ലക്ഷണങ്ങള്‍ നിസ്സാരം, പക്ഷേ ക്യാന്‍സറാവാം

ഭക്ഷണം കഴിക്കാനുള്ള ബുദ്ധിമുട്ട്

പലരിലും അനുഭവപ്പെടുന്ന ഒന്നാണ് ഭക്ഷണം വിഴുങ്ങാനുള്ള ബുദ്ധിമുട്ട്. എന്നാല്‍ ടഇത് വെറും തൊണ്ട വേദനയെന്ന് കരുത് തള്ളിക്കളയാന്‍ പാടില്ല. കാരണം ഇത് പലപ്പോഴും തൊണ്ടയിലെ ക്യാന്‍സറോ അന്നനാളത്തിലെ ക്യാന്‍സറോ ആയി മാറുന്നതിനുള്ള സാധ്യത വളരെ കൂടുതലാണ്. അതുകൊണ്ട് തന്നെ ശ്രദ്ധിക്കേണ്ടത് അത്യാവശ്യമാണ്.

ഇടക്കിടെയുള്ള പനി

ഇടക്കിടെയുള്ള പനിയും ശ്രദ്ധിക്കണം. യാതൊരു വിധത്തിലുള്ള ആരോഗ്യ പ്രശ്‌നങ്ങളും ഇല്ലെങ്കില്‍ പോലും ഇടക്കിടെയുണ്ടാവുന്ന പനിയെ വേണ്ടത്ര ശ്രദ്ധിച്ചില്ലെങ്കില്‍ അത് ഗുരുതരാവസ്ഥയിലേക്ക് കാര്യങ്ങള്‍ എത്തിക്കുന്നു. പനിയും ശരീര വേദനയും ഉണ്ടെങ്കില്‍ അത് രോഗലക്ഷണമായി കണക്കാക്കി ആരോഗ്യത്തിന്റെ കാര്യത്തില്‍ കൂടുതല്‍ ശ്രദ്ധ നല്‍കണം.

ശ്വാസമെടുക്കുമ്പോഴുള്ള ബുദ്ധിമുട്ട്

ഭക്ഷണം വിഴുങ്ങാന്‍ മാത്രമല്ല ശ്വാസമെടുക്കാനുള്ള ബുദ്ധിമുട്ടും ശ്രദ്ധിക്കേണ്ടതാണ്. ആസ്ത്മ പോലുള്ള പ്രശ്‌നങ്ങള്‍ കൊണ്ടല്ലാതെ ശ്വാസമെടുക്കാനുള്ള ബുദ്ധിമുട്ട് ഉണ്ടെങ്കില്‍ അത് ശ്വാസകോശാര്‍ബുദത്തിന്റെ ലക്ഷണങ്ങളില്‍ പ്രധാനപ്പെട്ടതാണ്. അതീവ ശ്രദ്ധ നല്‍കേണ്ട ഒന്നാണ് ഇത്.

വയറ് വീര്‍ത്തിരിക്കുന്നത്

വയറു വീര്‍ത്തിരിക്കുന്നത് പലപ്പോഴും ഭക്ഷണം കഴിക്കുന്നത് കൊണ്ട് മാത്രമല്ല. പല വിധത്തിലുള്ള ആരോഗ്യ പ്രശ്‌നങ്ങള്‍ കൊണ്ടും ഇതുണ്ടാവാം. സ്ത്രീകളില്‍ അണ്ഡാശയ അര്‍ബുദമുണ്ടെങ്കില്‍ ഇത്തരം പ്രശ്‌നങ്ങള്‍ ഉണ്ടാവുന്നതിനുള്ള സാധ്യത തള്ളിക്കളയാനാവില്ല. മാത്രമല്ല അടിവയറ്റില്‍ ശക്തമായ വേദനയും നീര്‍ക്കെട്ടും ഉണ്ടാവുന്നു.

നെഞ്ചെരിച്ചില്‍

നെഞ്ചെരിച്ചില്‍ പോലുള്ള പ്രശ്‌നങ്ങള്‍ക്ക് പരിഹാരം കാണാന്‍ മരുന്നും ഒറ്റമൂലികളും കഴിക്കുന്നതിനു മുന്‍പ് തുടര്‍ച്ചയായുള്ള നെഞ്ചെരിച്ചില്‍ ക്യാന്‍സര്‍ ലക്ഷണം കൊണ്ടാണെന്ന് കൂടി ശ്രദ്ധിക്കുന്നത് നല്ലതാണ്. അന്നനാളത്തിലെ അര്‍ബുദത്തിന്റെ ലക്ഷണങ്ങളില്‍ പ്രധാനപ്പെട്ട ഒന്നാണ് നെഞ്ചെരിച്ചില്‍.

മലശോധനയിലെ പ്രശ്‌നങ്ങള്‍

മലശോധന പല വിധത്തിലുള്ള പ്രശ്‌നങ്ങള്‍ മൂലമുണ്ടാവാം. എന്നാല്‍ ദിവസങ്ങള്‍ നീണ്ട് നില്‍ക്കുന്ന വയറിളക്കമോ അതോടനുബന്ധിച്ച പ്രശ്‌നങ്ങളോ ഉണ്ടെങ്കില്‍ അതിന് പരിഹാരം കാണാന്‍ ശ്രമിക്കുന്നതിനു മുന്‍പ് ഡോക്ടറെ കാണാന്‍ ശ്രദ്ധിക്കുക. കാരണം മലശോധനയിലെ പ്രശ്‌നങ്ങള്‍ ക്യാന്‍സറിന്റെ കാരണമാകുന്നു.

അസാധാരണമായ മുഴകള്‍

സ്തനങ്ങള്‍, വയര്‍, കഴുത്ത്, കക്ഷം എന്നീ ശരീരഭാഗങ്ങളില്‍ അസാധാരണമായ മുഴകളോ തടിപ്പുകളോ ഉണ്ടെങ്കില്‍ അത് ശ്രദ്ധിക്കണം. സ്തനാര്‍ബുദ ലക്ഷണങ്ങളില്‍ ഏറ്റവും മുന്നില്‍ നില്‍ക്കുന്ന ലക്ഷണങ്ങളാണ് മുകളില്‍ പറഞ്ഞത്.

പാടുകളും കാക്കപ്പുള്ളികളും

ശരീരത്തില്‍ കാക്കപ്പുള്ളികള്‍ ധാരാളം ഉണ്ടാവുന്നു. എന്നാല്‍ ശരീരത്തിലെ കാക്കപ്പുള്ളികള്‍ വലുതാവുകയോ നിറവ്യത്യാസം സംഭവിക്കുകയോ ചെയ്താല്‍ അത് അല്‍പം ശ്രദ്ധിക്കേണ്ട ഒന്നാണ്. സ്‌കിന്‍ ക്യാന്‍സറിന്റെ ലക്ഷണങ്ങളില്‍ പ്രധാനപ്പെട്ട ഒന്നായിരിക്കാം അത്.

നഖത്തിലെ മാറ്റങ്ങള്‍

ഒരിക്കലും അവഗണിക്കാന്‍ പാടില്ലാത്ത ഒന്നാണ് നഖങ്ങളില്‍ ഉണ്ടാവുന്ന ചെറിയ മാറ്റങ്ങള്‍ പോലും. അതുകൊണ്ട് തന്നെ ഇത്തരത്തിലുള്ള മാറ്റങ്ങള്‍ ശ്രദ്ധിച്ചില്ലെങ്കില്‍ അത് ജീവന് തന്നെ ഭീഷണി ഉണ്ടാക്കുന്ന ഒന്നായിരിക്കും.