടീരിയകളെ തടയുന്നത്.

വിളര്‍ച്ചയ്ക്കുള്ള നല്ലൊരു മരുന്നാണ്

വിളര്‍ച്ചയ്ക്കുള്ള നല്ലൊരു മരുന്നാണ് മല്ലിയിട്ടു തിളപ്പിച്ച വെള്ളം. ധാരാളം അയേണ്‍ അടങ്ങിയത് അനീമിയയ്ക്കുള്ള നല്ലൊരു പരിഹാരം കൂടിയാണ്. ധാരാളം വൈറ്റമിനുകളും ധാതുക്കളുമെല്ലാം ഇതില്‍ അടങ്ങിയിട്ടുണ്ട്. ദിവസവും ഇതു കുടിയ്ക്കുന്നത് ശരീരത്തിലെ ഹീമോഗ്ലോബിന്‍ തോതു വര്‍ദ്ധിപ്പിയ്ക്കും. അയേണ്‍ തന്നെയാണ് ഈ ഗുണം നല്‍കുന്നത്.

സ്ത്രീകളുടെ ആരോഗ്യത്തിന്

സ്ത്രീകളുടെ ആരോഗ്യത്തിന്, മാസമുറ സംബന്ധമായ പ്രശ്‌നങ്ങള്‍ക്കുള്ള നല്ലൊരു മരുന്നു കൂടിയാണ് ഇത്. ഹോര്‍മോണ്‍ പ്രശ്‌നങ്ങള്‍ പരിഹരിച്ചാണ് ഇതു സാധിയ്ക്കുന്നത്. 6 ഗ്രാം മുഴുവന്‍ മല്ലി അര ലിറ്റര്‍ വെള്ളത്തില്‍ ചേര്‍ത്തു തിളപ്പിയ്ക്കുക. ഇത് പകുതിയാകുമ്പോള്‍ ഇതില്‍ പഞ്ചസാര ചേര്‍ത്തിളക്കി ഇളംചൂടോടെ കുടിയ്ക്കാം. ദിവസം 3 നേരമെങ്കിലും ഇതു കുടിയ്ക്കാം.

മൗത്ത് അള്‍സര്‍

മൗത്ത് അള്‍സര്‍ അഥവാ വായ്പ്പുണ്ണു പോലുള്ള പ്രശ്‌നങ്ങള്‍ക്കു നല്ലൊരു പരിഹാരമാണ് മല്ലിയിട്ടു തിളപ്പിച്ച വെള്ളം. ഇതു കുടിയ്ക്കുന്നത്, ഇത് അല്‍പനേരം കവിള്‍ കൊള്ളുന്നത് വായ്പ്പുണ്ണില്‍ നിന്നും ആശ്വാസം നല്‍കുന്ന ഒന്നാണ്.

കൊഴുപ്പു കളയാന്‍

ശരീരത്തിലെ കൊഴുപ്പു കളയാന്‍ സഹായിക്കുന്ന ഒന്നു കൂടിയാണ് മല്ലിയിട്ടു തിളപ്പിച്ച വെള്ളം.

തടി കുറയാനുള്ള നല്ലൊരു വഴി കൂടിയാണ് മല്ലിയിട്ടു വച്ച വെള്ളം രാവിലെ വെറുംവയറ്റില്‍ കുടിയ്ക്കുന്നത്. ഇതില്‍ വേണമെങ്കില്‍ അല്‍പം തേനും നാരങ്ങാനീരും കൂടി ചേര്‍ത്തു കുടിയ്ക്കുന്നത് ഏറെ ഗുണം നല്‍കും.

കണ്ണില്‍ ഒഴിച്ചു കഴുകുന്നത്

മുഴുവന്‍ മല്ലിയിട്ടു തിളപ്പിച്ച വെള്ളം തണുത്ത ശേഷം കണ്ണില്‍ ഒഴിച്ചു കഴുകുന്നത് ചെങ്കണ്ണു പോലുള്ള രോഗങ്ങള്‍ക്കുള്ള നല്ലൊരു പ്രതിവിധിയാണ്. ഇതിലെ ആന്റിഓക്‌സിഡന്റുകളാണ് ഈ ഗുണം നല്‍കുന്നത്.